有個住喺屯門碼頭嗰邊嘅朋友搵我食tea，食完後大家望住個海傾咗陣，原來佢想搬出屯門，唔係啩，我已經好少朋友住大西北，咁都要離我而去？
佢之所以想搬，係因為租住單位隔離個鄰居好冇公德心，成日大大聲開電視同埋開disco音樂炸機，啲拖鞋仲要擺埋過去佢單位門口......係幾disturb嘅，換轉係我都接受唔到，當然可以開聲嘈啦，但要嘈就好無癮。
我個情況剛剛相反，最近好想問業主賣唔賣樓？因為而家住緊嗰度實在太舒服喇，鄰居都好有品。
坦白講，置業呢啲嘢唔係有錢大晒，你間屋靚一靚都好，如果一啲外在配套同埋客觀環境唔ok，其實足以令你好苦惱，我都遇過奇怪鄰居㗎！未搬入屯門之前，我住過鑽石山，當時嗰位阿叔鄰居真係世界級，有次撳門鐘問我有冇嬲？
我：「嬲？」
「係呀，你有冇嬲呀？」
我：「無端端嬲咩呀？」
「今晚曼聯對利物浦，我屋企冇裝嬲呀，你有冇嬲呀？」
我load咗兩秒......哦，阿叔應該係講緊某個電視台名，好多英超直播嗰個呢，所以就有曼聯對利物浦睇喇，其實呢，我有嬲呀！但唔會想放個阿叔入我屋企睇囉！
阿叔鄰居仲有好多經典嘢，夏天佢會赤裸上身，淨係著住條三角褲出門口倒垃圾，但我哋嗰層個垃圾房並唔近，有條麻甩佬齋著底褲喺走廊快速行走喎，好嘔心㗎嘛大佬！有次出門口又撞正佢著住條底褲倒垃圾，阿叔仲望住我笑笑口問：「出街呀？」
呀！！！！！可唔可以唔好咁呀！聽講同一層有賓賓姐姐都見過，人哋仲嚇到尖叫🤦🏻♂️
呢位阿叔三日唔埋兩日就叫朋友上嚟打麻雀，嘈到拆天，跑馬日就係咁嗌：「上！上！上！上！上！」成層樓都聽到，當然仲夾雜好多輸馬時嘅粗言穢語啦，作為佢鄰居的確好困擾，所以我而家住嗰度真係好好多，而朋友因為鄰居問題想搬走，我亦都完全理解，係有啲唔捨得啫。
同朋友喺屯門碼頭望住個海，充滿離愁別緒，佢話覺得自己好似中華白海豚，因為彼此之間有一個共通點，就係喺唔情願之下「被迫遷」。
我：「中華白海豚慘好多，記唔記得我哋成班friend曾經join團去睇？聽講而家好難睇到喇，香港近年嗰啲大規模工程好似港珠澳大橋同埋第三條機場跑道，令海豚嘅生態環境遭受大規模破壞，佢哋要搬去更遠嘅地方先至生存到。」
「咁又係，我哋隔條屯門公路其實好碎料，唔知幾時可以再睇中華白海豚呢？」
想睇可以即刻睇，合照都仲得，因為Yahoo AR有個主題係野生動物，當中包括中華白海豚，不過呢個 Filter有個更深層嘅意義，就係希望大家用第一身角度感受瀕危動物嘅困境，並且盡力保護佢哋嘅生態環境。試諗下，我哋搬之前可以做好準備，但係中華白海豚唔可以，安樂窩一直被侵佔同破壞，肯定會傍偟無助。
一齊用呢個海豚AR打返張卡以示支持啦！感受下「當這地球沒有牠」會變成點樣：
https://hk.news.yahoo.com/immersive/endangered-dolphins.html
#中華白海豚 #yahoo #yahooAR #當這地球沒有牠 #野生動物 #搬屋 #保育
英超直播 利物浦 在 『英超賽事直播⚽️』托特納姆熱刺vs布倫特福德利物浦vs阿斯 ... 的美食出口停車場
『英超賽事直播⚽️』托特納姆熱刺vs布倫特福德 利物浦 vs阿斯頓維拉#英格蘭足球超級聯賽⚽#英超#足球預測#足球分析# 英超直播 ＃足球直播. ... <看更多>