關於 超力伊麵好唔好食 ，我們在網路上蒐集到這些相關的討論、資訊與評價

【日日有食神】
我的百福廣order終於送到la~
琴晚收到email通知由ParcelForce送貨，
今早未到10am就來拍門lu。

開箱後它用紙+膠袋包住，
仍然是凍的~
應該OK gaw~

先試一下客家梅菜扣肉~
一包400g其實都唔算多，
剛好一小碟可以放入電飯煲翻熱。

另一道菜煮了煙肉豬皮炒Sugar snap peas~加左蒜片，紅葱頭和1茶匙的辣椒油，超惹味ar~

是日Y先生放工後去左Morrisons打大佬，
經過1個月的訓練，
今次連Sugar Snap Peas都買到ar!
掌聲鼓勵！
買左超超超超多野!
多到影唔哂 🙈

在比左個list他自己買唔洗再電話講的情況下，買到了：

蔬果系：
士多啤梨、藍莓、柑、香蕉、青瓜、蘆筍、Sugar Snap Peas、蘑菇、紅葱頭、大葱、蕃茄、粟米、牛油果

肉類：
全雞、豬腩肉、肉眼扒、牛尾、免治牛肉、黃油雞脾、煙肉、排骨、火腿、Pancetta、蟹柳

麵包類：
方包、牛角包、pancakes、藍莓muffin

奶類：
牛奶、cheddar cheese、soft cheese (其實我話要cream cheese但他話無貨) 、double cream、unsalted butter

其他：
果汁x2, 茄汁豆、午餐肉x2、egg noodles、baking 用朱古力、Viennetta Vanilla雪榚、Magnum Classic脆皮雪條、花生醬(Smooth) 、茄汁、garlic powder x2、Fish Fingers、Fish Fillet

暫時諗到的菜式有😌：
★偽Mrs Field's Cookies
★柚子骨
★叉燒
★牛扒
★紅酒牛尾
★肉醬意粉
★蛋撻/葡撻
★青瓜蟹柳牛油果cheese壽司卷
★炒麵

今次買唔到蛋(屋企尚有>半打) ，亦略欠一些葉類的蔬菜。

想整豉油皇炒麵送粥但他買返來的egg noodles似係乾燒伊麵個種多d bor 🙈😅

買左咁多先£91~抵唔抵呢~
仲用埋evoucher, 有九五折tim 😎

#要快d落種子種多d菜先得
#SugarSnapPeas比荷蘭豆好食好多
#有排煮要諗食邊樣先
#見到依堆材料仲有咩菜式建議呢~
#英國抗疫日常
#想食唯有自己煮

