關於 贏咗得餐笑 ，我們在網路上蒐集到這些相關的討論、資訊與評價

好奇怪，依家年年奧斯卡頒獎之後，個個都走嚟恭喜我，搞到我要謝票咁滯。又好，既然大家咁俾面，我又講番兩句。

今年個個都話我9估8中，我想話，其實係10估9中，我仲估多咗一項：就係冇司儀，一樣掂。

特別係完場由茱姐吹雞wrapped up，好過搵個司儀毛生生跳出來講堆行嘢埋單收工啦！

頒獎禮其中一個高潮位，唔使講，必定係Lady Gaga同Bradley Cooper唱歌。嗰一刻，全場、全宇宙，佢哋只有對方，係幾生修到嘅默契同信任，好睇到差不多世界停頓。值獎嘅超班實力足以說服仼何non-believers。

我輸咗，Olivia Colman贏咗，我一樣好開心。雖然爭呢一個就全中，但佢絕對係實至名歸。睇佢個one of a kind嘅acceptance speech，已經值回票價。好多年前佢在《Hot Fuzz》，已經勁正，配音近作做《Watership Down》中的Strawberry 我都勁like。(仲有《The Crown》season 3，佢繼Claire Foy之後，演英女王 Queen Elizabeth II）Applause 👏🏼👏🏼👏🏼👏🏼👏🏼

Glenn Close輸咗，我同呢套戲嘅片商whatsapp，話唔通Glenn Close得罪唔少有票的奧斯卡伯伯？人緣都影響賽果。佢都咁估，仲話Fox嘅Oscar campaign 勁努力，咁我估呢一項Sony Classics有啲輕敵？

有些演出難分高下，都靠周邊因素左右一寸長一寸強。我計埋Glenn Close嘅飛行里數，估佢贏，但久戰沙場，飛行里數中也必有負數。七度提名輸七次，命也、運也，贏得”still the great Un-Oscared actress of our time”，連Olivia Colman自己都話想佢贏，敗、猶榮。

想講多一句，每年Oscar完，唔少自己心水贏出的，就叫好叫床叫囂，唔中就又鬧又噓又屌，又話唔公平黑暗乜乜物，其實，咁同啲食齋唔准人食肉，唯我獨對嘅環保L、宗教L有乜分別？

世界很大的，你或我的標準不是唯一。品味都係。

#奧斯卡神婆
#賽後謝票
#預測獎項誰得十多年
#十多年來從未馬後炮
#輸咗從不屌賽果
#最多笑佢
#贏咗得餐笑 #輸光唔使興
#好多人用奧斯卡來prove自己
#我唔使

《鬼馬雙星》歌詞中「為兩餐乜都肯制前世」以及「贏咗得餐笑 輸光唔駛興」係幾咁簡單幾咁寫實。

有時鍾意聽舊歌就係因為佢夠簡單直接，唔似依家啲歌詞咁多修飾仲懶係有意景咁，如果做人能夠好像舊歌咁簡簡單單，有邊個想做現今嘅面具人呀。

#為兩餐乜都肯制前世 #輸光唔駛興 #人必須知道自己既用途 #一張張賣身契 #枕住咁累你一世

【人生不是賭博】

兒時有首流行曲《鬼馬雙星》有一段歌詞是「人生如賭博，贏輸都無時定，贏咗得餐笑，輸光唔使㷫」。那時候我便想，師長都教育我們不要賭博，如果人生真如賭博的話，人生便是錯誤的了。我結果都不太喜歡賭博，即使兩天前六合彩的一億元彩池，也沒有令我心動。

後來每當我思考人生的時候，總會想起這首歌，漸漸地得出一個結論──如果認為人生如賭博的話，就是不懂人生。

賭博多少要靠點運氣，我不想被運氣主宰。你可以說，賭博也有策略的，最近有一則新聞是關於一個統計學教授，以程式買賣賭馬贏了五千多萬。

當然如果經過研究開發的程式買賣，能提高勝算和減低風險，已經不屬於純賭博。但即使如此，也未必有百分之百的把握，因為任何程式買賣，也可能有「黑天鵝」出現。美國對沖基金長期資本管理公司(Long-Term Capital Management)便曾經以程式買賣令資產滾大了好幾倍，但後來因為俄羅斯盧布貶值和政府違約這隻「黑天鵝」而倒閉。

