📍ᴛsɪᴍ sʜᴀ ᴛsᴜɪ, ʜᴏɴɢ ᴋᴏɴɢ 🇭🇰
<東京過江龍|主打白雞湯拉麵 麺屋武一>
今日天氣都幾好，小編心情亦都好返啲😎冇咁灰暗黑暗🌪。而未來幾日就睇心情決定出唔出Post，請見諒🙇♀️
麺屋武一係一間源於東京新橋以濃厚雞湯拉麵作招徠嘅拉麵店，喺世界各地都有分店🤫店舖裝修充滿日式居酒屋風格，日式風味十足😝
-
🍴濃厚醬油拉麵
評分：8/10
拉麵🍜湯底以醬油同雞湯混合而成，當中既雞湯更以新鮮雞隻🐓熬煮13小時，再配上雞骨、洋蔥、蒜頭、昆布等材料製成。再配上選用日本小麥製成嘅直麵、日本直送雞肉丸同以雞腿肉製成嘅低溫炆煮叉燒☺️
拉麵本身比較幼細，但入口食落嘅質感亦唔會太過軟淋，入口嘅軟硬度適中😊反而仍然帶有少少爽口嘅口感😋同時亦都非常掛湯，所以入口食落有好重嘅雞味😯而重點嘅醬油雞湯方面，湯底入口有好重鮮甜嘅雞味，雖然雞湯配上左醬油，但雞湯嘅鮮味不減反增🤗至於個雞腿肉叉燒方面，叉燒入口口感非常嫩滑，而且帶有陣陣嘅雞味😚成個叉燒味道都同拉麵本身非常匹配🥰至於個雞肉丸方面，雞肉丸嘅肉質偏向比較鬆散，有別於平時食到嘅豬肉丸質感，而味道方面亦都帶有淡淡的雞味😉而額外加配嘅溏心蛋入口就有好香嘅醬油味，而且咬開中間確實係非常溏心，真係超級加分😍
價格：HKD $88（濃厚醬油拉麵）+ HKD $12（溏心蛋）
-
🍴鹽味蔬菜清湯拉麵
評分：7.5/10
蔬菜清湯使用左多達13種新鮮蔬菜熬製而成，拉麵表面再放上香菇🍄、車厘茄🍅、洋蔥、菠菜、粟米芯🌽作配菜，即使係素食者都非常啱食😎
蔬菜清湯入口有淡淡的蔬菜香味，雖然望落表面好似好油膩咁🤔不過入口完全冇呢個感覺，反而會覺得比較清新😂即使係叫鹽味湯底，但入口味道都唔會太鹹😙而個拉麵入口同樣帶有少少彈牙，同時亦非常掛湯🥰所以入口會食到有淡淡的蔬菜香味，成個感覺都非常特別。而表面嘅配菜雖然就冇乜特別😌不過車厘茄就值得一讚，竟然係去咗皮架！至於個溏心蛋方面，入口同樣係非常溏心😉
價格：HKD $80（鹽味蔬菜清湯拉麵）+ HKD $12（溏心蛋）
-
🍴雞腿肉串
評分：7/10
雞腿肉串入口肉質唔會太過乾身，入口食落尚算嫩滑☺️而且亦帶有淡淡的雞肉香味。雖然喺雞腿肉表面嘅醬汁驟眼睇就有啲多🤔不過由於醬汁入口食落唔會太鹹，而且都有淡淡香甜嘅氣味🤭所以入口食落都唔會覺得太Over。整體來講，雞腿肉入口唔會太乾身☺️而且有淡淡的焦香味，加分。
價格：HKD $20
-
🍴煎餃子
評分：7.5/10
煎餃子🥟一碟雖然只有五隻，但入口食落香脆😳而且唔會太油膩。中間嘅肉餡亦都唔係包得太飽滿，但入口食落依然食到有好重嘅青菜味🥬，所以入口食落感覺都幾健康，而且煎餃子入口食落都唔會覺得無味無道😌
價格：HKD $38
——————————
店舖名稱：麺屋武一
環境：4/5
服務：4.5/5
地址：尖沙咀棉登徑13-15號棉登大廈地下A號舖
交通：港鐵尖東站N3出口，步行約2分鐘
——————————
#hkfoodie_life_尖沙咀
附近鐵路沿線仲有咩食👇
#hkfoodie_life_荃灣綫
#hkfoodie_life_西鐵綫
同類型食物嘅介紹👇
#hkfoodie_life_日本菜
．
．
．
．
．
#ramen #menyatakeichi #麺屋武一 #拉麵
hkfoodie_life_西鐵綫 在 如果下次小編時間充足一定要試埋 - Facebook 的美食出口停車場
... 交通：港鐵尖沙咀站B1出口，步行約5分鐘—————————— #hkfoodie_life_尖沙咀附近鐵路沿線仲有咩食 #hkfoodie_life_荃灣綫#hkfoodie_life_西鐵綫同 ... ... <看更多>