關於 普樂氏分店 ，我們在網路上蒐集到這些相關的討論、資訊與評價

[街坊認證20+年實力小店～堅係白白滑滑海南雞飯]

隨口問句，有無人好掛住泰國嘅海南雞飯呀？

呢間海南雞飯店位處距離古城20分鐘車程嘅San Sai區，想食就要專登去，吖，應該話係要專登早起去，事關店子係區內人氣店，人多嗰陣要喺門口拎飛仔等叫號，賣晒就提早閂門(我哋試過中午去到已經售罄，真係血都嘔埋出嚟囉)，記住有心食真係唔好太晏去呀～

🐔菜式選擇：
得海南雞飯咁大把，另外可以散叫淨雞同淨雞油飯～

👨🏻‍🍳食物質素：
老老實實，泰式海南雞飯一向都唔係走嫩滑路線，呢間小店之所以咁受歡迎，正正因為佢嘅雞肉濕潤柔軟，有肉汁，唔乾柴，分量超多，配上加咗薑蓉同辣椒蓉嘅蘸醬，鹹鹹辣辣帶少少甜，好惹味，獲得街坊一致好評～我自己就最鍾意係佢個雞油飯，飯粒充滿光澤，入口煙煙韌韌好有彈性，有啲似食緊糯米飯咁，清爽唔油膩，連伴碟啲青瓜都好多片、好新鮮，食完滿足度好高，唯一係我哋去到雞紅同雞雜已經賣晒，有少少可惜(我哋今次朝早10點鐘就去到，盡晒力㗎嘞XD)～

🏡用餐環境：
20+年前喺Central Festival附近嘅Sam Yaek市場起家，我哋今次去呢間係第二分店，地方比總店寬敞舒服，除咗舖面有少量座位，戶外亦搭咗個鐵皮頂用餐區，放咗啲公園石枱石凳，好有風味；朝早人多嗰陣要喺門口拎飛仔等叫號，不過我哋今次去到好彩啱啱有張枱，我覺得一定係上天俾我誠意感動到^^，再長氣啲講一句，記得唔好太晏去～

💰平均消費：
海南雞飯分兩個Size，普通版30THB/HK$8、加大版40THB/HK$10，好平好抵食；淨雞肉由40THB/HK$10至100THB/HK$25，淨雞油飯10THB/HK$3。

最後都係嗰句，雖然大家呢刻可能用唔着，不過bookmark定先，話唔埋好快就可以去到呢～

==========

📌【清邁活動+行程推介】
https://chiangmaijourney.com/page-products/

👨‍👩‍👧‍👦【清邁親子玩樂景點】https://www.facebook.com/1670726726478331/posts/2181160405434958/

🏨【2020版清邁酒店推介】
https://chiangmaijourney.com/chiang-mai-hotels/

==========

📍Dan Chicken Rice
地址：San Sai Noi, San Sai District, Chiang Mai
營業時間：7am-2pm
地圖：https://goo.gl/maps/7fG6PoMQTygKnd7Z6

==========

▼Follow us▼
IG: instagram.com/chiangmaijourney/
FB: fb.com/chiangmaijourney

#清邁 #清邁包車 #清邁美食 #清邁攻略 #清邁旅遊 #清邁自由行 #廢氏清邁私生活 #清邁司機 #清邁租車 #清邁自駕 #chiangmaijourney #chiangmai #CMJ488

[係咪好掛住佢呢？嚟清邁一定要食嘅泰北咖喱麵]

上個post輕輕提過吓泰北咖喱麵，即刻有唔少朋友WhatsApp我話好掛住、好想食喎，咁今日就分享吓呢間入選咗2020米芝蓮推介餐廳嘅家庭式小店啦～聽同行飲食界朋友P講，佢識好幾個曼谷名廚都話係Best one喎(我覺得名廚比車軚人信得過囉XD)，地點雖然吊腳少少，但試過確係值得專登由古城坐15分鐘車去嘅～

🍜菜式選擇：
淨係得一味泰北咖喱麵，麵底除咗最Original嘅蛋麵，仲有河粉、米粉、金邊粉同媽媽麵可以揀；配料亦比一般麵店多，有雞肉、牛肉、牛腸、豬肉、豬肉丸、豬肋骨、豬肚、豬耳、豬腸、魚肉、越南香腸甚至走肉都得～

