關於 foodiesdnn油麻地 ，我們在網路上蒐集到這些相關的討論、資訊與評價

《台灣大雜燴🤭》▪️▫️▪️▫️▪️▫️▪️▫️▪️▫️▪️▫️▪️▫️▪️▫️▪️
晚市套餐一律$60起，跟餐配有貢丸紫菜湯同埋涼拌青瓜，仲有基本款式嘅飯麵餸菜，可以從ABC各選其一，有啲位加少少錢可以轉其他款式添，整體幾豐富係抵食既😱難怪餐廳晚市都爆爆地，不過限時一個鐘既關係，流動率其實算快😏
.
👁‍🗨 晚市套餐 - A 肉燥蕃茄湯麵（7/10）+ B 黃金雞扒（7/10）+ C 滷水豬腸拼豬耳（7/10）+ 凍肧芽朱古力（7.5/10）💲60 + 4 + 2 + 2 + 2 + 9
.
➰ 番茄湯底帶點酸，感覺幾開胃既🍅粗麵既麵質帶點咬口，而黃金雞扒炸得酥脆，厚肉但唔會話乾身，滷水既野比較腍，豬腸肥左些少，但都幾入味🤗肧芽朱古力唔會太甜，朱古力味濃郁，無話坊間常見既溝水淡味🍫
.
👁‍🗨 晚市套餐 - A 肉燥麻醬乾拌麵（6.5/10）+ B 鹽酥雞（7.5/10）+ C 夜市小香腸（7/10） + 凍洛神花茶（6.5/10）💲60 + 4 + 0 + 2 + 2 + 5
.
➰ 一開始覺得麵質頗硬，好彩麻醬都幾多，但係輪到底部有啲油，食到尾有少少油膩既感覺😂鹽酥雞炸得香脆，幾香椒鹽味夠惹味，小香腸有台灣既風味，而洛神花茶飲落會係似酸梅湯，都適合解膩既🤤
.
🔛 整體評分（7/10）
▪️▫️▪️▫️▪️▫️▪️▫️▪️▫️▪️▫️▪️▫️▪️▫️▪️
📍小麻吉滷肉飯 (旺角)
地址：旺角通菜街2A-2P鴻光大廈地下2C號舖 (油麻地站A2出口)
#FoodiesDNN旺角
#FoodiesDNN香港 @ 小麻吉滷肉飯-旺角通菜街

《夢幻藍天下的晚餐🍴》▪️▫️▪️▫️▪️▫️▪️▫️▪️▫️▪️▫️▪️▫️▪️▫️▪️
餐廳既環境佈置同之前去過既Sky726都有幾分相似，無故錯既話應該就係姊妹店了🤭
.
👁‍🗨 Set Dinner 芝士野菌烤美國特級肉眼伴香草燴雜菜 青胡椒燒汁（7/10）💲458
.
➰ 精緻小吃係熱辣辣帶點軟熟既包配上非一般既香草牛油，呢樣係幾有驚喜既😍前菜既牛油果煙三文魚沙律伴蜜糖籽油醋，煙三文魚片鋪係沙律菜上面，加上少量牛油果粒係底，味道不過不失，如果牛油果同埋醋既份量多返啲就更好🥗而主菜既芝士野菌烤美國特級肉眼伴香草燴雜菜，肉眼五成熟出到黎呈現粉色，入口大部份軟腍有肉汁，但間唔中會有肥膏同埋筋位，而伴碟滑身薯蓉有奶油香🥔至於特濃核桃朱古力布朗尼伴雲呢拿雪糕，暖既布朗尼質感比較軟身濕潤，帶有陣陣朱古力香，同出到黎係朱古力而非雲呢拿既雪糕有著冰火交融既感覺，但係個人會偏好硬身扎實多一點點既布朗尼🍰飲既方面包左是日餐湯同埋咖啡或茶☕️
.
👁‍🗨 烤美國豬肋排 半骨（7/10）💲138
.
➰ 豬肋排可以揀半骨或者全骨，半骨既話有五舊左右，咬落做到骨肉分離，而且肉質都腍身，燒烤醬汁亦香口夠味☺️
.
👁‍🗨 墨西哥粟米片伴牛油梨醬及酸忌廉（6.5/10）💲98
.
➰ 淋左牛油果醬、酸忌廉同埋蕃茄粒係中間，所以嗰部份既墨西哥粟米片入口並非完全脆身，至於去到底部既時候就唔係好夠點🙈建議啲醬可以另上同埋份量多少少呢
.
👁‍🗨 黑松露脆炸薯條（7/10）💲68
.
➰ 外脆內軟既粗薯，帶有微微黑松露香，可以過下口癮😉
.
🔛 整體評分（7/10）
▪️▫️▪️▫️▪️▫️▪️▫️▪️▫️▪️▫️▪️▫️▪️▫️▪️
📍Bellevue Bar and Grill (油麻地)
地址：油麻地彌敦道558-560號譽發廣場23樓 (油麻地站A2出口)
營業時間：
星期一至五 11:30-15:00；18:00-23:00
星期六至日及公眾假期 11:30-16:00；18:00-23:00
#FoodiesDNN油麻地
#FoodiesDNN香港 @ Bellevue Bar & Grill

