練靚”欏柚”(臀大肌)呢個概念通常都係出現響時下女性又或者係健美運動員身上，因為女性追求嘅係S形凹凸有致嘅身材，而健美運動員就係追求整體肌肉嘅完整性，但當響一般普通人嘅角度嚟講，尤其是係男士就會覺得練欏柚係無意義嘅因為我地都唔係靠個欏柚去吸引異性
但如果咁諗你人生嘅意義將會越嚟越少，因為你忽略左其實臀部帶俾人體嘅除左單純嘅外形美觀之外仲有更多唔同嘅影響，包括你日常生活舉手投足，只要係影響到你行動力就會牽涉到你嘅臀部，所以臀大肌就好比人體力量之源，所以一旦你嘅臀大肌受傷，你體能變弱嘅速度可以話係一瞬之間
就係咁誇張，臀大肌的損傷會嚴重影響人的生命以及日常工作。
首先我地要知道臀大肌就係指盆骨臀部外圓形彎曲形狀包覆著的最外層肌群，可以突顯人體曲線，另外佢嘅功能係有助於控制下半身嘅動作，通過控制髖關節以及大腿令你在行路或跑步時保持平衡。收緊臀大肌就係用以幫助身體向前活動，同時也有助於使身體從蹲下姿勢起立以及上樓梯等動作.
臀大肌一塊咁厚實(本應)嘅肌肉通常嘅受傷原因都係因為過度使用或濫用肌肉，不良姿勢或外傷可能導致臀大肌受傷或積弱，不過一般都好難定斷係咩原因做成，而診斷困難嘅原因係，臀大肌無力或受傷可能會導致身體其他部位（包括(下)背部，臀部和膝蓋）疼痛。
好多人進行劇烈運動前。如果不首先伸展好腿筋，則臀大肌有機會受到影響。下半身嘅大部分肌肉都係互相連接，因此膕繩肌疼痛通常係臀大肌受傷嘅症狀之一。當跑手嘅腳無力頂唔順嘅時候，通常係由於膕繩肌無力所引起的亦可歸究於過度伸臀大肌而引起引起疼痛。
而可能導致臀大肌疼痛和受傷嘅運動包括游水，上斜坡，武術訓練之中嘅反複踼腿，舉重（例如深蹲蹲和硬拉），跌親又或者坐得太耐。
一般徵狀有三種:
第一種係臀大肌綜合徵，就係當你坐低或起身嘅時候肌肉會出現痙攣或繃緊，有機會係拉扯(脊柱)尾骨而引起疼痛。而疼痛通常發生響一邊嘅臀部，當你一旦坐低左痛就會停，但係有機會再經由臀大肌與尾骨嘅相交點受按壓而再出現，痛感有機會係壓痛，刺痛或髖關節嘅活動度受限制。
臀大肌的另一種傷患，就係當臀部肌肉中三個觸發點之一出現痛楚。當內側觸發點疼痛出現時，會感到尾龍骨嘅骶骨至肌溝或大腿後部出現壓痛。當較低的觸發點產生疼痛，就會感到整個臀部區域有好很嘅壓痛，仲有機會響坐姿嘅時候出現刺痛。最後就係尾骨觸發點係指痛狀出現於尾骨，通常一坐就會痛。
臀大肌的第三種傷患就係當肌肉被拉扯或收縮時。主要症狀係臀部區域出現劇烈疼痛，當你進行嘅運動係需要收縮並擠壓臀大肌。至於其他相關的其他常見症狀包括壓痛，僵硬，痙攣，瘀傷，腫脹和虛弱
基本上你聽到以上嘅痛症都係一啲煩到你莫講話訓練，連起居飲食，連瞓醒起身果一下都令你行動不便，正正因為臀大肌係位於一個人身體嘅核心部分，唔係話你想避就可以避到唔陏嘅位置，就算你想話做一啲上身孤立嘅動作，你都好大機會要用到核心去穩定令你嘅動作質素提高並降低上身嘅受傷風險，但而家你連做呢一樣選項你都會覺得痛苦，你就知道你嘅臀大肌不能失守嘅一個重要陣地，至於點樣唔失守呢，最好嘅方法唔單只係點樣令臀部變得更柔軟，更加係要令臀大肌變得更加強，咁先至後預防受傷嘅最好方法，下次先同大家再講下，加強左臀大肌嘅訓練有啲咩好處!!!
以上為資料搜集所得內容，並醫學建議，如有任何詳細情況查詢或經歷類似傷患請盡早就醫，尋求專家意見.
Credit to Alexandra Unfried(Nursing education master’s degree) and Amanda Robb(Master in Science from Tuffs Medical School in Cellular and Molecular Physiology)
圖:Joisah 文:Burger
#Kofgym #Muscle #Hip #Glute #training #core #mobility #ability #stability #walk #squat #Deadlift #hipthrust #訓練 #肌肉 #臀大肌 #健身 #健身室 #全民健身 #全民變強 #穩定性 #靈活性 #深蹲 #硬拉 #香港健身
坐姿體前彎訓練部位 在 站姿前彎- 柔軟度快速進步小技巧 - YouTube 的美食出口停車場
本影片提供在拉筋前按摩身體工作 部位 的方法，其原理為提高你對身體的覺知度跟控制力，以達到瞬間柔軟不進步的效果！▽影片當中示範的則則有運動的習慣 ... ... <看更多>