關於 伍詠薇後生 ，我們在網路上蒐集到這些相關的討論、資訊與評價

🚫嚴禁劇透
🚫粗口自行過濾
🚫免批評外表人身攻擊
·
[1230隔夜超短劇評][ViuTV][歎息橋][EP15 大結局]
·
[讚]
真係畀劇組捉咗入局，我知今集係最後機會令我搵多啲線索，去說服自己角色係朝住我想嘅方向發展。身為觀眾呢種感覺好正，佢唔係drive你個情緒咁簡單，有時甚至唔做呢件事，佢係鋪啲嘢出嚟等你搵，但又唔講到盡，等你自己搵你想去嘅方向。我喺最後出roller時真係睇Sammy睇到實一實，到底佢拎到Thomas張畫嘅時候會唔會諗返細個喺旺發慶祝生日時原來張畫係Thomas畫呢？不過金睛火眼都睇唔出嚟，都好嘅，如果講咗就破壞呢套嘢由得觀眾諗嘅宗旨特色。
·
今集最有韻味係阿南嗰個角色。佢一無所有又經歷過一次佢自覺唔係鍾意自己嘅婚姻，面對Sammy，除咗一開始用計介紹上海黃總畀Sammy識之外，其餘時間都係溫柔的等待，到咁上下就問吓Sammy到底係點諗。
·
佢都深深認識Thomas同Sammy，所以先會喺Sammy決定同佢一齊唔去郵輪之後。都要推佢去。佢大可以就咁同Sammy去上海，但佢知道咁樣唔夠「真」，就正如佢覺得前妻只係鍾意佢啲員工福利咁。
·
南同Sammy分別時，嗰吓真係吻別咁拍法，又背晒光得個影。睇返Thomas同Sammy「一家人」時鬼死咁光猛。唉，睇到呢度我覺得Sammy都係會揀返Thomas喇，雖然又唔知會折騰幾多年。阿南一消失，佢哋兩個嘅關係應該又回復原狀，互相消磨至死方休。
·
[彈]
終於到Sammy，亦都終於對住觀眾講到出口，話怕自己會好似Judy咁一向Thomas告白即絕交，所以咁多年嚟佢鍾意Thomas都唔表白。不過呢個一早就估到喇，對比起其他角色啲峰迴路轉係少咗啲層次。
·
Sammy着重承諾又「記仇」，記住邊個承諾過佢而無做到。後生時候佢應承咗Thomas頂更又應承咗睇阿南比賽，然後履行咗對Thomas嘅承諾。呢個亦都唔意外，所以嗰段都冇乜衝擊力。
.
如果玩啲轉嚟轉去嘅羅生門，可能會好啲。例如偷返一集Kevin畀阿南而又唔係講阿南，而係好似Kevin咁用佢個角度睇吓Sammy同Thomas嘅世界，扭吓啲劇情情節，會豐富同有趣得多。
.
一開始一鏡落喺旺發見晒咁多位主角出現，應該係嗰啲命運一早交織嗰啲嘢？要拍呢啲好用時間，亦都幾有趣，不過我覺得有啲多餘。Joyce同Ken出現得好冇謂。
.
