關於 foodiesdnn佐敦 ，我們在網路上蒐集到這些相關的討論、資訊與評價

《手工啤勝地🍻》▪️▫️▪️▫️▪️▫️▪️▫️▪️▫️▪️▫️▪️▫️▪️▫️▪️
呢度係主打手工啤酒，餐牌上面有差唔多二三十款，仲要全部有中英文介紹產地同埋味道，另外店員亦都樂意介紹，不過自己已經有心水好快就揀好左，當然仲有些少下酒小食🤗
.
👁‍🗨 芝士蟹肉釀蘑菇（6.5/10）💲48
.
➰ 呢個有唔少蟹肉，而且蘑菇都多汁既🍄不過所配既半溶芝士，鹹度頗為高，個人覺得呢幾樣嘢分別黎講係好食，但搭埋一齊就好似唔算特別夾🙈
.
👁‍🗨 香草豬肉腸配重口味洋蔥汁薯泥（7/10）💲68
.
➰ 上檯後擺左陣先食都仲係熱辣辣，豬肉腸皮香脆，咬開好多肉汁，帶有陣陣香草味😉薯泥唔會話好滑身，因為真材實料有薯仔粒係入面，加上蘑菇洋蔥汁都幾香口😌
.
👁‍🗨 Tipsy雞翼配藍芝士腐乳醬（7/10）💲68
.
➰ 雞翼皮脆肉嫩，不過平時唔太食得辣既，感覺由外到內都幾辣身，但係絕對惹味😋藍芝士腐乳醬既腐乳味無想像中咁濃列，整體會有點兒似麥當當既魚柳包醬，蘸上後雞翼辣度會大降🐥
.
👁‍🗨 蒲燒原條原汁鰻魚堡（7/10）💲128
.
➰ 原條鰻魚切開一半再疊住上，食落厚肉而且幾香口，單計鰻魚會有7.5😍不過包身食落略為普通，如果有特別烤烘或調味相信會更為出色，至於薯條就幼身但保持到脆既🍟
.
👁‍🗨 Sunmai Honey Lager（7/10）💲67 (260mL)
.
➰ 之前係台灣飲過一次，嗰次見個樽靚帶埋返香港，依家都仲擺緊係屋企😂今次黎見到有決定飲多次，其實飲落似普通啤酒咁，係間唔中帶有微微既蜂蜜花香味，同埋只係有5%酒精既關係都相對地係易入口架🤭
.
🔛 整體評分（7/10）
▪️▫️▪️▫️▪️▫️▪️▫️▪️▫️▪️▫️▪️▫️▪️▫️▪️
📍Tipsy Tap (尖沙咀)
地址：尖沙咀柯士甸路5號地舖 (佐敦站D出口)
營業時間：
星期一及日 17:00-00:00
星期二至四 17:00-01:00
星期五至六 17:00-03:00
#FoodiesDNN尖沙咀
#FoodiesDNN香港 @ Tipsy Tap

《中規中矩🧐》▪️▫️▪️▫️▪️▫️▪️▫️▪️▫️▪️▫️▪️▫️▪️▫️▪️
之前講過呢間既佐敦分店，今次黎到油麻地分店，最後得出結論係小食同肉類質素較好，其他相對一般🙃
.
👁‍🗨 黑松露野菌意大利飯（7/10）💲138 (Dinner Set)
.
➰ 呢個既黑松露味尚算香濃，仲要附帶啖啖菇，可以話係不過不失🍄但係上次都有提及飯既質感未係太理想，呢次整到似普通飯粒，欠缺外軟內硬煙韌口感🙈
.
👁‍🗨 卡邦尼煙肉意大利粉（7/10）💲118 (Dinner Set)
.
➰ 卡邦尼汁入口creamy，加上頗多感覺稍微似普通火腿既煙肉同埋芝士片，至於意大利粉都彈牙既🍝
.
👁‍🗨 明太子海蝦意大利粉（5.5/10）💲148 (Dinner Set)
.
➰ 撈勻左先記得影相🤪三個主菜入面呢個麻麻地，雖則有唔少爽口蝦仔，但係意粉完全無明太子既鹹味，反而係得沙律醬味，喧賓奪主之餘難免會覺得膩🤤
.
👁‍🗨 Oero奶昔（6.5/10）💲+22 (Dinner Set)
.
➰ 每個粉麵飯都會包飲品，我補差價要左個Oero奶昔🤗但最近發覺其實頗難飲到高質Oreo飲品，Oreo味成日都係太淡，呢杯亦不外如是，如果濃味返啲會更好🤥質感方面有少少似沙冰，唔係完全滑身既奶昔
.
👁‍🗨 西班牙玉桂條伴雪糕（6.5/10）💲+38 (Dinner Set)
.
➰ 額外加配左個甜品，玉桂條鬆脆度不過不失，加上玉桂糖甜甜地，不過雲呢拿雪糕無咩雲呢拿味👉🏻👈🏻
.
👁‍🗨 朱古力心太軟伴雪糕（6.5/10）💲+38 (Dinner Set)
.
➰ 另外仲加配左個心太軟，朱古力蛋糕質感同味道正常，不過流心朱古力漿餡既牛油味比朱古力味重，建議多加一點朱古力🍫而且雲呢拿雪糕既問題同上
.
👁‍🗨 酸忌廉煙肉薯條（7/10）💲58
.
➰ 除左晚餐牌上既，我地仲要左個係主餐牌上既小食🍟熱辣辣既薯條充滿住啖啖薯，煙肉粒增加左鹹香同層次，再加上大量酸忌廉，將油膩感大大降低👌🏻
.
👁‍🗨 水牛城汁雞翼（7/10）💲原價 $58；訂檯優惠 $0
.
➰ 其實入座既時候有同店員講我地係經Openrice訂檯，當時佢無同我地提及免費送小食，係我地之後再追問佢先講返有邊樣選擇🤡揀左個水牛城汁雞翼，脆邊雞翼夠大隻都有啖啖肉，但佢有別於一向水牛城雞翼既辣，食落係得茄汁🤔不過當佢係茄汁雞翼咁食都可以接受既🐥
.
🔛 整體評分（6.5/10）
▪️▫️▪️▫️▪️▫️▪️▫️▪️▫️▪️▫️▪️▫️▪️▫️▪️
📍Plato Cafe & Bistro (油麻地)
地址：油麻地彌敦道483-485號2樓 (油麻地站C出口)
營業時間：
星期一至日 11:30-23:00
#FoodiesDNN油麻地
#FoodiesDNN香港 @ Plato Cafe & Bistro

《佳佳🥚》▪️▫️▪️▫️▪️▫️▪️▫️▪️▫️▪️▫️▪️▫️▪️▫️▪️
係米芝蓮推介上面既佳佳，夜晚條人龍當然長到癲，真心感激排左半個鐘既朋友😭不過入到去九秒九落單、食完、走人，始終人多都真係不敢久留🤤
.
👁‍🗨 冰花燉雞蛋💲24
.
➰ 其實燉蛋一向都係熱食比較好，但係趕到黎熱辣辣，所以就叫個凍既🤔食落有頗濃既蛋香，不過口感方面真係差咁少少，比較實身唔夠滑，下次都係叫熱既會比較好😬
.
🔛 整體評分（6.5/10）
▪️▫️▪️▫️▪️▫️▪️▫️▪️▫️▪️▫️▪️▫️▪️▫️▪️
📍佳佳甜品 (佐敦)
地址：佐敦寧波街29號地舖 (佐敦站A出口)
營業時間：
星期一至日 12:00-03:30
#FoodiesDNN佐敦
#FoodiesDNN香港