賭博的特性是輸了的話，賭注便全部輸掉，贏的時候有一定的派彩，而且事前已經知道。但人生每一個經歷，也會有所得着，不會全輸。每做一件事情，事前根本不知道派彩多少，回報沒有上限，只是未必以金錢來衡量。

我認為人生更像一項長線投資，雖然有起有跌有牛皮，但因為有內在價值，有無限的升值潛力，跌的時候不會化為烏有，雖然有機會要經歷長久的熊市，但長線來說，總是向上的。

2016年3月3日 am730 自強不息

哈佛知識分享: 做生意，七大困難選擇!

七條策略問題 Seven Strategy Question《第二: 核心價值 - 公司股東、顧客、員工，誰優先? 》

Business is about making tough choices. 上一集就講咗 Who is your primary customer? 誰是你首要顧客?

今集我會同你探討第二個策略問題: 核心價值 - 你是把公司股東、顧客、或員工利益行先?

How do your core values prioritize company shareholders, emoloyees and cuatomers? Who come FIRST? 當有衝突，邊個利益行先?

根據哈佛教授 Bob Simons 呢本書 Seven Strategy Questions，冇話對唔與錯。 但搞唔清楚就一定錯。三選其一，你揀邊個行先?

(1) 公司/股東 (Shareholders) 行先? 李嘉誠就最出名股東行先。佢退休前最後一次主持長和系股東會，被問及一個出色的企業家最重要是什麼，李嘉誠話：「最重要忠誠為股東爭取正常收入，為股東設想，投資有前途項目，派息要合理，將股東利益排第一。」 我諗你咁多年都聽唔少佢講話股東利益排第一。 因此，好多人都話同長實做生意唔簡單， 甚至乎有時畀人感覺 (no offense) 賺到盡， 一蚊一毫都同你計，why? 因為股東利益行先，佢又啱喎。 但做善事? 李嘉誠本人捐幾十幾百億佢就好疏爽，因為唔關股東事。

Core value (核心價值)係股東行先，即係公司利益行先，成日話為公司著想，即係等於話為公司股東著想。 因此好多上市公司， 甚至乎初創企業，都會有 employee stock option，希望員工同公司利益一致。 希望佢哋由朝到晚都諗住 Creating Shareholder Value，為公司 = 為自己增值。

根據呢本 Seven Strategy Questions, AIG (AIA 母公司)、Citigroup、Pfizer 輝瑞藥業都係出名 shareholders 行先的公司，也是好成功的公司。做生意就係先講賺錢， 天公地道。

(2) 有啲公司嘅 Core Value 就係顧客行先 Customers First。例如，Johnson & Johnson 強生，係1943年就 craft 咗呢個 Credo (教義) :

We believe our first responsibility is to the patients, doctors and nurses, to mothers and fathers and all others who use our products and services....

We are responsible to our employees who work with us throughout the world.

We are responsible to the communities in which we live and work and to the world community as well....

Our final responsibility is to our stockholders. Business must make a sound profit....

When we operate according to these principles, the stockholders should realize a fair return.

Johnson & Johnson 的核心價值 core value 係顧客行先、員工第二、community 社群圈子第三、股東利益排第四。

我相信好多公司都係「話」顧客行先， 但有冇寫到好似強生咁清楚呢? 當然我相信更加多嘅公司，就係口講一套，做另一套。 口講顧客行先， 實質上遇到任何金錢利益，就縮數，公司/股東利益行先。

例如你開間茶餐廳， 有啲食材就嚟到期， 喺掉同唔掉的邊緣， 又唔會食死人，但又未必係最靚料，咁你會點? Be honest! ..... 公司賺少啲都揼?你就係顧客行先。 側側膊，唔多覺照用，慳番啲成本? 你就係公司行先。 無話對與錯， 最緊要搞清楚。你知啫，但係全公司同事知唔知? 能唔能夠全部人都言行一致?