La Paloma (西環)
西環西營盤皇后大道西189號西浦1樓
-----
朋友仔搬新搬屋 呢日去完佢屋企參觀之後 佢就帶左B仔黎佢新屋樓下嘅西班牙🇪🇸餐廳食飯 豪宅🏤果然係唔同d 樓下嘅餐廳都特別有格調 裝修high class中帶西班牙特色 打卡一流 場地大得黎 有室內室外 幾適合包場開party 黃燈泡點綴下感覺非常浪漫 可惜坐我對面唔係仔 哈哈哈 不過都好 同靚女朋友仔一齊係咁正嘅氣氛下撐檯腳 都係開心嘅🤣
-
◆Bacon and cheese air-baguette
第一次見有透明嘅煙肉 好特別 望落激似一塊粉皮 透明煙肉下面就係一舊香脆嘅鹹點 一咬落去 中間就有大量液態芝士流出來 唔怕肥嘅話真係幾好食😂
-
◆Smoked salmon “tnt” with chipotle cream
上面嘅煙三文魚煙得恰到好處 鮮味中帶煙燻香 而下面一樣係非常脆卜卜 咬落中間有墨西哥辣椒忌廉流出 雖然個名有辣椒兩個字 但係其實食落完全唔辣 倒是有少少似乳酪嘅味道
-
◆“Bikini” Spanish style sandwich with cheese, Iberico ham and black truffle 呢款西班牙風嘅三文治 中間有大量伴隨黑松露嘅芝士 再配搭埋西班牙伊比利亞火腿 鹹香味濃且松露味突出 正 😁
-
◆Tender octopus legs with potato and smoked paprika 八爪魚🦑好新鮮 配搭煙熏紅甜椒粉 令整體鮮甜味更突出 底下嘅薯仔就較為硬身脆口 整體配搭幾有趣
-
◆Crispy slow roasted suckling pig with Brusselsprouts and mushroom 慢煮燒乳豬 外脆內腍 非常入味 脂肪同肉比例大概係6比4 老實講 真係好邪惡 油脂味極濃 質感幼滑 但亦真心肥😂唔怕肥的話會好中意 伴菜係小捲芯野菜同蘑菇 吸左豬肉汁蔬菜 滋味滿滿 但一樣係油分較多😆
-
◆Traditional style chicken, rosemary, green beans and artichoke 一上檯就比佢個超巨型份量嚇一嚇🤣 好彩之前個幾碟菜式份量都唔係大 如果唔係真係會食唔曬 雞肉好嫩 份量唔少 西班牙米粒用西班牙醬料同香港唔特別多人用嘅菜薊煮過 鹹甜並存 粒粒都飽滿結實 好飽肚亦什具西班牙風味
-
◆“Bollycao“ Hazelnut and chocolate filled brioche rolls 呢碟甜品象徵住晚餐嘅結束 亦係成晚嘅高潮位 呢款係西班牙嘅傳統油炸甜點 炸過嘅麵包熱辣辣 一咬落去 中間嘅榛子醬同埋朱古力醬爆曬出嚟 嗰種邪惡 嗰種美好 嗰種明知佢好肥 但係又完全無法自控地食晒佢嘅衝動 真係言語難述 😂
-
◆Red sangria red wine based and a twist of spirits pitcher 野飲方面我地就叫左兩杯西班牙水果酒 一杯係紅酒🍷作基底 一杯係以白酒作基底 個人較愛甜度低少少 果味重少少嘅呢杯紅酒sangria 整體冰涼可口 容易入口 酒精濃度恰到好處 係食西班牙菜必備嘅飲料
-
♥︎無論裝修定食物都好西班牙🇪🇸好多外國人 感覺自己真係去左西班牙咁
-----
👶🏻B仔整體評價：7.6/10個👍🏻
👶🏻B仔抵食程度：7/10個👍🏻
👶🏻B仔環境評分：8.5/10個👍🏻
👶🏻B仔味道評分：7.5/10個👍🏻
👶🏻B仔回頭機會：7.5/10個👍🏻
-----
#swallowhongkong
☺️快D跟住B仔一齊吞食香港啦！🤤
#swallowsaiyingpun

