今個月原來夾夾埋埋做左四十幾個鐘義工，等如返多左五日工。
老實說，我覺得自己做得唔好。我在marketing同IT界做耐左，寫marketing plan、project plan易如反掌，但依家份義工佢真係當我係一個正規前線咁樣用，我發現原來前線人員係好多文件要填，而我十幾年的工作都很少要填文件，更加唔好話係在英國全英文語境，加上無人當我係義工，啲人講野好多專業術語，仲要training時無教嘅。但呢度填錯填少真係性命悠關，責任好大、壓力亦都好大，我有時候都會問自己係咪返一份銀行都唔夠辛苦，仲要返多份咁高壓嘅前線。
好似尋日要填form，我唔知原來有template 要跟，所以我個報告打完出黎係完全入唔到機，搞到senior要重做，我真係抱歉到連續N次九十度鞠躬。到最後堅持senior俾我聽日返黎，我重做，做到合格為止。
然後，我星期二再追一更十個鐘。
唔識，學到識為止；唔好，做到好為止；唔明，吊到明為止。唔關義唔義工事，有冇錢收都唔應該做得差，做人唔係咁做，做得唔好浪費自己生命係自殺，浪費同事生命係謀殺，浪費前線人員生命係恐襲。否則我同那些拿淡水魚去海放生好心做壞事的人有咩分別？我戴上手套上前線，不是為了打卡，而係真係想幫到手，唔好安慰我只係新人，個client會唔會因為你係新人就會自動有保護令、個case有社工跟進？不會的，你miss左個細路就玩L完，那就別再用新人來當藉口了。
我係有那個能力的，只係唔熟練，我不服氣。又不是開刀做手術，只是一大堆複雜的行政文書工作而已，你們做到的事，我怎會做不到？我不服氣。
#幸好義工無得炒
#我係好擅長磨爛蓆
#呢啲嘢絕對係可以用努力去克服
#聽日繼續
#絕對不會認輸
project plan template 在 Project Plan, Business Roadmap & Timeline Templates 的美食出口停車場
Jun 7, 2017 - Improve your productivity by leveraging multiple Project Plan Templates, Business Roadmap Templates & Timeline Templates in Powerpoint & Excel ... ... <看更多>