想問下你哋有冇啲奇奇怪怪嘅Group Chat名？早幾日我將同同事傾嘢個 group改做「食乜Lunch」，個個口快快讀到個音歪晒，然後有同事就索性改做「茜遊記」。
佢哋好興耐唔耐改一次group名，試過一期叫「幾時加人工關注組」，又試過叫「好傾唔傾傾公事」，連改個group名都要畀說話我呢個老細聽🤦🏻♂️
你不仁我不義，我改過做「後生仔唔好講錢」、「聽日升你」、「冗員互助委員會」、「呢度唔係畀你學嘢」、「夠薑你就裸辭」，不過班友仔feel到我嘅敵意之後，好快又會再改group名。
其實呢啲都唔算癲㗎喇，我舊公司啲同事group名仲無厘頭，有個男同事group叫「唔好畀老婆發現」，嘩大佬，雖然我冇老婆啫，畀人見到呢個名水洗都唔清啦！女同事都唔弱，佢哋另外有個group叫「觀塘八婆阿蘇絲A唇」，淨係個名已經知道好有架構。
我仲有好多朋友group，啲名包括「Angel放假」、「姜B係我老公」、「睇熱刺不如睇傑志」......
「老細，其實每個group名都有佢嘅意思同典故㗎，甚至係潮流，你之前改個group叫『食乜lunch』，我就改『茜遊記』，回應緊你呀！」
我：「咁請問『茜遊記』係咩潮流呢？」
「 譚仔雲南米線 出咗全新湯底香茜皮蛋魚湯，整返碗米線配脆肉鯇真係超正，你仲可以加配芫茜山同埋皮蛋海，嗌埋杯凍香茜青檸雪碧直情超級大滿足，再唔係叫杯凍葡萄特飲配乳酸爆珠中和下都得！咁多芫茜食物，簡直就好似置身係芫茜世界咁，所以咪話『茜遊記』囉！」
我：「咦，點解我見你入我個名做西老細嘅？」
「入錯啫入錯啫，知你係芫茜控，想打芫茜個茜，一時手快啫......」
#譚仔 #譚仔雲南米線 #啖啖譚仔味 #63萬分之一 #63萬份滋味 #PerfectMatch #區區有譚仔 #全港芫茜控 #香茜皮蛋魚湯米線配脆肉鯇 #追加芫茜山 #追加皮蛋海 #凍香茜青檸雪碧 #凍葡萄特飲配乳酸爆珠 #芫茜世界 #茜遊記
茜遊記 在 茜茜育兒生活好好玩 - Facebook 的美食出口停車場
因此茜茜近期跟媽媽界的兩大男神合作YT影片， 都是非常有意義，可以幫助到孕媽咪和所有女人的！ 黃瑽寜醫師：兒少安置及校園性侵https://ababa. tw/perEQ/bf8m ... <看更多>