關於 csl1010 ，我們在網路上蒐集到這些相關的討論、資訊與評價

20191122
Yeah! 夠分換叮噹啦~唔知有冇靜兒沖涼😎
溫馨提示:
有用開1010 CSL HKT now Netvigator....... 就好去check下有幾多分，免得你啲分過咗期😏😆😆😆
#csl1010

20191122
Yeah! 夠分換叮噹啦~唔知有冇靜兒沖涼😎
溫馨提示:
有用開1010 CSL HKT now Netvigator....... 就好去check下有幾多分，免得你啲分過咗期😏😆😆😆
#csl1010

而家買內地車票、登記優惠、甚至之前我哋在高鐵車廂入面嘅免費Wifi 服務，都要用內地號碼做認證先可以開通。如果你平時唔駛要個內地號碼講電話、又唔想袋多張卡，咁可以點做呢？《Z世代達人》麥卓華今日呢個介紹應該啱你喇！

#Z世代達人 #麥卓華 #86易 #csl1010 #clubsim

香港同內地嘅交往咁頻繁，加埋高鐵香港段嘅開通，買內地車票、登記優惠、甚至之前我哋在高鐵車廂入面嘅免費Wifi 服務，都要用內地號碼做認證先可以開通。如果你平時唔駛要個內地號碼講電話、又唔想袋多張卡、甚至唔駛長Keep個number，今日呢個介紹就最啱你喇。

講緊嘅就係CSL推出嘅「86-易」中國內地號碼服務。一般來講，如果要多一個大陸號碼，好多時都要申請「一卡兩號」內地號碼，而且通常都要簽約，香港號碼想轉台，呢個號碼又拎唔走。今日介紹嘅「86-易」服務可以配合 ClubSIM使用，每月只需要俾月費 $18，唔駛簽約，一齊睇下點申請！

首先我地要有張可以用嘅ClubSIM，之後用ClubSIM App、揀通話組合、之後揀86-易服務，之後確認咗服務內容後按購買、就可以揀用 Club Points、Tap n Go定係信用卡俾錢喇。我想先試下個服務，所以唔揀信用卡每個月自動過數，之後入埋信用卡資料，搞掂！號碼亦會即時分配同開通，你之後隨時按入去主頁通話組合嘅「86-易」入面，仲可以隨時增值延長使用時間！

咁有咗個內地號碼，但無插住SIM卡，點先可以收到SMS？原來在App入面就做到！去番下面「個人檔案」、之後揀「服務組合」入面嘅「86-易」，再按入「收件箱」就得！試下Send個SMS去呢個號碼先！睇下、即時收到架！而個App仲會有信息提示，非常方便！ 咁之後就唔駛因為個內地號碼俾個台駁住，又唔駛帶多張SIM卡啦！

《Z世代達人》
麥卓華

之前我哋就試過坐高鐵由香港到深圳體驗上網嘅情況喇，既然來到深圳，就等我試埋 Global Phone 、1010同埋中國移動香港嘅上網表現啦！

首先睇下兩個香港台嘅表現先。1010 SIM卡係開咗日費漫遊，而中國移動香港就係用緊中港數據共用嘅計劃，兩張SIM都係無限速嘅，同時插咗落去 Samsung Galaxy S8 入面再分享出來俾手機用。由於都係在漫遊嘅狀態，兩張SIM都係用香港嘅伺服器做測試，睇到其實表現都係差唔多，不過提提大家，由於中國移動香港在內地係用中移TDLTE網路，如果你嘅電話唔支援內地嘅TDLTE，上網就會落番2G，所以大家上台前，最好要檢查清楚！

好喇，今次另一個測試嘅主角就係之前同大家介紹過嘅Global Phone喇。香港寬頻推出嘅Global Phone 有基本版同至尊版，只有至尊版在內地先可以瀏覽到Facebook之類嘅社交媒體，今日我就帶齊兩部機同大家試清楚。連網方面，當我開機之後，大約需要3分鐘嘅時間先可以拎到網絡上網，比用SIM卡漫遊慢少少，但其實都可以接受。好唎，畫面左面嘅係基本版手機、右面係至尊版，我哋試咗基本版的確上唔到 Facebook，而至尊版就順利上到… 再Check下，原來基本版係用咗中國內地嘅IP，而至尊版其實就同漫遊一樣，經咗網絡商接入香港嘅IP，所以先可以順利開到Facebook之類嘅社交網絡。

最後同大家試埋 Global Phone 嘅速度喇。表現同之前測試漫遊SIM嘅時候都差唔多，以百多元月費有5GB流量，呢個速度絕對收貨啦！

《Z世代達人》
麥卓華