［香港 旺角 ］平靚正居酒屋💛～令和鍋物酒場 彌敦道店🏮朋友之前食過話好食，所以晚餐再嚟咗呢度食😍 食物定價合理，但每樣菜式嘅質素都高，CP值好高! 店員服務都好主動友善，有主動介紹店內招牌菜式，氣氛好好🥰
🔸二人前石燒火鍋套餐"梅" ($468)
－是日沙律（豆腐三文魚子沙律）
－前菜x2（我揀咗：和牛他他+日式炸雞）
－串燒2串（我揀咗：煙肉車厘茄+燒雞棒）
－什錦天婦羅
－石燒美國安格斯扒(250g)
－蟹膏飯x2
🔹令和魚生丼 ($188)
🔸清酒廣島生蠔 ($28@)
🔹雞皮餃子5隻 ($48)
🔸燒雞骨腸2本 ($29)
🔹西瓜沙冰（有酒精 $68)
🔸梅乃宿 柚子酒($58)
🔹梅乃宿 梅酒($58)
#二人前石燒火鍋套餐 真係超級抵食😎 食物種類好豐富，份量亦冇將貨就價，三個女仔share再加少少串燒都已經好夠食! 沙律加咗胡麻醬同三文魚子，鹹鮮又惹味! 生和牛配以酸汁，酸甜開胃，面頭嘅黑松露點綴，更添香氣😋 #炸雞 嘅炸漿唔會好厚，入面肉質嫩滑保留肉汁，如果外皮炸得脆口D就更好啦🐔 #什錦天婦羅拼盤 都好有誠意，除咗蔬菜之外，仲有兩隻大蝦，我鍾意食粟米天婦羅，香甜爽脆，正🌽 主角 #石燒美國安格斯扒 會係席前料理，燒嘅時候聞到香氣，未食已叫人食指大動 🥩 安格斯牛扒好厚身，肉味香濃，燒至五成熟肉質最軟腍柔軟。套餐有250g，份量好足，牛魔王表示滿足！套餐包含兩碗 #蟹膏飯，絕對飽肚，每碗飯都疊滿蟹膏，就咁食都已經好送飯 🦀
套餐包兩款串燒，我哋再另外散點一些share🍢 #串燒 定價唔貴，燒得頗有水準。特別推薦 #雞皮餃子 ，雞皮取代傳統餃子皮，外皮酥香，內餡軟嫩多汁 ！
仲有一定要試下 #清酒廣島生蠔，$28大大隻，食嘅時候將整隻 #廣島生蠔 浸喺清酒內，會更帶出生蠔嘅鮮味！最後飲埋d sake 🍶 $28太抵食，我忍唔住encore呢！ #令和魚生丼 都用料十足，有三文魚、海膽、油甘魚、吞拿魚、三文魚子、帶子及牡丹蝦，非常豐富😍 刺身擺滿一碗，每款刺身都厚身又新鮮，$188性價比好高！
令和魚生丼 在 #令和魚生丼 - अन्वेषण गर्नुहोस् | Facebook 的美食出口停車場
令和鍋物酒場彌敦道店 朋友之前食過話好食，所以晚餐再嚟咗呢度食 食物定價合理，但每樣菜式嘅質素都高，CP值好高! 店員服務都好主動友善，有主動介紹店內招牌菜 ... ... <看更多>