【素球缺一不可】The Meatless Farm Co. Minced Meat 報告
係日本老師到學完炸吉列素豬扒，我每星期都係屋企炸炸炸，因為屋企整真係好方便，今次試煮英國 The Meatless Farm Co. 素免治肉做【純素吉列芝士素球】，有人話似一pat 野，口感唔多好，同埋貴，其實我又唔係咁睇，呢篇絕非廣告文，我真係課金架。
【份量】
首先佢真係幾重同好大盒，重400gm，$80有找，可以整到12粒大大粒既素肉丸，份量都有D 多，整完我都擔心食唔哂，價錢同其他品牌都係差少少，我覺得係可以接受。
【處理過程】
佢個質感唔太油膩，唔會整到一手油，跟出面牌子一樣，都係要用調味料先醃一醃，咁就會入味D，同埋會比較黏實，唔易鬆散，用黎做吉列素丸其實都好易成形，炸個時唔易散開。
【口感】
食真少少仲有一D 「肉粒」既咬口，千其唔好expect 佢係好素肉既口感，朋友話醃咸DD就似咸牛，嗱，就係咸牛個種一pat野既口感，我下次會用鹽麴再試試，睇下做唔做咸牛治。
【做法】
其實我屋企醃野黎黎去去都係鹽麴、薑、胡椒、料理酒、糖同麻油，基本上呢幾樣野都係鐵腳，醃佢1個鐘就可以搓圓按扁，上粉漿及吉列粉去炸，炸到金黃色就食得，加埋日本咖哩仲正。
報告完畢，謝收看。
#foodie #lifestyle #travel #travelblogger #lindacat #邱蓮達 #vegan #oneveganshop #veganrecipe #themeatlessfarmco
