【其實梁朝偉先係主角】
＊＊＊＊＊＊＊＊🚨不含劇透🚨＊＊＊＊＊＊＊＊
有一日諗緊睇咩戲好 我話我想睇尚氣
然後我得到『吓………..？!』嘅反應
我話『我想睇梁朝偉』
我睇片睇訪問 睇到其他人講
我覺得梁朝偉好吸引 好想睇下
之後我就說服成功 我哋去咗睇
(但我知佢心入面麻麻地想 如果唔係marvel 佢一定唔睇)
睇完佢都話好睇
我想講…梁朝偉雖然睇落係老咗
但好似仲靚仔咗
尤其全劇都冇其他靚仔 一拍落去
嘩….所有人都係用嚟襯托梁朝偉
無論係演技定係樣貌 定係角色故事推進
佢就咁坐係到發呆 都已經有好戲
佢對眼望住個仔 又愛又恨嘅表情
同埋呢個角色 真係一個好好嘅角色
完全唔覺得佢係衰人
我反而覺得尚氣先係衰人
(係…sorry 我太主觀 同偏心)
唔講得咁多
再講落去就劇透
《文武 與十環幫傳奇》真心好睇
你睇完成個故事就知
文武先係主角 成套戲都係講佢內心變化 心路歷程
尚氣似男版黑寡婦 但...呢套戲好睇過黑寡婦好好好好多
我覺得佢係亞洲元素 多過只係中國元素
而且佢唔係老土個種style 有d似Dr.Strange個種
唯一挑剔嘅位係 太多國語 睇marvel我其實想聽返英文多d
我覺得少少交代佢哋文化 講下另一種語言係ok
但真係太多 等閒就講兩句
魔戒都唔會半套戲講精靈話啦
我哋就話識聽 外國人咪睇得好辛苦？
p.s.導演專登邀請梁朝偉做文武 真係救返成套戲
p.s.4 我諗有一半人都因為佢 先會入場睇(包括外國人)
p.s.5 有人批評呢套戲 我自己覺得好睇
有新鮮感 但仍然有mavel特色 佢哋可能因為偏見而覺得唔好睇
Marvel獨立英雄電影(唔計Avengers)嚟講
我嘅排位會係中上 一定唔係差 更比中間更好
仲有一樣我好鍾意嘅野令套戲加分好多
好想講...但一講就劇透
要睇嘅快d去睇啦！
-----------------------------------------
#文武與十環幫傳奇
#尚氣 #文武 #十環幫 #Marvel #梁朝偉 #影帝 #滿大人 #ShangChi
#TheLegendOfTheTenRings #Wenwu #Mandarin #徐文武 #TonyLeung
精靈語魔戒 在 [閒聊]魔戒：咕嚕有精靈語配音版需要加錢引發不滿- 看板C_Chat 的美食出口停車場