🚫嚴禁劇透
🚫粗口自行過濾
🚫免批評外表人身攻擊
·
[1230隔夜超短劇評][TVB][十八年後的終極告白 EP03]
·
[讚]
埋屍同學死咗一個又嚟一個,林師傑做吹水正喎,一見返同學就派卡片嗰吓真係好經紀,暫時出場咁多人裡面佢係做得最自然。但諗諗吓見到有同學死咗,之後又討論阿一有冇殺到鬼仔強,點解都可以咁輕鬆呢?希望之後有答案。
·
[彈]
阿一同阿倩舊地重遊,喺氹氹轉上面講嘢,完全唔關埋屍嘅事。仲要加個婚禮早拍晚播都已經絕跡嘅閃閃filter,仲仲要轉足三分鐘都唔停,真係好老套。
·
第二集尾見到嘉華哥去咗掘屍現場,以為今集有嘢睇啦,但只係得一幕,仲要係喺個倉到得一兩嘢。
·
第二集第三集對於埋屍案推進得其極緩慢,推進落晒去阿一同阿倩嘅感情到。又有啲位浪費咗講班舊兄弟之間嘅學生時代,觀眾唔會懷疑18年前佢哋有幾好,已經好快接受咗佢哋係好朋友。與其成日回顧學生時代營造佢哋嘅好友誼,不如喺佢哋回憶之時講講吓發現更多各自唔知道但又關鍵嘅事啦,淨係睇返舊時佢哋有幾friend真係冇乜意思。
·
阿一係咪撈得好唔掂?重案組madam唔識佢嘅?
·
[演員表] 譚俊彥 飾 林朗生 / 黃智雯 飾 阮麗瑾 / 陳山聰 飾 沈敬一 / 楊秀惠 飾 謝家倩 / 何遠東 飾 謝家富 / 林嘉華 飾 阮進 / 林師傑 飾 馮永興 / 江欣燕 飾 陳淑嫻 / 趙希洛 飾 王頌君 / 何啟南 飾 徐友齊 / 羅浩銘 飾 關泰臣 / 蕭徽勇 飾 李強 / 楊卓娜 飾 梁潔貞 / 孟希璘 飾 蔡慧蘭 / 唐嘉麟 飾 賴國明 / 鄧嘉傑 飾 林朗生 / 鄭雋熹 飾 沈敬一 / 樓嘉豪 飾 謝家富 / 陳戩浩 飾 李強 / 林浩民 飾 胡啟思 / 梁嘉駿 飾 馮永興
·
#1230隔夜超短劇評 #TVB #無綫 #十八年後的終極告白 #譚俊彥 #黃智雯 #陳山聰 #楊秀惠 #何遠東 #林嘉華 #林師傑 #江欣燕 #趙希洛 #楊卓娜 #何啟南 #羅浩銘 #蕭徽勇 #唐嘉麟 #孟希璘 #鄧嘉傑 #鄭雋熹 #樓嘉豪 #陳戩浩 #林浩文 #梁嘉駿
「18 年後的終極告白 演員 表」的推薦目錄:
18 年後的終極告白 演員 表 在 方以文 睇電視喇喂 Facebook 的最讚貼文
🚫嚴禁劇透
🚫粗口自行過濾
🚫可瘋狂話戲屎但免外表批評人身攻擊
·
[1230隔夜超短劇評][TVB][十八年後的終極告白 EP02]
·
[讚]
最後最幕我以為係其他舊同學出嚟,但居然係嘉華哥喎,呢個完結得幾吸引。
·
[彈]
第二集立即變返做啲驚死觀眾睇唔明嘅劇,完全冇咗第一集交代到故事又爽嘅感覺。肥仔富同埋Sam永遠將觀眾睇到嘅事講多一次出嚟,警察點點點佢哋就可能穿煲,鬼仔強佢點點點阿嫂又好慘,真係聽到人好忟,尤其呢套係懸疑劇,咁講對白搞到啲角色勁白癡,好難投入。有人會話要就返睇唔明嘅觀眾,但你拍呢種劇就要預咗某一班觀眾睇唔明,依家左就右就,套劇好容易玩完。已經唔係第一次㗎喇,好多無綫懸疑片都有呢個死症。
·
除咗對白,啲人物設計都好有問題。阿倩個朋友同阿倩成日去bar,棺材哥咁多人跟住入嚟,點解會咁白癡挑釁佢?間bar係阿一嘅,點解個場冇自己友睇住,附近又冇人幫拖,要阿一自己喺後巷一個打十個。我明,要做到阿一同阿倩推進感情嘛,但咁嘅劇情真係令人難以接受。
·
肥仔富、Sam、阿一真係睇到我暈。明明上一幕先喺醫院度單單打打,下一幕就喺球場打波再上埋屋企睇AV,真係舊同學舊朋友聚舊咁。乜Sam同埋肥仔富唔係好怕18年前埋喪屍件事會揚開咩?阿Sam唔係唔妥阿一咩?點解乜都冇交代就會有個咁嘅轉變?
·
有觀眾話佢哋兄弟情深,所以一見面就懷緬過去。就算佢哋18年前真係好fd,但係就係因為殺咗人埋咗屍而分開嘛。之前冇人知件事都唔敢見,依家警方搵到副骨反而聚舊?🤦🏻♀️🤦🏻♂️
·
[演員表] 譚俊彥 飾 林朗生 / 黃智雯 飾 阮麗瑾 / 陳山聰 飾 沈敬一 / 楊秀惠 飾 謝家倩 / 何遠東 飾 謝家富 / 林嘉華 飾 阮進 / 江欣燕 飾 陳淑嫻 / 趙希洛 飾 王頌君 / 何啟南 飾 徐友齊 / 羅浩銘 飾 關泰臣 / 蕭徽勇 飾 李強 / 楊卓娜 飾 梁潔貞 / 孟希璘 飾 蔡慧蘭 / 唐嘉麟 飾 賴國明 / 鄧嘉傑 飾 林朗生 / 鄭雋熹 飾 沈敬一 / 樓嘉豪 飾 謝家富 / 陳戩浩 飾 李強 / 林浩民 飾 胡啟思
·
#1230隔夜超短劇評 #TVB #無綫 #十八年後的終極告白 #譚俊彥 #黃智雯 #陳山聰 #楊秀惠 #何遠東 #林嘉華 #江欣燕 #趙希洛 #楊卓娜 #何啟南 #羅浩銘 #蕭徽勇 #唐嘉麟 #孟希璘 #鄧嘉傑 #鄭雋熹 #樓嘉豪 #陳戩浩 #林浩文