📍ʜᴜɴɢ ʜᴏᴍ, ʜᴏɴɢ ᴋᴏɴɢ 🇭🇰
<要鴛鴦雞蛋仔定三色雞蛋仔 紅磡雞蛋仔>
雖然紅磡雞蛋仔已經有40幾年歷史，佢哋由普通嘅街頭無牌小販檔做起到而家連鋪頭都有，不過其實今日嘅師傅已經唔係當初一開始嗰個😩但小編相信味道就一樣嘅，因為之前嗰位師傅已經將全部嘅雞蛋仔秘方傳晒比佢😂
雖然雞蛋仔同格仔餅嘅口味就唔算好多，不過就勝在味道配搭夠豐富🤗另外店舖嘅水果班戟一樣好似都幾有人氣🤔小編等緊個雞蛋仔嘅時候都見到有好多人行過嚟買班戟丫。
🍴三色雞蛋仔
評分：8.5/10
所謂嘅三色雞蛋仔其實即係有齊原味、朱古力同抹茶口味嘅雞蛋仔，真係好適合貪心既小編丫😍講真其實小編印象中真係好似冇見過一底雞蛋仔裏面竟然可以有三款口味，除咗打卡靚之外，一個人食味道上感覺都冇咁dry😏
基本上每一粒既雞蛋仔都非常飽滿👍而且雞蛋仔每一底都係即叫即整，所以攞上手會燙手架😅但可能一底雞蛋仔就要等返5-10mins。朱古力雞蛋仔裏面有啲朱古力粒😋所以個朱古力味真係會比較明顯👍而且雞蛋仔入口唔算甜但又有好重既朱古力味。原味雞蛋仔既雞蛋唔算好重😅不過其實蛋味依然都係有，但只不過係正常貨色😔至於個抹茶雞蛋仔就反而比較有驚喜😉雞蛋仔入口帶有少少抹茶既甘香☺️不過雞蛋仔就唔係好做到外脆內較嘅效果😢可能係因為店主見小編等得耐，想快啲俾小編醫五臟廟嘅關係掛😂
整體而言，店舖既性價比確實幾高😁雞蛋仔既份量非常足夠，而且用料上都好優質☺️難怪之前會有咁多人介紹啦🤗另外店舖嘅班戟望落真係好豐富🤤不過食完一底雞蛋仔之後小編都已經飽飽地，唯有等下次經過先再試佢哋嘅班戟啦😎
價格：HKD $19
——————————
店舖名稱：紅磡雞蛋仔
環境：4/5
服務：5/5
地址：紅磡大沽街寶利閣2號舖
交通：港鐵黃埔站B出口，步行約5分鐘
——————————
#hkfoodie_life_紅磡
想睇翻同類型既食評👇
#hkfoodie_life_雞蛋仔
．
．
．
．
．
#dessert #desserthk #hkstreetfood #streetfood #matcha #matchaeggwaffle #eggwaffle #matchaholic #chocolate #egglet #bubblewaffle #紅磡雞蛋仔 #街頭小食 #街頭小吃 #掃街 #小食 #抹茶 #抹茶控 #抹茶雞蛋仔 #朱古力雞蛋仔 #巧克力雞蛋仔 #甜品 #甜點 #雞蛋仔 #鶏蛋仔 #菓子 #まっちゃ
