［今日寫呢啲］又到月頭呀下，照計月頭訂就最抵。
＝＝＝＝＝＝＝＝＝＝＝＝＝＝
月頭訂最抵！2021比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100，已經1700人訂！ 畀年費仲有85折
＝＝＝＝＝＝＝＝＝＝＝＝＝＝
先跟進下Facebook同ig都有講，星期五晚嘅美國非農職位數據。平時呢啲悶到九彩，「但我寫咪有趣啲」「但又唔會係亂講」。今次真係都多人關心。之前都唔記得講，但早前出嘅ADP「小非農」相當勁，再之前「首次申領失業救濟人數」又低過預期，仲係疫後最低。咁大約都估到個非農職位數據會幾勁。結果當然真係好勁，上個月55萬，經濟師預72萬，結果去到85萬。
但，應該知道個關係唔係咁單方，唔係經濟好股市就升咁簡單。睇我啲文稍為耐啲都知，炒預期嘛。你舊年7月出個勁數就幫到股市，而家就唔係咁嘅事。大約睇下新聞都知，個個驚加息驚通脹驚縮表驚債息升嘛。所以往住出好嘅經濟數股市先驚，差嘅數反而好，唔會加息唔會縮表繼續打牌。
咁但又，點解今次出好嘅數，債息反而大跌，美股仲越升越有？標普指數7連升 ，創增新高喎。點解？就Patreon有講。提示：留意下失業率？同埋，人工增長？
大師冇點你嘅，名都貼晒出嚟啦，冇乜好講。我幾奇怪有人話我你300篇文是但一篇remark提過又當自己中。咁呢堆嘢，你問舊讀者，我列咗幾耐？根本係去到一個讀者媽我叫我唔好成日貼嘅地步。況且，我自己都買埋，仲有假？seeing is believing，如果我用呢啲技倆，最多咪昆到讀者一個月。月尾一定個個唔睇啦。但事實呢？
隻Nvidia次次畀人話我唔識tech添。但又如何？我識買就得。砌機佬變晒股神未？同樣地，我夠唔識Microsoft，但我已經賺咗三倍。你咪繼續笑我連Window都唔識裝咯。我就成個core list公開的，係呀，有啲輸到仆街，但又如何？我贏一隻三倍篘，夠我輸好多隻。
好啦，自吹自擂完，站在巨人肩膊上，其實最好我寫少啲，引其他人嘅嘢多啲仲好，等你鬧垃圾我就叫你send 去 Economist 投訴（舉例）。
每日一圖嘅，兩個都係美股，簡單嘢，歷史數據。美股舊年3月尾見底，而家差不多一年半。仲有冇得玩？今年上半年升咗14%，遠超過歷史平均。咁到底會係momentum 繼續升，定貴咗會升得冇咁多？當然冇水晶球，但歷史上嘅情況就睇得到。至少可以幫你排除某啲想法，有啲你以為好少發生嘅嘢，其實成日發生。
第二個圖一樣，之前提過，美股由舊年10月到而家大半年，都冇一次5%嘅調整，你等等等嘅真係唔知錯失幾多嘢，等到之後再調，都仲貴過你最初買好多。如果計10%回調，更加係舊年3月大屠殺後未見過。咁但係，似乎好快了。咁你話，扯，同你上面講嘅嘢矛盾？未必，文入面會解。
Good read兩篇都長長地，兩篇都正。首先講KOL泡沫，好多人都覺得KOL太多，好煩厭，呢樣嘢係咪玩到爛？外國更加係要監管（收錢或免費贈品出post要講明）。但，作者就話超錯，入面好詳細咁講原因。其中一個原因係：KOL將傳統行銷同廣告入面，兩味唔關事嘅嘢，可以扯埋一齊：就係傳統嘅廣告，同埋口碑 word of mouth．你以前靠師奶口碑，但佢冇可能一次話畀幾萬人知。
第二篇，講點解Dating app嘅演算法咁廢。咩係唔廢？例如Netflix或Youtube甚至網購啲猜你喜歡，你覺得點中你中事，咪好。廢嘅演算法係點？你介紹呢件橫頭磡細Mark，OMG，我見到作嘔，你個大數據做乜以為我咁冇品味？ 咁到底推薦電影短片購網，同推介一條仔/一條女有乜唔同？文入面有講。但提示係：Garbage in garbage out，你鍾意Double May嘅，敢唔敢直接填？仲有，你應該都見過，有啲人開一大堆擇偶條件，然後同一件完全冇一樣符合嘅人一齊。當然仲有，人係好複雜嘅嘢，我今次鍾意呢個5尺8 雙眼皮 金毛讀港大34歲嘅嘅，下次你推同一個畀我，可能我就覺得見到佢就想打。
＝＝＝＝＝＝＝＝＝＝＝＝＝＝
月頭訂最抵！2021比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100，已經1700人訂！ 畀年費仲有85折
＝＝＝＝＝＝＝＝＝＝＝＝＝＝