(3) 如果我問你，有 covid 肺炎前， 某航空公司嘅股價喺呢道， 現在估計應該係邊? 如果我同你講仲高過肺炎之前，你會唔會信? 肺炎前係每股USD57，依家? USD62，高咗近10%。 佢就係美國西南航空 Southwest Airlines， 記住呢個係全球最多人染病嘅美國喎，有排都未走出疫情。佢就係出晒名 Employee First 嘅公司。Yes! The airline puts employee happiness above customet satisfaction. 員工開心，更重要過顧客滿意程度。

Southwest ranks employees first, customers second, and shareholders third.  員工第一、顧客第二、公司/股東第三。

你有無坐過Southwest Airlines 嘅飛機? 搭飛機通常最悶嘅就係一開始嘅 Safety Annoucement 安全提示。 但如果喺 Southwest? 你會聽有人講 jokes .... 有人 Rap!

呢啲講笑、唱歌、跳舞冇得迫。 員工開心，佢哋就自然會做。 你上網睇到會更多更多其他搞笑例子。

Southwest company blog says: "We believe that if we treat our employees right, they will treat our customers right, and in turn that results in increased business and profits that make everyone happy."

Employees come first 嘅理念，令到Southwest Airlines 每兩秒鐘就收到一份 job application, 每100個人申請，只有兩個人能夠成功獲取錄。2% acceptance rate， 好多傳媒都話去 Southwest 返工仲難過入哈佛! 有好嘅人才，就自然有好嘅服務，有好嘅業績。 亦都因為咁Southest Airlines 一間公司嘅市值，曾經係等於美國所有其他航空公司(American Airlines, Delta, Continental, UA etc)加埋嘅總和，都唔夠佢一間公司值錢。

你唔好以為Southwest Airlines 淨係員工開心喎，根據權威市場研究公司 J.D.Power 2020 survey，Southwest Airlines 嘅顧客滿意程度 customer satisfaction 都係全美國最高，both long and short-haul. 長短途都贏曬!

但老實說，坊間有幾多間公司會大聲講話員工行先? 間間都話顧客行先? 但諗真啲，係唔係真呢? 轉一轉個優先次序， 會唔會有另一番景象呢?

公司/股東、顧客、員工， 係你嘅核心價值邊個行先? 冇話對與錯。 但最緊要搞清楚， 萬一互相有衝突，你會揀邊個先? 係咪全公司上下同事、顧客、股東、合作伙伴都知? 你是否言行一致?

因為錄呢條片，我都問咗自己好多問題。我自己盛滙商舖基金係邊個行先? 我老婆答案即刻答我: 「你梗係員工行先啦! 因為嗰次點點點.... 」

Yes. 我自己商舖基金係員工行先 Employee First 嘅公司。因為我成日都同同事們講:
「錢賺唔晒，最緊要大家 happy!」...
「唔鐘意賺嗰個人嘅錢，就冇賺!」...
「我哋人少少，賺多啲，遠遠好過人多多，個個賺少啲! 大家都想養家活兒，搵到、洗到、身體好!」

我相信只要能夠建立一個好嘅 culture 企業文化， 大家同事們自然會作出個啱嘅決定，買舖賣舖，有條好嘅 team，真係好難輸。 因此，老實說，如果有邊個客唔妥我嘅員工，我通常都會「唔妥」返佢 - 當然呢個要建基於你哋員工嘅信任。

To me ....「顧客不是永遠對的!」 選擇適當的顧客，長遠回報會更佳， 對你選擇嗰班顧客回報都會更佳。我係道都好幸運地同你講，我商舖基金由2016年成立以來加入的同事們，公司基本上係冇人走過。Turnover 近乎零! 你對人點，人就自然對你點! As said ... 錢賺唔晒，最緊要大家同事們Happy! 人客/公司自然賺錢。

你呢? Who comes first in your business? Company/Shareholders, Customers, Employees? 你公司嘅核心價值，邊個是優先? 無論你揀邊個都好，係唔會同你選擇嘅Primary Customers (首要顧客)有衝突， 只會更加強化你服務佢哋嘅能力及提升你競爭力。 最緊要搞清楚 WHO COMES FIRST!

有興趣聽多啲，就來我五月份星期六嘅早餐會啦! 呢兩集同你講咗 Who is your primary customer? 同埋 Who comes first? Company/Shareholders, Customers or Employees?

下一集同你，What Critical Performance Variables Are You Tracking? 追數? 你應該最追幾條數?

