金沙龍蝦球拌泰式紅咖喱煎米粉
當你自己喜歡煮又享受煮嘅過程，的確係可以帶出好多新煮意！其實你以為出面街外嘅餸菜都係千篇一律嘅時候，味蕾係會話你知，利用不同嘅材料配搭，還可以塑造更多層次豐富嘅味道！你未食過？唔代表煮唔到嘅！😎
就好似我今次同大家分享嘅菜式一樣，內裡有泰式咖喱同鹹蛋黃蝦球呢兩種味道原素❤️兩種都係我既愛且恨嘅高卡路里菜式😅
而呢隻朋友推介嘅急凍龍蝦🦞係來自洪都拉斯(加勒比海)嘅大龍蝦尾👍🏻肉質既鮮甜又爽口彈牙，同本地嘅游水青龍，真係不相伯仲😎
😍我利用鹹蛋黃的咸香及龍蝦🦞的咸鮮，拼入去酸辣惹味的泰式咖喱之中，再加上一個煎至金黃香脆嘅米粉餅⋯⋯嘩😍😍果種一口咬落去的口感、層次豐富嘅味道，真係可以引爆你口裡所有味蕾🤣🤣🤣🤣保証你連汁都撈埋😋我估你哋淨係睇住我寫嘅文字，都應該會呑緊口水🤤
材料
。急凍大龍蝦尾1條
。泰式紅咖喱醬1包50g
。洋蔥🧅半個，切小塊
。唐芹，小半棵，切碎
。車厘茄 ，10數粒，切細開二
。雞蛋🥚2隻
。蒸熟鹹蛋黃，2隻
。新竹米粉，1至2個，看個人食量🤣
。金不換，約10片
。青檸檬，1個
。椰漿，約200ml
為方便大家，我將分開各個處理步驟，最後順序合併即可！
做法1(龍蝦🦞起肉)
。龍蝦尾入膠袋，隔袋啤水解凍！(約45分鐘)
。凍洗一下後，用廚剪打直剪開頂殼，即可抽出肉身！
。肉身切成適當大小，加點胡椒粉及鹽作底味，略醃10分鐘
。蝦殼剪成小塊，放入焗爐以高溫燒至微焦備用！
做法2(煎米粉)
。放500ml凍水加入烤過嘅龍蝦殼煮滾，約10分鐘後，取出蝦殼，放入米粉煮散煮熟，取出放涼！
。煮完米粉嘅蝦殼水留起約一飯碗(200ml)
。燒熱油鑊，放入煮熟的米粉，鋪成圓形⭕️，慢火先煎至單面金黃色，再翻轉另一邊再煎！又或用氣炸鍋，噴油後用160度直接氣炸15分鐘至單面金黃色，再翻轉另一面以同樣方法多炸10分鐘！
。完成後切開你想要的形狀，放在廚房紙上吸油備用！
做法3(泰式咖喱)
。燒熱油，先煎龍蝦肉至兩面上色，灒少許米酒，上蓋焗約1分鐘，盛起龍蝦備用
。原鑊再加點油，落洋蔥🧅炒至軟身，轉小火，加入車厘茄及泰式咖喱醬(原包裝就係50g)
。炒香、炒散咖喱醬後，加入留起的蝦殼水煮開、煮滾後，加入椰漿煮滾！
。最後，打發兩隻雞蛋🥚加入咖喱中，快攪成蛋花，即下熄火，並灑上唐芹粒及金不換碎即可上碟！
做法 4(金沙龍蝦)
。咸蛋2隻蒸熟，取出蛋黃壓碎備用！
。燒熱油鑊，倒入蛋黃推散後，已煎至八成熟龍蝦回鑊，全部被鹹蛋黃蓉包住炒勻即可！
做法5(食得😍)
。將金沙龍蝦🦞球鋪在咖喱汁上，加入煎米粉餅，並灑上青檸檬汁提鮮即可享用👍🏻
急凍龍蝦🦞選購網址👇🏻
https://www.fruitfulhouse.net/
選購時候記得輸入優惠碼: LITTLEBKIT
即享95折優惠😘
#小b廚房
#little_b_kitchen
#豐衣足食fruitfulhouse
#fruitfulhouse_foodhk
#急凍龍蝦🦞
新竹米粉卡路里 在 Katrinauntie - 【推介】台灣新竹米粉，近期最愛。 出文推介 的美食出口停車場
【推介】台灣新竹米粉，近期最愛。 出文推介，一嚟佢平，喺759 阿信屋買一大包只係廿幾蚊，十幾個米粉足足食咗接近一個月。 二嚟就係佢相對健康。唔好睇少包湯粉， ... ... <看更多>