@ La Paloma

#鮨蕾 Sushi Tsubomi (銅鑼灣)
銅鑼灣登龍街2-22號V Point 22樓
-----
放左個悠長假期返黎 真係好唔想返工 對住公司部電腦成日 個人真係好sad 連我最愛嘅打食評都丟低左幾日 朋友仔見B仔假期後遺症咁嚴重 就帶B仔黎銅鑼灣靚靚高檔新商場V point食Omekase 希望可以用美食黎醫治好憂鬱嘅B仔
-
呢度一共有四款Omekase 其中一款係素食黎 第一次見Omekase有素食 雖然好特別 但係B仔最愛都係魚生🐟最後B仔同朋友仔都叫左最平嘅Omekase套餐-楓 （第一次黎 叫個最平嘅黎小試牛刀😄）
-
楓（$850)：成個set分別有前菜 刺身 燒物 壽司六貫 味噌湯同埋甜品
-
前菜：自家製蓮藕片 非常脆身 只用淡淡嘅鹽作調味 感覺健康 新鮮嘅水髮菜配撘左姜蓉同醋 食落酸酸地且好冰 水髮菜非常幼細 質感好得意 整體好似食緊冷面 栗子就經蜜糖水浸泡過 好清甜 仲有一粒自家醃製過嘅楊梅 酸甜多汁 好開胃😊
-
刺身：碟上有和風汁作裝飾 薄切嘅立魚透光度十足 魚肉白得黎帶淡紅色 肉質爽口 上面更撒上西柚皮碎 令整體甘甜中帶點清新 中拖羅上則放有北海道海膽 拖羅色澤鮮紅帶油光 無半點暗啞瘀紅色 雖然質素上乘但亦敵不過海膽嘅超級無敵鮮甜味 建議將拖羅同海膽分開食 以免拖羅味被掩蓋😆
-
燒物：是日燒物為鱈魚西京燒 鱈魚皮燒得極為香脆 唔係講笑 真係脆到好似薯片咁脆 鱈魚肉質嫩滑 而且Juicy得黎一D都唔油膩 食到B仔同朋友都連聲讚好🐟
-
6貫壽司：*石門魚 師傅話一年得好短時間當造 要喺佢當造季節先有得食 口感非常爽口 咬落回彈力強勁 加入青檸汁更顯鮮甜 *鱆紅魚腩 係夏季當造 油脂特別豐富 入口肥美 近乎即溶*伊佐木魚 壽司師傅為我哋選擇咗一樣係夏季非常當造嘅依左木魚 當季嘅伊佐木肉質豐盈肥美 鮮度拔群 用火槍輕輕燒過 帶有淡淡煙熏味 食落好幼滑*鰈魚邊 油脂味突出 食落其實好似左口魚裙邊 但脂味更出 記得要趁熱食 凍左會冇咁好食*熟成拖羅 喺呢度獨有嘅製法 由總廚自創 出面食唔到 拖羅以秘製醬油浸過 令筋位變軟 入口更幼滑 *北海道海膽壽司 海膽多到似山泥傾斜 每啖入口都極致creamy 鮮甜味滿瀉 😭食落有令人感動嘅感覺 可能係B仔暫時喺香港食過最好味嘅海膽
-
麵豉湯：麵豉味道調得恰到好處 唔會太淡太鹹 上枱時非常非常熱 好暖胃 將食完壽司之後嘅寒意一驅而散 飲完好舒服😊
-
夕張哈密瓜：以香甜多汁嘅當季夕張哈密瓜作爲結尾 整餐都非常完美🥰
-
♥︎Download 佢地個apps有95折
♥︎除左食物出色 服務態度亦極佳
♥︎上網做完research後發現原來呢度嘅總廚師承前日本首相橋本龍太郎之御廚松戶利雄🤓
-----
👶🏻B仔整體評價：9.3/10個👍🏻
（好耐冇俾過咁高分）
👶🏻B仔抵食程度：8.5/10個👍🏻
（以食物質素、份量、環境同服務黎講其實個人唔覺得貴）（海膽真係比得好大方）
👶🏻B仔環境評分：9/10個👍🏻
（乾淨、部份座位睇到海景）
👶🏻B仔味道評分：9.5/10個👍🏻
👶🏻B仔回頭機會：10/10個👍🏻
-----
#swallowhongkong
☺️快D跟住B仔一齊吞食香港啦！🤤
#swallowcwb

@ Sushi Tsubomi 鮨蕾

#將軍澳 #寶琳市場 #香港街市 #8424 #8424西瓜 #本地消費 #買餸煮飯
#氣炸鍋 #氣炸鍋食品 #寶琳市場facebook #毋須找續 #與你同心守護健康 #防疫貼士 #香港街市 #羊肚菌 #養生美容 #平價龍蝦 #日出康城


