關於 1230隔夜超短劇評 ，我們在網路上蒐集到這些相關的討論、資訊與評價

🚫嚴禁劇透🚫粗口自行過濾🚫
🚫免批評外表人身攻擊🚫

[1230隔夜超短劇評][ViuTV][男排女將][EP20 大結局]
✅ 廢魯byebye 拉大隊打家瑜盃熱血
❎ 最後一集鬆散

廢魯又使橫手想力圖冇得參賽，最後唔只球隊各精英反抗，就連內部都想整治佢，大快人心。其他隊嘅精英由賽前同力圖打friendly，到之後寧願唔打會長盃，去打家瑜盃，成件事都好熱血，好青春。

黃金sir繼上一集「友誼永固」到今集「一路順風」，都令人好忟。有觀眾上一集話會唔會黃金sir出咗事，但原來冇喎，令人仲忟。好在最後都夠膽出聲同家瑜一齊咋。

不過冷靜啲睇，呢個大結局真係好鬆散。咁多個力圖隊員嘅嘢近乎第19集就講完，今集只係發展多少少。而打家瑜盃時，家瑜佢諗返同咁多個隊員嘅經歷，喺第19集對翔鷹時已經用過，推到好盡，今集再出，反而令到家瑜盃嗰段嘅氣氛冷卻，我寧願睇多少少打波。另外，雖然冇BBQ，但個結局都非常無綫式嘅交代晒所有嘢去完結，各個角色都佔少少，但故事主骨幹阿King近乎冇講到佢咁濟，散晒。

成個《男排女將》故事藍本 #力臻 排球隊 仲有 #葉鳳儀 教練都有客串，好surprise。會長盃咁大件事力臻佢哋有留意都好合理，成件事都幾smooth。但如果家瑜佢喺之前嘅集數有橋段係參考吓力臻點打、葉教練點帶班仔由丙組打上男一，咁最後出現就更感動更有力量。

用召募梯隊做完結，有個延續感幾好。但就去返第19集觀眾問嘅問題：點解唔一早組梯隊？咁就唔使咁麻煩，呀…唯有講句睇故唔好駁故，不過真係唔make sense。寧願唔要組梯隊呢吓。（觀眾補充：佢哋出咗去做嘢，就可以suppert返球隊去組梯隊，又係喎！）

其實今集半個鐘可以講完。
我覺得第19集完咗佢，喺roller剪幾個shot交代力圖仔有重組打會長盃，會比起依家有第20集更好。

📺 99台 逢周一至五 2130~2230

[演員表] 鄧麗欣 飾 蔣家瑜 / 顧定軒 飾 張競康 King / 陳卓賢 飾 余俊賢 魚仔 / 盧瀚霆 飾 陳逸朗 Bobby / 呂爵安 飾 楊洋（阿神） / 邱傲然 飾 凌鋒（阿檸）/ 柳應廷 飾 袁啟聰（方丈）/ 陳宇琛 飾 黃金Sir / 陳子豐 飾 Marco / 王智德 飾 Chris 1 / 梁業 飾 Chris 2 / 李駿傑 飾 Chris 3 / 郭嘉駿 飾 QK / 余潔瀅 飾 安安 / 沈殷怡 飾 蟲蟲 / 李爾晨 飾 何晉新 / 林家熙 飾 Cirlcle / 李文星 飾 杉 / 杜港 飾 麥樂基 / 胡卓希 飾 阿Lo / 彭義廣 飾 阿Dee / 郭慧 飾 Ruby / 余世騰 飾 瑜父 / 黃翠儀 飾 瑜母 / 楊昕 飾 Ada / 安南 飾 阿里 / 蘇家樂 飾 旭sir / 謝志豪 飾 Don / 薛廷旭 飾 立 / 高瀚文 飾 魯世義 / 楊偲泳 飾 Choco / 伍詠詩 飾 Moon / 何詠堤 飾 Macy / Anson Kong 飾 健身教練 / 盧慧敏 飾 花花

