［文化亂步］傳說中的日本人唔食三文魚壽司。
1. 拿，有梳屎的，唔係三流內容農場呀下（http://bit.ly/2UsldGV），nippon.com呀。當然其實都只係報人地嘅調查
2. 就好簡單，問卷顯示，最受歡迎嘅壽司材料係鮪魚（即係吞拿魚／金槍魚），第三位就係……登登登登，香港啲品味男女聲稱日本人唔食嘅，三文魚。
3. 實情，呢個「日本人唔食三文魚壽司／刺身」嘅迷思，我年幾之前已經寫過。得罪講句，真係討論嚟都廢鳩事。亦係我medium比較早期，比較受歡迎嘅文。兩篇．（http://bit.ly/31mPJDf）（http://bit.ly/2uVPfId）
4. 正如我講，真係常識之死。而家唔係1917年呀大佬，MK仔都一年去幾次日本，港媽啲B未識講嘢已去勻日本47都道府縣。居然仲可以咁？
5. 實情，個撚個去日本，係做乜架呢？唔食嘢的？其實你望下舖頭有冇，然後再目測下有冇日本人食，咪知咯。就算冇去過，都識Google下（例如搵到埃汾篇文），或者問下日本人。有幾他媽的難？
6. 我個人Facebook甚至有個Album叫「日本人唔食三文魚刺身」，影低我在日本見到嘅三文魚刺身／壽司。基本上都齊晒本州九州四國北海道沖繩。
7. 而成件事最阿尾繩嘅係！啲人拒絶接受真相嘅態度，真係巧得人驚。影晒相寫晒文貼埋日本領事訪問，佢都仲話唔係！佢堅持我去嗰啲係遊客店喎，堅持入面食嗰啲係大陸人喎。咩呀？大陸人唔講得日文呀？大陸人唔拎得日本護呀？徐福都係大陸人咯。
8. 更要不得嘅係嗰啲友嘅優越感，真係個撚個當自己優越青（而有啲居然係冇去過日本嘅！咁當然唔係要去過魯營先可以屌美斯嘅）。你食三文魚刺身就係食屎，唔識食。佢本人就至撚識食。
9. 我甚至見過有人（可惜冇儲低！）堅持覺得係騙局，話你求其搵兩個日本人食三文魚就「證明」日本人「都」食三文魚。呢啲友就真係生蟲上腦了
10. 我更奇怪係呢個都市傳說嘅起點，應該都係蔡瀾。雖然佢後來好似澄清咗，正如我不停咁拎證據出嚟，就真理必勝，屌到啲優越青反艇（其實邱月清好啲）。但優越青同蔡瀾都不忘話返你知，拿，高檔舖頭唔會有架。拿，傳統上真係唔食架。
11. 前者比較易理解，你只需要定義下咩叫高級。咁的確，我去到最高級嗰啲（唔係小野二郎啦下），就真係唔會畀三文魚壽司你。可能真係平，又或者，真係「傳統」唔食，咁人地要傳統味道嘛。正如你去咩得龍（已執？）食咩古法菜，斷估唔會整芝士紫薯拉絲豬頸肉你食。總之，最高級嘅店係冇，但亦唔係要去到迴轉壽司先會有。
12. 但第二點就有啲深，就係，乜撚嘢先係「傳統」。同好多東西一樣，我覺得係開放討論的，但千萬唔好執著，好多嘢你一太執著就變塔利班（例如拉麵碗冰水）。
13. 傳統，乜撚is傳統？咩係古已有之？屌你，日本人傳統唔食肉添（明治維新），咁係咪我去食神戶牛就「日本人傳統唔食肉？」。唔止，日本人唔食羊添。是真的，你睇村上春樹《尋羊的冒險》就知，安政年間之前根本連羊都冇。所以你有冇見傳統日本料理有羊？係而家先有「成吉思汗」
14. 同樣地，有冇發現韓國人傳統都係唔食羊？但韓國人就一早有羊，只係唔食。你見啲韓燒乜乜，只係得牛，豬，雞，海產，唔會有羊肉的，其他料理都冇。
15. 順帶一提，呢個係同韓妹好好嘅破冰話題。萬試萬靈，有韓妹問我係做乜的，我就話寫嘢，佢問我寫乜嘢，我就答乜都寫，佢會問例如呢，我就話例如寫韓國人唔食羊，佢就會：下？然後就可以講。
16. 咁當然，而家小肥羊都開到東京，韓國都一街大陸火鍋，但你講傳統丫嘛，下話？
17. 再一例，「傳統」台菜根本冇牛肉麵添，「傳統」台灣亦都唔食牛。食牛呢樣嘢，當然係大陸喱國民政府啲四川佬在嗰邊發明。你講呢啲傳統仲短，二戰時根本台灣人都唔食牛添
18. 朋友的比喻做好，等於日本人唔會食炒公仔麵，因為佢地唔會知道原來可以咁樣食。正如N年前香港人都唔食豬頸肉（我細個冇呢樣東西）， 但你絶對冇可能話 「香港人唔食豬頸肉」
19. 所以呢，講傳統都得，但講到太塔利班就自然變膠。我理得你傳統日本人好排外好講民族純正添，而家便利店酒店都係南亞人大陸仔。正如德國「傳統」都排外講民族純正唔係移民國家，當年（廿年前？）甚麼艾沙姆之類，黑人代表德國踼波，都仲係引起唔少討論（雖然佢唔係第一個）。打後十幾年，話咁快就由排外變成移民大國，唔多唔少都因為啲移民先再強大，至少足球係。
20. 當然啦下，要質疑嘅，梗係可以話人別有用心。做問卷嘅係外賣壽司店「京樽」（好似成田定羽田機場都有間），平價嘢。「擺明就呃你啲遊客或者窮撚日本人」「如果唔係積埋咁多垃圾三文魚邊有人食」
金槍魚鮪魚日文 在 Re: [問題] 有人吃過金槍魚壽司全餐嗎？將太壽司- 看板C_Chat 的美食出口停車場