[又]
唔只一位觀眾留言話Joyce自己結局嗰集點解冇講到昌叔係咪死咗，話想知道。我認為係唔講得㗎，Joyce依家有咗BB，係個決定同Ken一齊定分開嘅重要元素。如果昌叔佢只係傷咗，咁Joyce就可能為咗BB頂住，唔同Ken離婚。如果昌叔佢係死咗，咁就好大可能會同Ken玩完。Joyce嘅結局講到呢度就要完，如果唔係太強引導，成套劇一直努力營造嘅嗰種「觀眾覺得點就點」嘅感覺同玩法就會冇咗。我鍾意Joyce嗰集完嗰個位。
·
[演員表] 林保怡、陳健朗 飾 李子勇 Thomas / 周家怡、談善言 飾 方小薇 Sammy / 衛詩雅、楊偲泳 飾 何樂兒 Joyce / 陳奐仁、黃定謙 飾 胡啟源 Ken / 伍詠薇、唐寧 飾 梁淑媛 Catherine / 潘燦良、凌文龍 飾 鍾懷安 Ryan / 秦沛、艾威 飾 何永昌 / 陸駿光、黃溢濠 飾 黎銘南 / 劉皓嵐 飾 李小陸 / 岑珈其 飾 鍾家俊 Kevin / 黃文慧、邵美君 飾 Ken母 / 劉兆銘、郭峰 飾 李文滔 / 易健兒 飾 嘉嘉 Milky / 李楓 飾 大姐強 / 李思函 飾 戴可迪 Judy
·
·
#1230隔夜超短劇評 #ViuTV #歎息橋 #林保怡 #周家怡 #陳奐仁 #伍詠薇 #潘燦良 #陸駿光 #談善言 #黃溢濠 #黃定謙 #衛詩雅 #陳健朗 #楊偲泳 #黃文慧 #邵美君 #唐寧 #秦沛 #劉晧嵐 #劉小華 #劉兆銘 #岑珈其 #凌文龍 #易健兒 #郭峰 #李楓 #李思函

🚫嚴禁劇透
🚫粗口自行過濾
🚫免批評外表人身攻擊
·
[1230隔夜超短劇評][ViuTV][歎息橋][EP13]
·
[讚] 一直以為Joyce係因為昌叔有末期肝癌所以想老豆睇到佢結婚，以為呢個係佢主要嘅結婚推動力。但上集已經見到昌叔憎到Ken憎到就嚟爆炸，我以為佢都係為咗個女有人照顧而繼續想個囡嫁出去，但今集講嘅又唔係咁。
·
昌叔原來一早叫咗Joyce唔好同Ken結婚，將Joyce嘅最大結緍「原因」刪除，然後Joyce同奶奶講唔結婚，之後又想同Ken攤牌，我睇到好開心，一步步走去解決。點知又畀Ken一輪「真心話」搞掂返。
·
當我以為Ken嘅甜言蜜語扭轉局面，但Joyce喺結婚合照時向觀眾講嘅「我終於有樣嘢唔係半途而廢」，嘩，原來仲有啲個原因。真係唔少人，不分男女，將結婚生仔呢啲嘢當成人生嘅achievement。明明自己都唔知想唔想做，但做到嘅時候嗰種「成功感」會蓋過咗迷茫，然後嗰種唔知做得啱唔啱嘅感覺之後又會返返嚟。
·
Joyce話由籌備結婚開始似係個漫長戰爭，我話似係打一針針興奮劑。結婚一次、有咗BB一次、生BB時又一次。好過癮好興奮，你見到Joyce喺每次衝擊前後個表情都完全唔同，態度可以180度扭轉，好似啪咗嘢咁high，其實好鬼真實。可能咁就一世（咁又冇話一定唔好），又或者無以為繼，會同昌叔一樣咁多年都冇見過個老婆。
·
昌叔後生啲嘅時候已經有肝癌，Joyce喺嗰時應承咗會接手搞間茶餐廳，但最後都係失敗。今次昌叔復發仲要末期，Joyce結婚唔係為咗昌叔可以放心交個囡畀人照顧，因為昌叔根本信唔過Ken。Joyce結婚或者只為證明畀昌叔睇佢都可以堅持完成一件事。又唔可以話佢傻，只可以話每個人嘅支持自己生存基石唔同。
·
嘩，Ken同Joyce呢兩集都正，反而Thomas同Sammy兩個之前嘅集數，無論係一齊定係分開睇都平淡如水，最後兩集好緊張。
·
[彈]
喺套劇見到演員食嘢就怕怕，啲咀嚼聲真係好討厭。艾威食嘢啲聲真係掩蓋咗佢嘅演技。
.