#ViuTV #男排女將 #張志光 #陳淑賢 #張之彥 #黃穎珊 #黃竣培 #駱競茵 #鄧麗欣 #顧定軒 #陳卓賢 #盧瀚霆 #呂爵安 #邱傲然 #柳應廷 #陳宇琛 #陳子豐 #王智德 #梁業 #李駿傑 #郭嘉駿 #余潔瀅 #李爾晨 #胡卓希 #楊偲泳 #伍詠詩 #何詠堤 #江熚生

🚫嚴禁劇透🚫粗口自行過濾🚫
🚫免批評外表人身攻擊🚫

[1230隔夜超短劇評][ViuTV][男排女將][EP19]
✅ 幾波感動接住嚟喊死人
❎ Bobby最後一戰浪費咗

上一集對翔鷹，個氣氛好似最後一戰咁，個個力圖仔面對嘅問題都解決晒，心諗吓仲有兩集點算？原來係講佢哋面臨解散。

上到甲一對煌隊點打都已經唔係重點，再交代嘅話講多集都得，而正如之前咁講，之前咁多集set嘅困難已經解決晒，所以好快就過。重點係透過比賽交代除咗入咗港隊嘅King、魚、QK，（Chris1同Chris3冇乜落墨所以唔知）其他隊員已經因為各種生活問題而冇乜鬥志。

呢吓寫Bobby最後一戰差咗多多，King嗰種同Bobby打唔到一場好波嘅無奈，冇乜落力講，出到嚟同大家冇心機打其他比賽冇乜分別。King亦好似一向熱血同緊張，冇因為Bobby而有變化，呢部分失望咗啲。

不過一切都喺佢哋聚埋喺村校食最後一餐嗰個point開始嚟料，啲眼淚近乎未停過咁濟。Tiger開波係做得有啲吃力，但一交到去Stephy度，個感覺即嚟，再由顧定軒嗰句「影咗力圖係咪就要散？」推到第一個高峰。之後流眼淚個掣已經click開咗，家瑜錄voice msg畀黃金話「力圖冇喇」、King同家瑜話「我會搞返好力圖」、家瑜嗰段同隊員講嘅十年後的話、家瑜阿爸同個女講話佢一定得。全部都喊死我。

到最後又點少得老套但熱血嘅追車呢？力圖仔喺橋上面，同家瑜喺的士裡面，隔空叫力圖嘅口號，真係喊到我收唔到科😭😭😭

好鍾意家瑜同King喺球場傾完之後，去到馬路分開嗰段，呼應返劇集開頭。嗰時King要家瑜孭起隊波，問家瑜會唔會做佢哋教練，家瑜話唔會。依家King知道家瑜要去泰國打職業，唔再問家瑜可唔可以留低，而係話自己會搞返好力圖。呀，好感動，係成長呀！

另外，家瑜一度決定為咗力圖唔去泰國打職業，放棄自己多年夢想，但最後見到力圖仔咁多個都為生活其他嘢將排球放喺後啲嘅位置，就唔去勸大家要全力投入去打波。呢段我都鍾意，因為寫實之餘，亦都係因為家瑜佢自己都知道生活迫人，打波唔係個個可以打到職業，打唔到唯有將排球放後啲，甚至放棄。唔係得一味熱血，寫得幾好。

至於點解力圖5年（丙組2年+乙組、甲二、甲一各1年）都唔召募新人做梯隊，搞到冇得換血冇得繼續打？連續四年升班去到甲一，又有前女子港隊大槌手做教練，唔自己搞召募，都應該有人慕名入會？

觀眾PY Mui補充：「組波其實好難，佢哋只係四年內就打到甲二（按：對煌隊應該係甲一？所以或者已經打咗5年），無資源、無常規場練波，好難recruit人，只有在沙排場搵左193入隊。現實世界裡面，力圖藍本球隊力臻都係發展到宜家先有4個梯隊，創隊14年才獲香港排總確定為正式會員。」原來係咁，多謝呢位觀眾嘅資訊！👍🏻