Hello大家好我叫阿Tsar

大家最近為了食好煩惱, 一時不可以堂食, 一時又可以

這麼麻煩, 都是買餸回家自己煮吧,

我一向去外國旅行, 都好鍾意行街市, 而且這類影片深受男性網友支持

鐵漢柔情，勁過黎明，當你公主，為你下廚

一對情侶或夫妻，一起落街市買餸

都可以是另一種樂趣, 當然是疫情沒那麼緊張,而你覺得舒服的時候

就好像我今天去了將軍澳的寶琳市場

真是可以用街市遊樂團來形容, 先看看裝修先吧，

寶林市場沿用墨綠色為主調，融入大型圓柱、傳統拱門、金屬罩燈、

鐵枝架等設計元素，型格別致，簡潔明亮，洋溢濃厚的歐陸傳統市場風格，

來到寶琳市場就可以感受到這種異國風情

彷彿置身於歐洲，再望下四周親切的面孔

有令人窩心的笑聲， 這裹絕對是個街市遊樂團

在這麼歡樂的氣氛買餸，人都健康些、更美

雖然一個二個戴住口罩, 但是你們都可以由他們的眼神見到

善良和勤奮就是最好的美容靈丹妙藥, 你們都快些來感受下這一種歡樂氣氛呀

這絕非廣告, 所有影片裏面我買的吃的，都是自己付費

因為這裹真是有好多好多貨品是物超所值

平日我去最多的，就是正街街市、西環、銅鑼灣還有灣仔

因為一個街市我買不到齊全東西，要走來走去

來到寶琳市場，除了你可以一次過買齊想要的東西之外，貨品齊全

價錢還當抵買、抵食，新鮮、健康、好味

小販對顧客提供專業的產品知識，

我不經不覺就行了幾個小時，還跟這裹做事的人傾談，學了好多

這個市場經營得這麼好, 其實是有賴一班上上下下的工作人員

甚至每一位在這裏售賣的小販和店主，努力付出的成果

講多無謂, 快些來看看今日的十大必買必吃店舖啦!

第一必買, 這間叫做牛四方手切牛肉專門店,

主打騸牯牛肉以及多款刁鑽的牛肉部位，質素相當有保證。

價錢平過我平時買開的地方好多

騸牯牛是指已閹割的牛，公牛被閹割後的激素較少，

性格比較溫文，肉質又不會因活動過量而變韌，

脂肪分布因而較平均，不像和牛般入口膩滯，牛味更濃郁，

口感亦比較嫩滑而不韌，全港每日只有少量供應，

不是處處吃到架!! 騸牯牛的牛頸脊位置，油脂少而肉味濃，

富嚼勁，而質感更為嫩滑，牛骨可以用來淆湯超級鮮甜有益啊

牛骨湯就含有豐富蛋白質，脂肪，維他命和鈣質等

促進人體鈣質吸收，提高免疫力，健脾開胃的作用，

用牛骨湯湯底，再加上一些內臟及這裏刁鑽的牛肉部分去打邊爐，

食完精力充沛,老虎都鍊低幾隻,

而且店舖裏面的刁鑽牛肉部分比較多

可以提供不同口味和口感，要視乎你自己的喜好

你可以親臨這間舖頭，問問老闆娘提供意見

他們好樂意為您解答疑問，還有他們經常在自己 “牛四方牛肉”

或”寶琳市場”的facebook, 發佈當日的優惠和每日新鮮產品

你可以直接在facebook留言，或打電話給他們, 預留那款你喜歡的牛肉

因為太受歡迎，而且老闆娘人緣很好，我親眼見到的

你看我笑到手都震曬啦, 所以facebook 一post 出來無耐,

最好和最優惠的貨都好快給人搶曬啦

尤其是星期六日, 好多清水灣或者附近一帶的居民

都會專誠揸車來到這裹購買， 因為寶琳市場後面有一個停車場

亦好方便外來人在這裹泊車, 我由中環搭地鐵去到寶琳站45分鐘，

再行七分鐘就到這個市場, 超級方便, 多話短說，

快些去like他們的Facebook 吧，手快有手慢冇!