👩🏻‍🍳食物質素：
湯底係泰北咖喱麵嘅靈魂，呢度個湯汁好Rich好Creamy，夾雜紛陳嘅香料味，唔會太辣唔會太甜，但又唔會溫和到無咗泰北咖喱麵嘅個性，確係好似朋友P啲泰國名廚朋友講：味道好平衡～

麵條方面，蛋麵爽滑唔會煮到過腍，脆麵入口仲係脆卜卜嘅，食完第一輪之後再柯打咗河粉同媽媽麵，個河粉係好滑好煙韌，不過唔夠蛋麵咁掛汁，個媽媽麵煮得好生，唔掂，大家最後一致認為都係蛋麵最夾～

至於配料之中豬肉、牛丸同魚肉都係正常嘅，鍾意佢個雞肉唔係用霉腍腍雞髀仔而係用雞肉塊，豬耳好爽彈，比想像中好食，其實我最想食牛肉，不過我哋晏晝兩點去到已經賣晒嘞，要等下次先試到～

🏡用餐環境：
隱藏喺民居小區內，位置比較吊腳，要專登坐車去；一般街坊麵店格局，無冷氣，座位大約有20個，午市坐滿人；留意店子每逢佛日休息，如果唔想白行一趟，出發前記得上官方面書check下先～(店子早排喺Lanna Hospital旁邊開咗間分店，距離市中心近少少，google map輸入：＂Khao Soi Mae Manee 2＂就搵到)

💰平均消費：
泰北咖喱麵分兩個size，普通size收40THB/HK$10(牛肉同牛腸50THB/HK$13)、大碗收60THB/HK$15，媽媽麵底額外加20THB/HK$5 ，比一般街坊店貴少少，不過質素喺返度~~~

最後都係嗰句，雖然大家呢刻可能用唔着，不過bookmark定先，話唔埋好快就可以去到呢～

==========

📌【清邁活動+行程推介】
https://chiangmaijourney.com/page-products/

👨‍👩‍👧‍👦【清邁親子玩樂景點】https://www.facebook.com/1670726726478331/posts/2181160405434958/

🏨【2020版清邁酒店推介】
https://chiangmaijourney.com/chiang-mai-hotels/

==========

📍 Khao Soi Mae Manee
地址：18 Chotana Road, Chang Phueak, Chiang Mai District, Chiang Mai
營業時間：9am-3:30pm，每逢佛日休息
FB：https://www.facebook.com/MaeManeeKhaoSoi/
地圖：https://goo.gl/maps/iAenMxQrqZ77FjWZ7

==========

▼Follow us▼
IG: instagram.com/chiangmaijourney/
FB: fb.com/chiangmaijourney

#清邁 #清邁包車 #清邁美食 #清邁攻略 #清邁旅遊 #清邁自由行 #廢氏清邁私生活 #清邁司機 #清邁租車 #清邁自駕 #chiangmaijourney #chiangmai #CMJ428

[吃在有機菜田～三兄弟我又嚟探你哋嘞～]

純粹問一問：有無人記得早兩年曾經介紹過機場附近嘅三兄弟有機餐廳呢？

事源呢排見唔少人入住清邁東北面訕賽區(Sansai)嘅Villa，醒起三兄弟正正就喺呢度發跡，怕大家搵唔到好嘢食，今日講下佢嘅元祖店，係咪好貼心先~~~XD

講開又講，呢間三兄弟真係幾威豬㗎，唔止開業咁多年都Keep到人氣，之前仲殺埋落曼谷開分店，值得搵一餐去食吓㗎~~~

🥗菜式選擇：
元祖店同機場店兩邊餐牌基本上無分別，主打都係超過二十款唔同組合嘅沙律，西式、泰式同日式都有齊，再唔係可以自選心水配搭；主菜皇牌選項首推燒豬肋骨，分咗幾個唔同版本，其他肉類有豬排、三文魚扒、鱸魚、燒雞、鴨腿、自家製香腸等等，另外仲有小食、意粉、泰式碟頭飯同甜品，種類超級齊全，帶住小朋友同長者都唔怕無嘢啱~~~

👨🏻‍🍳食物質素：
鍾意沙律嘅人一定好開心，新鮮、賣相靚、大大盤，我超鍾意佢個自選沙律(50THB/HK$13)，可以揀3款蔬菜、5款配料同1款醬汁，用一個十吋盤盛載，自己買料整都無咁平，堅抵~~~