📺 99台 逢周一至五 2130~2230

[演員表] 鄧麗欣 飾 蔣家瑜 / 顧定軒 飾 張競康 King / 陳卓賢 飾 余俊賢 魚仔 / 盧瀚霆 飾 陳逸朗 Bobby / 呂爵安 飾 楊洋（阿神） / 邱傲然 飾 凌鋒（阿檸）/ 柳應廷 飾 袁啟聰（方丈）/ 陳宇琛 飾 黃金Sir / 陳子豐 飾 Marco / 王智德 飾 Chris 1 / 梁業 飾 Chris 2 / 李駿傑 飾 Chris 3 / 郭嘉駿 飾 QK / 余潔瀅 飾 安安 / 沈殷怡 飾 蟲蟲 / 李爾晨 飾 何晉新 / 林家熙 飾 Cirlcle / 李文星 飾 杉 / 杜港 飾 麥樂基 / 胡卓希 飾 阿Lo / 彭義廣 飾 阿Dee / 郭慧 飾 Ruby / 余世騰 飾 瑜父 / 黃翠儀 飾 瑜母 / 楊昕 飾Ada / 安南 飾 阿里 / 蘇家樂 飾 旭sir / 謝志豪 飾 Don / 薛廷旭 飾 立 / 高瀚文 飾 魯世義 / 楊偲泳 飾 Choco / 伍詠詩 飾 Moon / 何詠堤 飾 Macy / 魏綺珊 飾 魚媽 / 姜濤 飾 觀眾 / 吳保錡 飾 記者 / 楊樂文 飾 評述員 / 邱士縉 飾 評述員

#1230隔夜超短劇評 #ViuTV #男排女將 #張志光 #陳淑賢 #張之彥 #黃穎珊 #黃竣培 #駱競茵 #鄧麗欣 #顧定軒 #陳卓賢 #盧瀚霆 #呂爵安 #邱傲然 #柳應廷 #陳宇琛 #陳子豐 #王智德 #梁業 #李駿傑 #郭嘉駿 #余潔瀅 #李爾晨 #胡卓希 #楊偲泳 #伍詠詩 #何詠堤 #楊樂文 #邱士縉

🚫嚴禁劇透🚫粗口自行過濾🚫
🚫免批評外表人身攻擊🚫

[1230隔夜超短劇評][ViuTV][男排女將][EP18]
✅ 熱血最強
❎ 熱血掩過不合理

成集睇到好緊張、好熱血，最尾嗰局一分分咁咬住上好鬼正。

頭三節對打翔鷹發生咗好多事，為賽事增加力度，包括咗(1) 神、檸、方丈各自衝破自己嘅阻礙，唔再受到麥樂雞所set嘅心理戰術影響。(2) 魚新兩兄弟喺場上記返細個時兩個人打波嘅樂趣，魚記返自己打波係因為新，然後比賽唔留力打，賽後抱抱，都幾感人。(3) 一直都冇乜作為、冇乜focus嘅Chris1，原來自己密密練都有成績，成為咗贏波嘅其一個關鍵，好勵志（但家瑜冇幫佢練就搞笑咗啲，幫佢練埋佢咪係高手？）。

令我最激動嘅都係King佢拗柴到咁嘅地步都想上場。佢同家瑜講嗰段說話，話自己等咗四年就係為咗要打敗翔鷹，講嗰時唔只係Stephy呀，連我雙眼都紅晒想喊出嚟。 好熱血。

家瑜咁做當然唔係一個好嘅教練會做嘅事，因為明知個球員受傷，就算佢話得，隊友又話會幫佢，都唔應該將隊波嘅成績同埋球員以後嘅運動生涯去搏。劇本其實已經畀咗兩個位去做support，第一個位就係家瑜自己聽到對面隊話「女人教波唔得」就發咗癲話乜都唔理都要贏。之不過家瑜一直都咁冷靜，而呢句說話又唔係第一日聽到，所以呢個support冇乜力，仲搞到家瑜唔太專業。第二個位就係隊員話力圖係一team人，所以會幫King互補。呢個又係令人搲頭，我聽到話一team人時，第一個反應係咁應該大局為重收埋King，我哋贏都代表全部人贏咗，而唔係佢哋所講嘅互補。以我話就應該寫各位隊員都認同隊波係由King而生，今次就算有危機都要繼續畀阿King落場，大家會互補，一齊求求家瑜就最合理。

