我嘅職業係：製作虛擬女友（上）
你想唔想拍拖？想唔想有一個完全理想嘅對象，同你分享生活中嘅一切悲與喜，佢會安慰你、鼓勵你，永遠支持你。
你想唔想拍拖？想唔想同深愛嘅人，間中為咗無聊嘅瑣事而嘈交，減低工作效率，你要為佢付出好多嘢，但佢依然可能會背叛你，突然有一朝起身，就唔再愛你。
每個渴望愛情嘅人，都係渴望愛情嘅甜蜜。
至少我從來冇聽過，有人拍拖係為咗分手嘅。
但愛情本身就係有喜有悲，如果你只想享受愛情嘅甜蜜，唔想承受愛情嘅痛苦，咁你可以……買一個虛擬女友！
你可以度身訂造虛擬女友，設定佢嘅樣貌、聲音、性格、對你嘅態度，仲可以設計埋你哋嘅經歷同過去。
之後，虛擬女友會同你每日發訊息，早晨晚安我愛你，一定唔會少，仲會有語音訊息同埋Facetime。
冇錯，以我哋嘅科技水平，已經可以令虛構嘅人物，喺Facetime上做出相應嘅表情同動作。
虛擬女友嘅服務好受歡迎，我哋間公司日進斗金。
最受歡迎嘅虛擬人物，當然係女明星，我哋今個月就賣咗300個結衣BB。
不過同樣係結衣BB，每個顧客嘅需求都有唔同。
有人想要溫柔體貼嘅結衣BB；有人想要霸氣女王式嘅結衣BB；有人想要結衣BB cosplay成關羽，做佢女朋友……
所以，每個結衣BB，都係獨一無二嘅。
除咗虛擬人物之外，都有唔少顧客冇對象特定要求，只要大波靚女，溫柔體貼就得。
仲有一種，係拎住初戀／前度／女神嘅相，嚟訂造虛擬女友。
總之，做咗呢行咁耐，咩要求我都見過。
所以，四十歲嘅阿傑出現喺我面前嗰陣，我以為佢只係一個普通嘅顧客。
佢想要嘅虛擬女友，叫小琳，二十歲嘅小琳。
小琳唔算好靚，但笑得好甜，佢鍾意著白色嘅連身裙，面上仲有酒粒。
「有啲似《大話西遊》嘅朱茵，雖然小琳冇咁靚，不過佢喺我心目中係最靚㗎。」阿傑愈講愈興奮。
「請問你同小琳係咩關係？」唔係我八卦，只係關係唔同，虛擬女友嘅反應都會有唔同，所以必須要問清楚。
「哦，小琳係……我嘅初戀。」阿傑嘅情緒瞬間變得低落。
我唔洗問落去，都知小琳肯定係同阿傑分咗手，或者紅顏薄命，否則阿傑就唔洗訂虛擬女友啦。
不過，按照職業守則，佢哋分開嘅原因，我就唔會多問啦。
反正虛擬女友只有甜蜜幸福，除非顧客特別要求，否則絕對唔會模擬分手嗰部份。
點解咁多客人，我偏偏記得阿傑呢？
因為阿傑真係好煩。
佢提供咗小琳嘅相同基本性格，我哋已經有足夠資料製作虛擬女友。
但阿傑隔日就打個電話嚟，補足吓小琳嘅性格同愛好，連缺點都講埋。
「我初初出嚟做嘢，成日要OT，放假又好攰，所以成日喺我屋企附近拍拖。」
「佢煮嘢好難食㗎，有一次佢整咗個蛋糕畀我，未切開就溶咗，哈哈哈。」
我忍唔住講：「其實你之前畀嘅資料，已經足夠㗎啦。虛擬女友唔會出現喺你面前，幫你整蛋糕㗎。」
阿傑沉默咗幾秒：「對唔住，我只係想虛擬女友……似小琳多啲。」
阿傑畀咗好多同小琳嘅合照，好多張相，都係佢哋企喺一條普通嘅街上，冇美麗嘅風景，冇精緻嘅打扮，但笑得甜蜜。
睇到呢堆相，我都有啲心酸，一對咁恩愛嘅情侶，點解會分開呢？
所以，我冇再嫌阿傑煩，認真整佢嘅虛擬女友。
驗收嗰日，阿傑對虛擬女友好滿意：「真係好似小琳啊。」
我畀埋張單佢，向佢收尾數。
阿傑面有難色：「咁……咁貴啊？」
呢個時候，阿傑電話響，佢行埋一邊聽電話。
我冇聽晒佢講嘅嘢，隱約聽到佢話「我老婆」點點點。
我對阿傑嘅好感頓時冇晒，車，原來結咗婚，仲掛住舊情人。
我按照程序完成咗交易，就冇再同阿傑聯絡。
下集：https://bit.ly/3cyWVmL
Patreon訂閱即時睇下集，快人一步：https://www.patreon.com/tomato28
#短故 #短篇 #小說 #陳美濤 #廣東話 #粵語 #tomatochan #我嘅職業係製作虛擬女友
情侶 晚安 訊息 在 [討論] 說早安晚安很重要嗎- 看板Boy-Girl - 批踢踢實業坊 的美食出口停車場
昨天半夜被我朋友抓出去訴苦
頂著很想睡的腦袋蹲在小七門口陪他小酌
聽他講完真的只想灌他一拳
簡單來說就是跟女友吵架了
原因就是因為我朋友常常沒說晚安和早安
導火線自然就是昨天晚上沒說晚安讓他女友很不爽
但我朋友覺得在一起那麼久了
要睡覺的時間都差不多
幹嘛特地說晚安
好啦我自己是覺得就說一下 幾秒鐘的事
可以讓雙方都開心不好嗎？
大家覺得說早安晚安重要嗎？
--
※ 發信站: 批踢踢實業坊(ptt.cc), 來自: 39.11.103.211 (臺灣)
※ 文章網址: https://www.ptt.cc/bbs/Boy-Girl/M.1611197762.A.E2A.html
... <看更多>