[演員表] 林保怡、陳健朗 飾 李子勇 Thomas / 周家怡、談善言 飾 方小薇 Sammy / 衛詩雅、楊偲泳 飾 何樂兒 Joyce / 陳奐仁、黃定謙 飾 胡啟源 Ken / 伍詠薇、唐寧 飾 梁淑媛 Catherine / 潘燦良、凌文龍 飾 鍾懷安 Ryan / 秦沛、艾威 飾 何永昌 / 陸駿光、黃溢濠 飾 黎銘南 / 劉皓嵐 飾 李小陸 / 岑珈其 飾 鍾家俊 Kevin / 黃文慧、邵美君 飾 Ken母 / 劉兆銘、郭峰 飾 李文滔 / 易健兒 飾 嘉嘉 Milky / 李楓 飾 大姐強 / 李思函 飾 戴可迪 Judy
·
·
#1230隔夜超短劇評 #ViuTV #歎息橋 #林保怡 #周家怡 #陳奐仁 #伍詠薇 #潘燦良 #陸駿光 #談善言 #黃溢濠 #黃定謙 #衛詩雅 #陳健朗 #楊偲泳 #黃文慧 #邵美君 #唐寧 #秦沛 #劉晧嵐 #劉小華 #劉兆銘 #岑珈其 #凌文龍 #易健兒 #郭峰 #李楓 #李思函

🚫嚴禁劇透
🚫粗口自行過濾
🚫免批評外表人身攻擊
·
[1230隔夜超短劇評][ViuTV][歎息橋][EP12]
·
[讚]
上一集喺Kevin視覺感受到Ken嘅嘢，今集換咗Ken視覺再現。上集Kevin叫心目中嘅老豆Ryan返屋企食飯然後一家三口生活如常嗰吓，個茶几隔籬仲放住Ken嘅行李。今集講原來Ken係有出現過，但喺Kevin視覺佢直頭唔存在，編劇真係絕得嚟又好真實，nobody cares Ken。
·
喺Ken話要上去Catherine度住嘅時候，明明係Ken嘅視覺，但係Catherine個面口都係極之嫌棄佢。嗰時Ken應該已經覺得自己走上絕路，唯有同Catherine講話喺佢屋企最舒服搏Catherine唔趕自己走。之後Ryan返嚟，然後又喺Andrew口中知道原來個個員工生日Catherine都會請食飯，先知自己原來一直都表錯情，Catherine只不過係咁啱有咗佢個仔咋，唔會同佢一齊。睇到呢度我覺得Ken有啲慘，加上一開始邵美君瘋狂折磨黃定謙嗰段，想打把Ken嘅指數下降。
·
Ken視覺當中練過幾吓波就覺得自己好勁，但其實喺Kevin心目中Ryan先係最勁。Ken打到去NBA都冇用，睇見到幾心噏。
·
勁鍾意Ken無奈返到去Joyce屋企。 Joyce一入屋見到Ken個玩具放返原位，知道Ken返咗嚟，衛詩雅表情已經嚟料。 衛詩雅同埋陳奐仁坐喺度唔望大家傾偈，再嚟個無奈表情，然後接落去結婚大合照，成段都好精彩。合照時，新人對住嘉賓假笑一輪之後放鬆返、黃文慧因為個仔完成咗佢設定嘅目標之一所以意氣風發（做政府工、結婚、生仔）、秦沛因為知道Ken有個仔又誤會佢結過婚所以嬲到傻。四個人嘅表情放埋一齊真係冇得頂。
·
最後嗰段昌叔扔晒Ken啲玩具， Ken發火嗰吓雖然係由Ken視覺出發，但我覺得應該似真，畢竟由Ken畀阿媽後生時叫佢踩爛Cat送嘅模型開始，佢自己買嘅玩具就係佢自覺擁有嘅自由人生。依家扔晒佢，同攞佢命無分別。
·
黃文慧最後閂門時望住觀眾呀，嘩到佢出手？
·
[彈]
無喎。
.
[演員表] 林保怡、陳健朗 飾 李子勇 Thomas / 周家怡、談善言 飾 方小薇 Sammy / 衛詩雅、楊偲泳 飾 何樂兒 Joyce / 陳奐仁、黃定謙 飾 胡啟源 Ken / 伍詠薇、唐寧 飾 梁淑媛 Catherine / 潘燦良、凌文龍 飾 鍾懷安 Ryan / 秦沛、艾威 飾 何永昌 / 陸駿光、黃溢濠 飾 黎銘南 / 劉皓嵐 飾 李小陸 / 岑珈其 飾 鍾家俊 Kevin / 黃文慧、邵美君 飾 Ken母 / 劉兆銘、郭峰 飾 李文滔 / 易健兒 飾 嘉嘉 Milky / 李楓 飾 大姐強 / 李思函 飾 戴可迪 Judy
·
·
#1230隔夜超短劇評 #ViuTV #歎息橋 #林保怡 #周家怡 #陳奐仁 #伍詠薇 #潘燦良 #陸駿光 #談善言 #黃溢濠 #黃定謙 #衛詩雅 #陳健朗 #楊偲泳 #黃文慧 #邵美君 #唐寧 #秦沛 #劉晧嵐 #劉小華 #劉兆銘 #岑珈其 #凌文龍 #易健兒 #郭峰 #李楓 #李思函