*嚴禁劇透*
*粗口自行過濾*
*可瘋狂話戲屎但免人身攻擊*
[1230隔夜超短劇評][ViuTV][VR驅魔人 EP16]
[讚] 話咁快就踏入結局週。爽哥呢一個單元啱晒啲等睇茅山嘢嘅朋友，煉屍嗰part應該頂到癮。不過又係得一集半單元就完，快咗啲。次次啲（我認為嘅）重點項目都係一兩集完，希望之後四集江若琳嗰個係個完整又有時間去講故事嘅一個單元。
講返呢集先，真係好耐冇睇過錢小豪做戲，所以佢做乜我都加分啦。今集係講執着同埋順住個天去，爽哥以為自己拍嚟拍去都係殭屍片好慘，但原來個天係安排佢拍殭屍片然後個仔可以睇，慰思念父親之情。咁今次煉屍係順天定逆天？其實一切咪又係喺天意當中？最後Aiden郁手指嗰吓，又係咪叫做「人定勝天」？我好亂，不過呢個設計都okay，有幾多人又可以看破世情？盡做囉。
最後爽哥抱起嬰兒版Aiden，仲有最後放低道士袍一家人走嗰吓係感動嘅。但少少重複，二選一當然係揀放低「務任」放低道士袍嗰一幕。
[彈] 全劇嘅氣氣營造暫時都係「孝哥」單元最好，今次父子之情個營造都唔太夠力，其實爽哥同Aiden慶祝生日嗰段都好長，但就唔知點解感動唔到我。反而安排咗皮蛋王一早學咗幾招，再扮返Aiden嗰度我覺得唔錯，如果可以長少少更加好。
[演員表]
錢小豪 飾 爽哥 / 柯煒林 飾 Aiden / 王貽興 飾 皮蛋王 / 劉翁 飾 Sunny / 岑珈其 飾 多春魚 / 樓南光 飾 鬼王
#1230隔夜超短劇評 #ViuTV #VR驅魔人 #王貽興 #劉翁 #岑珈其 #樓南光 #錢小豪 #柯煒林
茅山鬼王 在 【茅山鬼王】1086 的美食出口停車場
【茅山鬼王】1086 ... 手执罗盘判阴阳，一把法剑定乾坤。让你体会一路斩妖除魔的快感人生。葛羽，三岁修道，少年大成 ... ... <看更多>