主菜皇牌選項係燒豬肋骨，今次試咗元祖店限定嘅Lady's Ribs Ohkajhu， 肉質好柔軟，個Lady's Barbeque Sauce甜甜哋，唔錯，不過同行嘅廢嬸嬸要求比較嚴格，覺得因為唔係生燒啲肉入口削啲喎~~~

湯都Ok，磨菇湯幾香滑，鍾意加杏仁片呢個細節位，洋蔥湯我就覺得機場店嗰個好味啲囉(我之後有再去機場店飲多次㗎，真係有少少分別~~~)

唯一係個Mexican Nachos⋯⋯嗯⋯⋯同平時食開嘅好唔同，好唔Mexican，個杰撻撻嘅醬汁對我嚟講甜得滯，如果當係一個加咗煎雞胸嘅普通沙律會易接受啲~~~

要讚係三年間去過咁多次都有一定水準，呢點真係唔易㗎~~~

🏡用餐環境：
元祖店距離市區約25分鐘車程，餐廳旁邊就係有機菜園，Farm to table個概念更加鮮明，啲沙律食入口都硬係新鮮啲XD~~~布置走木系田園風，有冷氣，仲好鬼大，三個用餐區加埋目測可以坐到二、三百人，不過因為生意勁好，飯市排隊等位係常事，人多的話建議自行致電訂位(電話號碼拉落去睇下面info)~~~

💰平均消費：
通常都係300THB/HK$76之內，分量好足，肉/魚類嘅主菜都會跟埋一大堆沙律，抵食，人數唔多記得睇住嚟嗌~~~

補一句，如果嫌元祖店稍遠，可以去市區嘅機場店：https://www.facebook.com/chiangmaijourney/posts/1835740196643649/

==========
📌【廢氏推介 ~ 清邁活動+行程】
https://www.facebook.com/chiangmaijourney/shop/?rt=19

👨‍👩‍👧‍👦【廢氏推介 ~ 清邁親子玩樂景點】
https://www.facebook.com/1670726726478331/posts/2181160405434958/

🏨【廢氏推介 ~ 清邁酒店】
http://www.chiangmaijourney.com/chiang-mai-hotels/

📍Ohkajhu Organic Farm Sansai
地址：410 หมู่ 2 Chiang Mai Outer Ring Road, Amphoe San Sai, Chiang Mai
營業時間：9am-9pm
訂位電話：052 080 744
網址：http://www.ohkajhuorganic.com/en/
地圖：https://goo.gl/maps/8sgsQLrT7S27iu6n9

==========
▼Follow us▼
IG: instagram.com/chiangmaijourney/
FB: fb.com/chiangmaijourney

#清邁 #清邁包車 #清邁美食 #清邁攻略 #清邁旅遊 #清邁自由行 #廢氏清邁私生活 #清邁司機 #清邁租車 #清邁自駕 #chiangmaijourney #chiangmai #CMJ371

「啪」，指頭離開電燈掣一刻，天花上的白光徐徐亮起，照耀了整個廚房。
似乎還未夠明亮，「撻」、「撻」、「撻」，扭開了三個爐頭，
明火熊熊升起，燒紅着三個大小不同的鐵鍋。光猛不了多少，倒是換來輕煙若霧。
炊煙由輕柔漸轉為濃烈，直闖到廚房外，甚至穿出了半垂的鐵閘。
怎麼說，那白煙裏摻雜着一股氣味，濃郁中帶清香，
嗯，是藥材與香料互相混搭的馥郁，瀰漫着清晨時分的智芳街，
裊裊上揚至舊招牌跟前，繚繞着「潮州滷」三個大字。

驀地，廚房內傳出錚然之聲，
探頭瞥見一名大叔正用湯勺於鍋內淺撈着，
鍋裏之物正是香氣的源頭，挨近一望，只見一個啡黑色的漩渦，
是一鍋正在沸騰的滷水。大叔仰頭，耳珠厚垂，雙目渾圓，
笑起來一臉慈祥，他說這是一家廿來年的老店子，
專賣滷味，店子歷史多久，眼前的滷水就烹了多久。
薑愈老愈辣；滷水嘛，愈老愈淳。


