終於有時間分享返小小豬生日兩日一夜迪士尼Staycation之旅。
首先...間酒店係小小豬自己揀嘅，其實都嚟過幾次，點解都仍然咁鍾意...哈哈。我係經網上旅行社預訂嘅，$10XX依個價都可以接受，所以就順下佢意，陪佢玩兩日啦！
講返先....可能暑假，所以都真係算多人，同埋因為疫情，游水係需要提早預約，所以我地一點未夠就嚟到CheckIn，嗰時都只係得返5:00後嘅游泳池預約，當然唔理咁多照book。(依家每入住一晚只可以預約一節50分鐘嘅游水時間，你可以選擇排隊等後補嘅，不過就唔一定可以入到去)
其實今次我地都主要係hea遊，同還小小豬一個心願生日去下Staycation，所以除左游水之外，都冇刻意去玩啲咩(同埋都真係比較多人，我地整小手工都要排25分鐘先可以入去整)，係兩間酒店行下慢活一下都唔錯嘅。
唯一今次有啲特別，就係可以係迪士尼一帶踩單車(我地冇踩入酒店範圍，只係踩行人路來回兩間酒店同去左碼頭同海濱長廊)，單車係我地自己帶去，因為三部摺單車一向擺咗喺部車度，所以我哋拎出嚟踩，有需要嘅時間就寄存係酒店行李部(我地問過職員先知係可以咁做呀)
睇小小豬又真係完全唔似係11歲，真係......話咁快又要換身份証...話咁快又話升中學，真係唔敢諗之後仲有啲咩轉變。坦白講我真係未完全可以接受，老土啲講：小朋友係父母心目中都係長不大嘅。
只望依隻小小豬可以繼續健康開心咁成長，忠於自己目標就好了。
香港迪士尼樂園 | Hong Kong Disneyland
#迪士尼探索家渡假酒店
都唔錯嘅 在 我成日都讀錯嘅廣東話！｜いっつも言い間違える広東語！ 的美食出口停車場
此影片部份内容含有比較粗俗嘅廣東話。敬請家長留意 ♀️この動画にはやや下品な日本語が出てきますのでご注意くださいませ～#廣東話#在港日本 ... ... <看更多>