【 JARvelogue・自動售賣機打橫入／打直入硬幣的分別？】
上次講過自動售賣機嘅「售罄」後仲有貨嘅設計（miss咗嘅可以睇返呢度➡️ https://www.facebook.com/343078569084131/posts/2932376216821007/ ），今次繼續講下同自動售賣機嘅冷知識NO.2。
唔知大家平時有冇發現自動售賣機入硬幣嘅位，有時係打橫入、有時係打直入呢？俾少少時間大家回想下，3、2、1！係咪覺得兩樣都好似有呢？其實日本自動售賣機嘅入硬幣位，的確有分打橫入同打直入兩款，到底點解會有兩款唔同設計呢？
俾大家諗吓先。。。。。。。。。。。。。。
答案！係同自動售賣機內置嘅「真假硬幣識別器」有關㗎！為咗防止有人用假硬幣買嘢，每部自動售賣機都會安裝一部識別硬幣嘅裝置，而「打橫入自動售賣機」內置嘅識別機比較細部，可以令售賣機本身嘅闊度減少，方便放喺路邊、街角或者比較窄嘅地方。所以所有飲品自動售賣機都會採取打橫入方式，唔使佔據路面太多位。結論就係：「飲品自動售賣機嘅入錢位都係打橫多。」
既然打橫入可以慳啲位，點解仲要整打直入既自動售賣機呢？
針無兩頭利，內置識別器細部啲雖然慳位啲，但係缺點係識別真假硬幣時間會較長。如果遇著分秒必爭嘅情況就會阻大家買嘢既時間喇！幾時要分秒必爭呢？就係「買火車飛」嘅時間喇！所以有時大家會發現火車站嘅售票機會係「打直入自動售賣機」。因為喺呢個情況時間比空間重要，打直入可以令硬幣快啲落到去識別機裡面，從而減少唔少時間，等大家唔使排咁耐隊嘛！之不過近年科技越嚟越成熟，「打橫入自動售賣機」嘅識別時間都快咗，所以你可能會發現有啲車站售票機都唔係打直入嘅～
第時買嘢飲、或者買車票嘅時候，都不妨留意一下部自動售賣機喇~下次再有其他有趣冷知識嘅話再同大家分享過 😎😎
#JARvelogue
#繼續無自動售賣機嘅相
#今次唔搵郵筒幫手喇
#話晒講咗火車售票機
#搵張搭火車嘅相都啱啱哋
#我好鍾意呢張相
#話時話如果將呢個冷知識分享當係定期單元咁出po好唔好
搵張搭火車嘅相都啱啱哋 在 MTR - Posts - Facebook 的美食出口停車場
佢載歌載舞 都係想同大家分享一吓我哋嘅友善設施～無論男女老幼或有特別需要嘅 ... 吓新列車同市區綫第一代列車嘅櫈櫈有咩分別啦 (唔好問小編點解要講疊字，啱啱睇 ... ... <看更多>