清香
眼前一大鍋的滷水激烈地翻滾着，啊，不是一鍋，是三鍋才對。白煙將大叔的臉模糊了，他卻沒半點反應，專心地於鍋內繼續撈着。明明是只有攝氏十度的冬日，他卻汗流浹背，抹一把汗，臉上仍然是和藹的笑臉。他既是廚子，也是這家老店的事頭，人稱陳叔。廿幾年來，他都反覆地做着清晨的第一件事，把三盤滷水汁的雜質撇清。這不是每一位做滷水的師傅都會做的功夫，卻是陳叔的堅持。滷水汁就是整間小店的膽，各家店做出來的滷味，分別就在於滷水汁的好壞。隔掉雜質，擺脫各種肉類留下的殘渣，才不枉費每日重新加入的香料及藥材，熬煮出清香的滷水汁。他謂：「唔隔走啲雜質，煮出嚟啲肉都嚡口啲，同埋會帶啲苦味。」用清香來形容滷水，似乎有點不貼切，但他們家的滷水，卻是有一股獨特清芳之味。畢竟每個店家的做法不一，這是他們的秘方，詳細不能說，反正就是比人家多放幾種藥材及香料，味道就截然不同了。
談到秘方，他忍不住講起自己的父親。他們一家籍貫潮州的澄海區，該區正是以滷水盛名。要追溯秘方的來源，他也無從說起，只知舊陣時，父親就是靠滷味將一家大小養活。
他長大後，決定獨自到香港闖天下，當時工業盛行，他就投身製衣業，直至有同鄉提議開滷水檔，才又挑起他的神經，「做開食就有感情嘅。」他淡淡然道。當年很隨意，就在西環區當小販，於一個桶仔內放兩至三隻滷水鵝，就這樣於街上擺賣。做了幾年後，見生意不俗，當時走鬼情況又嚴重，於是花光所有積蓄，與太太二人轉陣於葵芳開店。當時還未搬到現址，舊鋪只有百來呎，又沒有冷氣，也沒有多餘錢請員工，他們有兩個兒子，放學後就到店裏幫忙，一家子經營到現在。
故事講到一半，陳叔瞄了瞄時鐘，已經七點半。他急忙跑到冰箱前，把鵝呀鴨呀取出，放到水裏解凍並清洗，嘩啦啦的水聲並沒有掩蓋他的聲音：「以前我哋鄉下就用新鮮鴨鵝嘅，但嚟到香港就冇呢支歌仔唱啦。」一聲輕嘆後，他又回復笑意，對啊，問題還是要積極解決的。於是，他就改用冰鮮的原隻鴨鵝，不能用急凍的。兩者有區別：前者只雪藏了一陣子，肉質軟滑一點；後者則經長時間雪藏，肉質比較粗糙。將肉類都解凍後，先把掌翼部分切下，再把原隻鵝放到左手邊鍋內；鴨放到中間的鍋內；掌翼及其餘食材，如雞蛋﹑豆腐等則放到右手邊的鍋內；內臟另有小煲烹製。一定要分開三盆滷水汁，因為全鵝鴨跟掌翼及其他食材的時間不同，所以要分開烹調。做滷味的一大好處，就是省下醃製的功夫，雖然如此，如果想做得好吃，用心去做之餘，火候亦要控制得宜，過猛過久會令肉質粗硬，失去光澤。他習慣了調校小鬧鐘，提醒自己按時將食物撈起。
按下鬧鐘一剎，又湧來陣陣清香。陳叔準備好將故事的下一半娓娓道來，而這下半部，就關於他的大兒子。