《情人節套餐❣️》▪️▫️▪️▫️▪️▫️▪️▫️▪️▫️▪️▫️▪️▫️▪️▫️▪️
遲左少少初二先黎講既新年快樂🍾️🎊祝各位🐷年行大運😍與此同時比個溫馨提示大家，情人節其實都就快到啦🤭
.
👁‍🗨 Valentine's Day Dinner💲344/位
.
➰ 呢間餐廳二月十三同十四日會有情人節晚餐供應，大家預訂二月十三日仲有七五折$258/位💰
.
玫瑰忌廉南瓜濃湯
呢個湯尚算濃稠，帶有陣陣南瓜香🥣
.
日式芥末蟹肉沙律意大利青瓜卷拼玫瑰煙三文魚配牛油果醬多士
青瓜片面頭有紫薑，入面啖啖芥末蟹肉有點攻鼻既感覺幾醒神，又有煙三文魚加上魚子醬🍣牛油果醬無咩牛油果味，反而有偏酸既檸檬味，多士腍身比較遜色🥑
.
威靈頓牛柳配牛肉汁
蘑菇蓉未夠乾身會浸到酥皮，亦因此酥皮同牛比較分離切開散散地，不過無濕既位置酥皮都酥脆🍄同埋值得一讚個牛柳肉質嫩滑，牛味香濃，某啲位帶有芥末味🐂伴碟蔬菜有黑椒調味，仲有頗重奶油香既薯蓉，整體以呢個價包威靈頓牛柳既餐黎講都算抵食既🙈
.
波士頓龍蝦配濃湯扁意粉
原隻龍蝦放面，大部份肉位既殼已經移除，方便我呢啲懶人進食😛食落肉質彈牙，龍蝦汁都幾香濃，扁意粉軟硬度適中，幾有口感🍝
.
紅桑子軟心朱古力慕絲
大致上係紅桑子醬同慕絲，中間有流心朱古力，底部亦都有朱古力脆皮，整體酸酸甜甜🤗
.
甜蜜蜜粉紅氣泡酒
呢杯帶有微微既士多啤梨味，慶祝一流🥂
.
🔛 整體評分（7/10）
▪️▫️▪️▫️▪️▫️▪️▫️▪️▫️▪️▫️▪️▫️▪️▫️▪️
📍Love Cafe (油麻地)
地址：油麻地窩打老道40號拉斐特2樓 (油麻地站D出口)
營業時間：
星期一至日 12:00-22:00
#FoodiesDNN油麻地
#FoodiesDNN香港 @ Love Café