。。。。。

五月份早餐分享會 Topic: The Seven Strategy Questions by Harvard Professor Robert Simons

哈佛分享: 七條做生意策略問題

2012至2014間，我連續三年在哈佛上了 Robert Simons 的堂，畢生受用。我自己成間商舖基金公司都是建基於這本書。

有興趣 sign up la ? 每次限四位 (包括我)。 人多傾唔到計。

5月1日或8日或15日，星期六早上9時開始，約三小時。地點中環。

對象: 管理層/生意經營者/創業者，連我限4位。

有興趣參加的話，請 whatsapp 你的名片給 Suki (我助手) (+852) 5566 1335。

大家交流做生意最重要的幾條問題。

我唔係靠呢行搵食，免費，我請食早餐 ? Be friends ..... 有機會到時見你。李根興 Edwin

www.edwinlee.com.hk

聯絡李根興 whatsapp (+852) 90361143

。。。。。。。。。。

購買李根興的【李根興的生意哲學】(最新2020年6月出版 - 定價$198)，或【買舖 要買得 PRO】(定價$198)，連親筆簽名，可 whatsapp Suki (+852) 5566 1335。各大書局也有售。

【元朗玩到盡！
港式茶記+波波池+迷宮+喜年華+踫踫車.....】
#玩到斷電 #贏到開巷 #林小贏咗4隻公仔

假期完結前梗係要約朋友仔玩到盡，今次，真係好盡！一齊食豐富港式冰室lunch，再開始玩playroom，玩埋踫踫車，再直落嘉年華式攤位掟公仔，3位小朋友贏到滿手公仔先捨得離場，望一望，已經天黑！！的確太盡慶了吧？!聽落去行程咁豐富，媽媽們一定好攰？其實還好，因為以上節目都係同一個地方發生，我地仲圍坐一邊抖住咁睇佢地玩添，葡萄我們吧，話你知，呢度叫 @新田森林樂園 ，望落去好似好荒蕪，但原來係隱世小朋友樂園， 元朗地鐵站轉一程巴士15分鐘就到！♡重點，佢地新年都無休，假期去玩啦！

第一站: 港式嚐餐
大個塊面嘅炸雞髀，真係皮脆肉嫩，配杯超地道特色黑牛白牛、 仲有紅豆冰.... 再叫碗港式餐蛋麵，嘩，塊午餐肉成cm厚！真係要新假期mode開動 #極邪惡 ！提提你記得要嗌兒童餐， 因為每一個兒童餐都送四個代幣，留返去嘉年華玩，夾公仔機最平一個代幣就有得玩，林小姐就用咗兩個夾咗一隻....

第二站: 巨型迷宮
playroom分成兩個部分，bb區有旋轉木馬同埋迷你波波池， 特別為細b而設， 大b就可以瘋狂響大迷宮追跑跳踫， 超大波波池、滑梯、繩網，點玩都得， 最搞笑係滑梯隧道林小 #卡住了 ， 然後 小哥哥救佢♡畫面有愛啊！

第三站: 親子踫踫車
超好玩！一定要玩！6個代幣就玩得，大人後座控制行車，小朋友前座控制「錨射死光」，車速唔快，撞到唔會好大衝力，細b們玩都唔會驚，簡直玩上癮啊！

第四站: 嘉年華掟公仔
成條街都係掟公仔，拋圈、掟波、射槍，好似真係去咗嘉年華咁，仲有得夾公仔同「打機」，唔好以為好搵笨，林小憑「實力」都贏咗4隻公仔！ 有個攤位必玩，就係搖控剷泥車，幾個小朋友比賽，剷啲波波入得分，原來好刺激！

｛驚喜位｝
元朗新田購物城望落去有點冷清，不要怕，行到最入就係森林樂園，入門後就係另一片歡樂天空，不單止大，而且啲野好新好乾淨，玩得好放心！

@新田森林樂園
地址: 元朗新田村路300號新田購物城B6-B12號舖

#mrs1amology #全職bb聯盟 #全職媽媽 #mamablogger #bbkol #親子 #ftm #slasher #coffeelover #misslam #食買玩 #beauty #foodie #高需求寶寶 #斜頸症 #過敏寶寶 #親子好去處 #親子餐廳 #親子活動

