「心中荊棘，你使我脫下軟弱練成鋼。」
愛上一個對的人真係一種好奇妙既魔力，
佢可以令你人生充滿憧憬，出街唔會再望
其他女仔，每分每秒都淨係想見到對方。
無需要同其他人比較，個世界就係得返
我地兩個，真係羨煞旁人。真愛就無我份啦，
但我搵到日本人氣洋食屋「Grill·Tajimaya」，
擁抱來自鹿兒島和牛，咁都算二人世界啦下話！👇
-
📌グリルタジマヤ · 特製 -
▪ 日本産黑毛和牛のハンバーグステーキ - $189
▫ 黎得呢到一定要佢地人氣招牌菜「日本產·
黑毛和牛漢堡扒」，佢地有四款唔同醬汁
比你揀，今次揀左「招牌香郁·和牛燴醬汁」。
上枱果陣會有錫紙包住，然後staff會幫你cut開，
睇住個sauce慢慢流落鐵板果種jerjer聲特別
治癒。要大讚Grill Tajimaya’s既招牌漢堡扒
全部都係用100%日本黑毛和牛製造，而且
精心挑選和牛部位，加上人手即叫即搓製，
誠意十足。而肉質食落夠哂軟腍，肉味濃郁，
相當juicy，值得一試！
-
▪ 日本産黑毛和牛·厚切フィレステーキ - $429
▫ 另一款必食推介「日本產黑毛和牛·極厚牛柳扒」，
呢個真係不得了，每一份牛柳扒厚度均一，
質素可以話係極上品質。而食落油香相當豐富，
肉質唔會太韌太乾，grill既時間岩岩好；加上
牛柳部位相當軟腍，比肉眼portion牛味
更加突出，好食！
-
📌お や つ -
▪ まぐろとアボカドのタルタル - $129
▫ 仲有個小食「吞拿魚·牛油果他他」一定要
推介埋，成個他他堆滿哂吞拿魚同埋牛油果，
兩種口感擺埋一齊好夾；而本身調味好充足，
食落清新得黎又夠惹味，牛油果又夠軟熟，
可以話係無得輸！
-
📎 Grill Tajimaya · グリル タジマヤ
📍灣仔港灣道30號新鴻基中心2樓2A-1號舖
牛柳部位 在 Lemon - 【好檸鮮】打邊爐淨係識食牛頸脊就OUT啦本地騸牯牛 ... 的美食出口停車場
... <看更多>