第二必買, 營品凍肉, 這裹有聯合國那麼多的凍肉選擇

貨品靚而價錢平，多款式氣炸鍋食品，價錢都很便宜

16/ 磅的德國豬手, 每一件大約不用100HKD

買回家用氣炸鍋煮，就可以食到脆卜卜的德國咸豬手

你在餐廳吃最少要200HKD， 這麼大包氣炸鍋韓國炸雞75HKD

出面賣最少要90HKD, 這包細一點來自日本33hkd

跟這包韓式辣醬雞一樣價錢， 這包炸蝦扒26hkd不是處處有得買

荷蘭曲薯條，大到我一隻手都拿不起，28hkd, 2KG包裝都只是50KD

釀蟹蓋又是幾特別6勺氣炸鍋食品，薯絲蝦、炸帶子、日式吉列大炸蝦、

韓牛漢堡、北海道薯餅、 北海道牛肉薯餅一包十大件

這麼大條荷蘭豬腩，可以紅燒大蒜爆炒都得，

紐西蘭羊肉片、 丹麥無激素豬梅、 一包多隻鴨舌都是43HKD，可以用麻辣醬來煮

泰式青黃咖哩, 多款抵買日本醬料，還有多款超值抵食來自北海道的冰凍海鮮

食材解凍後如何辟除雪味？專家建議，雞肉、豬肉可用適量的鹽醃20分鐘，

再沖水洗淨，即可除掉雪味；煮食時加入薑、葱、蒜等再調味，亦有助去除雪味。

牛肉解凍後，只需用鹽及胡椒調味即可。

海鮮就可以用一大碗水及一匙羹醋或檸檬汁，除掉雪味及腥味。

另外急凍蔬菜只需要浸水，回復原狀即可。

第三必買, 勇記鮮果，多款來自世界各地的水果，獨家售賣

好多是來自日本，價錢跟我在日本買到的差不多，

在香港叫做買得平㗎喇，這期8424西瓜好紅, 他們都是賣118hkd

8424特點是瓜身較圓、頂位有莖藤、

瓜紋上的綠、白兩色分間明顯，輕力拍打時會聽到清脆的聲音。

切開後會見到內裏是深粉紅，而不是血紅色，

瓜皮特別薄，心位不會有黃筋或爆開，會有少許白色瓜籽。

入口多汁而甜，甜度大概有12、13度左右，味道有冰糖味，因此又叫冰糖麒麟。

美國桃駁李, 全場只此一家, 桃駁李當造時間是6月至9月

揀桃駁李的時候, 攞上手要夠聚手, 代表水分充足

表皮要冇損傷或碰撞， 果頂位置要完整

果頂凹陷就會容易變壞, 除了當生果吃，

還可以取代菠蘿煮生炒骨，果香更濃沃口味,

冇核黃皮, 不僅味道甜美，而且無核、果大、肉厚、嫩滑，是黃皮中的珍品。

黃金桃是近年人氣急升的桃品種，果肉鮮黃，故又叫黃金桃。

果肉細嫩光滑有咬口，追熟後囗感軟潤順滑，甜味突出，

果汁豐盈，還真的帶有芒果香，桃味甚濃，

是桃味與芒果味混合的獨特味道。每年中秋都是人氣熱賣商品之一！

台灣水仙芒，大過我隻手呀， 台灣黑金蜜，香甜可口，清脆汁濃，

外形呈橢圓形，果皮是墨綠色的，點綴著金黃色的條紋，

生長期接受光照超過1000小時以上，充分的光照產生積累了豐富的糖分，

它融合了西瓜的清爽，還有蜜瓜的甜蜜，

含有多種蛋白質，醣類，攝取纖維，營養成分非常好，老少皆宜。

第四必買， 泰靚手撕雞，我經過這間店舖的時候

是被這位阿姐的笑聲吸引住，她們客人傾偈笑到好開心

跟住我站著一邊，看到她做事，好勤力、對客人好好

好開朗，見到她令人好開心, 那就吸引了我去幫襯了，

雖然阿姐讀書不多，但我看得到她很熱愛自己的工作

贏取到我對她的尊敬，在這經濟低迷的環境，

能夠請到一位這麽開朗的員工,是老闆的福氣

手撕雞有原味,香辣和麻香, 有不同size,自然就有不同的價錢呀

一人份量40HKD一盒,都好大盒喎, 我揀了麻香花椒味,

超級好味, 但我覺得一點也不貴, 泰式冷盤每磅75蚊,

冷盤有牛肚,鴨腎,魷魚,豬腳, 皮蛋 ,海蜇, 嘩！好多口味呀

你看看那麼多明星來幫襯, 阿姐話不止這幾位名人來買㗎

有些名星來買但沒有影相, 所以超級受歡迎㗎

連烹飪高手（陳）煒哥都落嚟幫襯, 味道真是非同小可

幫襯一次真的不夠喉呀, 我會再嚟㗎,

這個市場真的好開心,講開好的員工又何只一個呢