「呢度就同屋企無分別，真係喺度土生土長，有好多嘢由無到有，都係呢度畀我，結婚、買車、買樓。」長沙灣熟食市場一熟食檔檔主阿B，在八十年代初出生時，爺爺剛投得檔位，從此他的成長就離不開這熟食市場。

從小幫忙　見證攤檔光輝歲月

「好似軍訓咁，因為阿爺好嚴格，同埋係自己屋企人生意，放學就放低書包，有時飯都唔食幫咗手先，因為嗰時真係好旺。」熟食市場座落在工業區附近，阿B也見證過攤檔以至本港工業的光輝歲月，他也在這些日子學會在餐廳不同的崗位工作。

在阿B二十多歲的時候，就從爺爺手中接管了生意，「壓力一定有嘅，因為嗰時環境開始有變化，好多廠都拆，生意係差咗，嗰陣接手又太後生無咩積蓄，都要靠爺爺支持。」

從不計較　贏得夥計賣力

爺爺對阿B的支持不限於經濟上，他也從爺爺身上學懂做老闆的心得，「要親力親為，唔好懶、唔好遲到，其實只要你做榜樣，所有嘢夥計都睇到，咁佢哋衰極有個譜。」阿B也與夥計們打成一片，「我唔鍾意有階級，因為曾經都打過工，我想老闆點對我，我就點對班夥計。」

就是這樣，阿B因而贏得一班為自己打拚的好員工，其中做了飲食業約廿年的琪姐，跟隨了他約八年，她大讚對方是好老闆，「佢同我哋任何一件事都無計較，甚至人工都唔會計，接觸咗呢啲老闆，你係唔會走啦。」琪姐與阿B也異口同聲說交情已經超越了主僕，彼此更像家人，琪姐更稱呼阿B的媽媽作契媽。　　　　　　　　

熟客天天見　攤檔人情味洋溢

除了員工之間，攤檔在阿B的領導下也與客人建立了一份難得的情誼，「日日做都係嗰二、三百個客，八、九成都係日日見，有啲食咗十幾年仲食緊，大家有講有笑，我諗佢哋都有返屋企食飯嘅感覺。」阿B也坦言十分享受這種感覺，「你會覺得啲人食飯都拎個心同你傾偈咁。」

排檔內，人情味也使人與人之間有更多信任。琪姐指繁忙的時候沒空收錢，客人就會自己在櫃檯留下金錢。而有光顧的中學生更指，曾試過帶不夠錢，但攤檔容許他「賒數」，雖然只是吃了一年多，但因為濃厚的人情味而喜歡這地方。

三十年攤檔結束　嘆政府無情

可惜，政府已經決定在本月底關閉市場，意味阿B要遷出生活了三十多年的地方。雖然他認為地方殘舊，需要再發展是無可厚非，但對政府每檔只是賠償廿萬元的措施感到失望，「廿萬真係無意思，我出去頂間舖，投資真係唔止廿萬，真係要四倍、五倍，我覺得政府無為我哋去諗。」

除了廿萬元的恩恤金，他認為政府沒有其他有用的協助，「可唔可以有額外幫助，好似中小企貸款，幫我哋再創一番事業呢？其實係完全無提過，只是畀條死線你，你要就要，唔要就咩都無，我覺得有啲脅迫，三十幾年就咁走有啲無奈。」

有不少食客對市場快將結束亦感到可惜，指香港傳統特式排檔買少見少，阿B也認為拆遷並不是這裏唯一的出路，指若果可以重新選擇，自己未必輕易答應政府如此收回市場，而會爭取活化，例如改善設施與配套，「唔一定要趕我哋走嘅。」可是市場結束已成事實，阿B也在區內找到地方繼續經營，「梗係困難，真係要重新努力，喺第二度再由零開始過。」

今集《港。故》用7分鐘，帶大家到阿B的大排檔裏，感受香港買少見少的排檔風味與人情味。

-------------
《港。故》：東網每周專題習作，講故事、講香港人的故事。
Fb：http://bit.ly/oncckonggu_Fb　
IG：http://bit.ly/oncckonggu_IG　
Youtube：http://bit.ly/oncckonggu_Youtube