嫩口
這一家人與滷水有一個情意結，不然，怎麼會全家都投身於老號。大小兒子到現時成家立室了，還是離不開小店，大兒子Kobe約三年前於灣仔開了一家分店，自己打骰；小兒子則繼續留守於舊店。提及大兒子，陳叔有話說。
Kobe自小已經於店內打滾，在廚房走來走去，偷吃吃到大，有破壞沒建設嗎？回想起來也非全然，起碼他經常嘗到爸爸的滷味，對此有一定觸覺。初頭陳叔教的東西，他通通不入耳，看着爸爸將食材放進鍋子，鬧鐘響了就撈起，覺得做滷水很普通簡單。結果讀書不成的Kobe，竟然不在店裏幫忙，而是去潮州酒樓打工，希望嘗試人家的口味及手藝，陳叔忍不住調侃：「外面啲師傅鬧你一次就記得，爸爸呢？鬧十次八次都唔入耳。」
怎料在外頭打滾了一陣子，手藝是學到了一點，但還是發現老爸做的滷味，無論味道或功夫都是最好，於是就決定回巢。父親當然歡迎，將畢生手藝都傳授予兒子。不學還好，怎料一認真學藝時，才發現功夫技術可不簡單，除了調汁，還要試味，時間及火候的控制，全都要精通。終於學有所成，Kobe認為總不能跟弟弟擠在一間小店內，一方面又想證明自己實力，於是把心一橫，於灣仔開店。
鬧鐘「嘟嘟」聲響，喚回了陳叔的思緒。他匆匆走到鍋前，把鴨鵝逐隻勾起，再掛到鋪面的玻璃櫥窗前。滷水汁緩緩從吊起的全鵝身上滴落，陳叔又漾起了笑意，似乎十分滿意這天滷的鵝鴨。他表示潮州的滷味要偏深棕色，這是傳統。為了這些細節，他跟Kobe會有爭拗，年輕一輩喜歡淺色一點，明亮一點的色水，尤其是港島區的客人，認為淺色代表新鮮，黑色的食物好像隔夜似的；他則堅持深色才是真正的滷味：「點解叫滷水呢？滷水一定要深色，唔深色就唔係滷水。」年輕人沒那麼執着，覺得色水事小，客人為重，淺色一點無所謂，陳叔卻不認同，人人口味不同，怎麼能一味迎合？最重要是堅持自己的口味。
然而，他還是不能說服兒子。就如切肉，他手執利刀，強調切刀需要技巧，直切抑或橫切，識食之人一吃就吃得出來，他示範肉類一定要橫切，吃起來才有嫩口的感覺。只是，他慨嘆現時年輕人不願學這些，自己喜歡怎樣就怎樣，認為這一套是五六十年代，已經過時。現時做生意，除了好吃之外，他們更執着戴手套﹑門面乾淨企理等問題。幸好兒子手藝還可以，對自己有要求，做出來的食物都差不遠。那麼，他也不能奢求太多，畢竟這一行不好做，兒子願意承傳衣缽，總算是還了他的一個心願。
他又想當年。九十年代開店時，雖然吃滷味的人不多，大多是潮州人，但附近就只有兩間滷水店，來貨又便宜，生意好做得多。後來，漸漸多了香港人吃滷味，導致很多滷水店出現，就連燒味店也會做些滷水肉出來賣，他的生意一路下跌，目前想賺大錢沒甚可能。還好，支撐着小店的正是一眾熟客街坊，堂食的多是附近工作的男人及老人，外賣的則以師奶為主，也有不少熟客訂鵝拜神，畢竟老字號嘛。反倒是兒子的分店要更落力，始終是寫字樓及學生哥，故只做外賣。捱辛苦不容易，每日由開鋪煮食到閂鋪清潔，做足十二小時，十分辛苦，而且沒有假期。陳叔坦言兒子也曾經因太累想放棄：「最後佢話佢有動力嘛，想威畀我睇，唔衰得，話要做得好過我！」聽到這句話他可樂透，老一輩嘛，不就是希望味道不變，承傳他們自覺正宗的滷水味嗎。
仰目一望，十一時半，陳叔拉起銀閘，陳老的香醇飄搖於外，遠揚與否，還得望清風之意。

潮洲滷
地址：灣仔石水渠街1-13 號其發大廈地下8號鋪
電話：3702 0068
營業時間：10:30am-7pm
詳情： http://bit.ly/2Np6EwT

潮洲滷
地址：葵芳智芳街地下A7號舖
電話：9274 1857
營業時間：11:30am-7:30pm
詳情： http://bit.ly/2FIyy6z

===================================
立即Subscribe我哋YouTube頻道：http://bit.ly/2Mc1aZA (飲食男女)

新店食評，名家食譜，一App睇晒！
立即免費下載飲食男女App： http://onelink.to/etwapp

《飲食男女》Facebook：http://www.facebook.com/eatandtravel

飲食男女網站：http://etw.hk

Follow我哋Instagram，睇更多靚片靚相：http://bit.ly/2J4wWlC (@eat_travel_weekly)