我在這個店舖買炒麵食,阿姐又陪我傾計講笑

它的豬腸粉又是即整喎, 大大盒面都是15HKD, 都好好食喎

多款生滾粥,22HKD,真的超平囉, 如果我住在附近呀

一日起碼下來幾次呀, 我叫阿姐給我影相的時候,

阿姐起初話唔靚影乜嘢呀, 我跟她說一個人善良和勤奮就會靚㗎啦

你們認同嗎？

第五必買， 德興草堂, 我是被這包極正的羊肚菌吸引到

自從我上年在西班牙食過一道羊肚菌菜式, 一食難忘

羊肚菌味道極之鮮甜，而且營養價值非常高

羊肚菌含有抑制腫瘤的多醣和抗菌及抗病毒的活性成分，

因此具有增強機體免疫力，抗疲勞，抗病毒及抑制腫瘤等功效的作用。

這個就是雪蓮果, 雪蓮果含有豐富纖維，潤腸通便

排毒降火， 清肝解毒，控制血糖，能夠增強免疫力

五指毛桃，加淮山、粟米及栗子煲瘦肉湯, 可以補肺益氣

龍脷葉1 兩,青欖4兩, 煲滾水之後細火兩個鐘頭, 當水飲(一人份量)

化痰止咳, 你喜歡可以加蘋果，瘦肉，當湯水飲都ok

印度椰子營養價值極高，有助清燥熱、止咳功效、滋陰補腎、潤肺養顏的功效，

簡單煲青紅蘿蔔豬骨湯，加印度椰子，湯的口味即時會變得香濃清甜好多

捱夜瞓不好就最適合啦, 第六必買, 包點先生,

這裏有條小食街有十幾間店, 開放至凌晨一點

這間店舖經常排長龍，你看那些足料湯水，45HKD咋

豐富的炆餸 都是38至到40HKD， 我覺得這間店舖的設計非常之好

客人點餐之後，即時可以在身後這個蒸爐拿出來外賣

視覺上非常之流口水，還有這個親民的價錢，值得一試

第七必買, 聯光海味, 由一對年青夫婦主理

老闆娘親手包製的純手工包製養生茶 ，有25HKD至到38HKD不等

買夠三包就送一個茶壺，其實真的不是賺你好多，

但我跟他們傾計，就知道他們寧願薄利多銷

希望街坊幫襯了之後，食得身體健康，多些回頭客

我站在他們店鋪片刻，就聽到一個街坊跟老闆説

“你幫我執啦”，輕描淡寫一句，就充分表現到街坊對他們的信任

這並非送一個茶壺，就那麼容易建立到的信任，

而是做生意講求誠信、優質服務、品質至上長年累月的建成

薄利多銷，都要靠來貨比較平，怎 樣可以做到來貨比較平呢

就要靠你自己店舖人流多，貨如輪轉，你就可以跟供應商攞一個較優惠的來貨價錢

這個要靠信譽，所以做生意誠信是好緊要的，顧客信你，幫襯多

攞貨攞得快，供應商給你的價錢就自然會平些

我差不多一個星期去上環海味街一兩次，你看看這些羅漢果那麼大個都是賣四蚊一個

上環海味街都末必買到, 你看看羅漢果又大個，外殼色澤鮮明，

我平日會攞一個羅漢果，壓碎之後用水煲20分鐘, 攤凍後放入雪櫃平日當水飲

羅漢果可以有清熱涼血、生津止咳、滑腸排毒、嫩膚益顔、潤肺化痰等功效，

我幾年前被人傳染咳得好利害，看了整個月四次醫生都醫不好

我有一日在廚房忽發奇想，煲了一個羅漢果來飲，之後好了八成的咳

飲了兩三次羅漢果水已經完全好番曬

所以對於我來說, 羅漢果是最平的神丹妙藥, 但如果體質寒涼就不太適合了

還有鱈魚膠、花膠這些美容產品，我寧願買千幾元一盒花膠煲好多次湯水

都不寧願買一樽好貴的護膚品, 因為煲靚湯除了可以美容之外還可以調理身體

但是美容產品就未必可以做到兩者兼得,

還有18蚊一斤的椰棗，來自中東，英文叫做Date

每年大約五月至六月是伊斯蘭教徒的齋戒月，

在日照的時間不可進食。晚上開齋時，

傳統上會先吃一粒椰棗，以補充能量。所以在中東一帶十分受歡迎

如果你減肥的時候, 都可以食三四粒椰棗取代一餐

它可以補充能量，但千萬不可以食得多，因為怕太高糖分

椰棗具有排毒功效，治療肝病,

椰棗的排毒功效會清理肝臟里的毒素和重金屬。

另外飲用椰棗汁也可治療扁桃體發炎以及感冒、發燒。

第八必買, ........請支持收看影片!!!