尋晚中概股簡直是血的一晚，有教育股EDU、TAL的朋友只能說係唔好彩，政策風險無得預計，不過其實5月果陣已經有消息流出，只係尋日再一步流傳相關細節，所以如果你只係買入一堆中概股當call option 輸晒無損心情的話我認為係可接受的。相反中概股佔你一定比例的倉位甚至重倉的話，好應該藉此檢討如何在risk and return 取得平衡。
我唔會講咩去到美股的人仲買中概股係抵L死，我自己都有買Futu, 現時倉內唯一一隻中概，都係尋晚中槍的一份子（雖然比起EDU, TAL 佢地係大炮，futu 係bb 子彈）。
我係屬於 #富途 好早果批用家，free串流佣金平台費，當初用完富途之後就一試難忘。個人鍾意佢好注重用戶體驗，不斷更新優化，business model 又好，咁佢只得老美上市，都係要買，注碼控制咁。
其實近期不斷的監管政策出台, 嚴重影響市場的投資意欲，無論外國還是國內投資者都要減倉避險，中資股被搞到兩面不是人，阿爺唔幫手唔緊要，仲要踩多兩腳驚你死唔去咁，仲點升得起？
未來下星期可能出現部份持有中概教育股又有用上槓桿的基金沽貨補倉，火燒連環船到其他無關的板塊，造成骨牌效應，大家可留意果堆"無關事", maybe a chance.
講下 #SE 尋晚終於都見證佢上3字頭，有跟開我的人都知SE 我係咁多隻股入面花最多時間去study。黎到呢個位我再出手減持鎖利了，由上年$15x 買起，中間上落波幅都有買賣，超過100%回報，而家SE 已經變負成本，其餘由佢自己飛，唔排除之後再跌番落去接番貨，我對SE 信心始終最大的。
另外新買入 #COIN , 自上市後隨crypto 熱潮冷卻而下跌，現時在低位徘徊。最影響coin 的收入就係crypto 市場交易量，雖然近期熱度降溫，但投資crpyto 逐漸大眾化，未來的交易量仍會維持一定程度，唔會進一步一下子大跌，呢個價位我認為值得開始吸納。
本身想講埋 #ASML 創新高仲入唔入得過，但好似已經太長，留番下個post 再介紹下，想直接睇就去Patreon，星期4已經寫左業績短評。
以上內容不構成投資買賣建議。
