人哋交畀我就多，今次終於都到我講呢句：交畀你喇！下星期我就會交畀駐外記者梁彥宗 Chris Leung，講下佢點去旅行！
伍家謙，#交畀你講旅遊喇。
旅遊嘅嘢，我當然冇講得好似體育咁多啦。但係旅遊節目拍過、出外工作嘅次數亦都唔少、加上自己都鍾意去旅行，都有啲趣事可以同大家分享下嘅。
講真，做得香港人嘅，會有幾多假期吖，想去得遠啲，多嘅一年一次，少就一年都冇一次。得嗰短短幾日假（點樣攞兩日串埋啲公眾假期變成六日你哋識㗎喇可？），又想行開下，當然就揀亞洲國家啦；亞洲嚟講，識十個人，九個都係首選日本。點解？都係嗰啲舒服呀、多嘢玩呀、乾淨呀、啲嘢啱食呀之類啦。
日本我都鍾意去，因為唔同城市唔同季節有唔同嘅嘢玩吖嘛；就制同一個城市，好似北海道咁，冬天玩雪、夏天賞花，唔同時間去就有唔同嘅嘢睇，去多幾次都仲覺得係新鮮嘅。
去日本，好多朋友都鍾意自駕遊。揸車，市中心嗰啲旺區就真係唔建議，塞到飛起，仲耐過行路；但係遠離城市嘅地方，自駕遊又真係會令你睇多好多嘢，起碼唔駛成日掛住就班次，想去邊就去邊，時間彈性大好多。
好多人自駕遊，都會揀全程行Toll（收費高速公路），高速又快又方便，一條大直路吖嘛；但我建議如果大家有時間嘅話，不妨試下搵其中一段唔行Toll，行下「下路」。國道同國道之間啲細城鎮，有時會帶到啲驚喜畀你，呢啲嘢係喺旅遊書入面未必搵到嘅；我就試過盲打亂撞咁搵到一間得六個座位嘅餐廳，喺入面食度我認為至今食過最好味嘅炸豬扒飯 - 就因為我行錯路入咗呢個鎮仔度。旅行，就係想自己發掘啲新嘢，唔係人話去邊就去邊吖嘛；不過呢，如果去落雪地方嘅話呢，就行番Toll安全啲，始終收費高速嗰啲路比較好行。
講開雪，自己第一次去滑雪就係喺日本。當時包到自己成隻粽咁，雪䄛裏面仲著多四、五件厚衫，點知就瀨晒嘢，熱到飛起。滑雪嘅運動量大，會不停流汗，所以其實一件嗰啲貼身保暖打底衫加件滑雪䄛就夠㗎喇；日本絕大部份嘅室內地方都有暖氣，所以我通常都係「內輕外重」，裏面著輕便啲，出面就加件厚衫，入到室內除咗件外套就啱啱好；試過著羊毛褲再加幾件衫，一入到間餐廳就出晒汗，搞到要即刻入厠所除咗佢。
呢啲就係我自己嘅少少經驗分享喇。講日本，你哋仲熟過我啦，嗰啲去百貨公司要首先去客戶服務部攞Coupon、或者用幾百Yen買本佢哋嘅書仔裏面會有即刻可以用嘅折扣優惠等等，大家都知㗎喇；再講啲出發前嘅嘢喇，大家都知上網Book酒店會抵啲，而家去 agoda 配合 DBS 信用卡 就有得再抵啲喇！即日至5月31日期間，記住用DBS Mastercard去Agoda指定網頁 book 酒店，有以下優惠：
1) 將DBS Mastercard儲存喺Agoda手機App內訂酒店，即享8% 折扣，優惠券可晌以下網址 https://goo.gl/PbkQlS 下載，每張優惠券只限使用一次。
2) 透過指定網頁 https://goo.gl/V55I35 累積簽賬滿HK$3,000或以上，可獲HK$500 Agoda禮品卡。禮品卡數量有限，送完即止！
仲有，呢段時間入面用DBS Mastercard於DBS Omni登記並晌Agoda及其他指定消費商戶簽賬，累積最高簽賬額嘅頭200名持卡人仲有HK$1,000現金回贈添！唔講咁多喇，詳情自己上 https://go.dbs.com/2jnUmGm 睇啦！
#賞看世界 #DBSCreditCard DBS Black Card (HK) Mastercard
（駐港記者︰伍家謙）
日本高速公路收費app 在 日本高速公路人工通收費通道，不走ETC通道的繳費收費方式與 ... 的美食出口停車場
Tabirai 日本 租車比價網站、 日本 自駕新手必讀之行前規畫! https://boo2k.com/archives/23222 日本 自助加油， 日本 自駕加油步驟 ... ... <看更多>