不過King話想打贏翔鷹段讀白真係太感人太熱血，所以睇時候好容易就過到。但係Bobby喺場邊冇啦啦唱歌，仲要唱咁耐，真係有啲尷尬。如果好似依家咁寫，或者Bobby唱一兩句之後就夠，之後變咗似佢哋心目中繼續唱呢首歌而得到鼓勵，咁好似容易入口啲。明白睇波會唱歌係成日都有，但唱嘅會係連球迷都識嘅歌，或者係球會會歌，一早安排一兩句劇情，升格《神隊友》做會歌就合理好多。到時由Bobby帶起一句，安安做啦啦隊播歌，大家一齊唱，個「同行」效果由Bobby開始，擴展至全部支持者，會好老套，但會好感動。

阿神條眉、阿檸個耳塞，好搞笑。安安錫魚仔好sweet。魚媽叫記者影相，話兩個都係我個仔，好感動。阿檸向球證投訴話個波出界，好型。呢場波真係百感交雜，睇完真係心情波動。

不過姜濤嗰個角色真係好煩厭……另外，如果係魚仔而唔係QK用腳幫King去解圍嘅話，我覺得仲正。King曾經因為魚仔用腳去救波而鬧佢唔認真，而今次係好認真先會用腳去救波，個反差會好正。

黃金sir唔怕free fall唔怕鱷魚潭，但係怕由將軍變王子…睇到好忟呀。

📺 99台 逢周一至五 2130~2230

[演員表] 鄧麗欣 飾 蔣家瑜 / 顧定軒 飾 張競康 King / 陳卓賢 飾 余俊賢 魚仔 / 盧瀚霆 飾 陳逸朗 Bobby / 呂爵安 飾 楊洋（阿神） / 邱傲然 飾 凌鋒（阿檸）/ 柳應廷 飾 袁啟聰（方丈）/ 陳宇琛 飾 黃金Sir / 陳子豐 飾 Marco / 王智德 飾 Chris 1 / 梁業 飾 Chris 2 / 李駿傑 飾 Chris 3 / 郭嘉駿 飾 QK / 余潔瀅 飾 安安 / 沈殷怡 飾 蟲蟲 / 李爾晨 飾 何晉新 / 林家熙 飾 Cirlcle / 李文星 飾 杉 / 杜港 飾 麥樂基 / 胡卓希 飾 阿Lo / 彭義廣 飾 阿Dee / 郭慧 飾 Ruby / 余世騰 飾 瑜父 / 黃翠儀 飾 瑜母 / 楊昕 飾Ada / 安南 飾 阿里 / 蘇家樂 飾 旭sir / 謝志豪 飾 Don / 薛廷旭 飾 立 / 高瀚文 飾 魯世義 / 楊偲泳 飾 Choco / 伍詠詩 飾 Moon / 何詠堤 飾 Macy / 魏綺珊 飾 魚媽 / 姜濤 飾 觀眾 / 吳保錡 飾 記者

#1230隔夜超短劇評 #ViuTV #男排女將 #張志光 #陳淑賢 #張之彥 #黃穎珊 #黃竣培 #駱競茵 #鄧麗欣 #顧定軒 #陳卓賢 #盧瀚霆 #呂爵安 #邱傲然 #柳應廷 #陳宇琛 #陳子豐 #王智德 #梁業 #李駿傑 #郭嘉駿 #余潔瀅 #李爾晨 #胡卓希 #楊偲泳 #伍詠詩 #何詠堤 #魏綺珊 #吳保錡