《執笠清倉！！但求清貨！！》
唔係標題黨，唔係無限期執笠，今次認真！！
《老婆最後的十二個難題》以及《弊傢伙，我女朋友有咗》呢兩本書都係我自資出嘅書，反正呢個時勢，都唔會有出版社搵我呢個作者出書，而當時都仲有閒錢，咪自己出，賣唔到就當為興趣啦。
主要成本都係印刷費，其實都唔多，大約每本書2萬左右，早排我睇返網上銷售數字，我唔講實數，認真覺得不堪入目，總之就係有大量既書存係倉入面。
倉租係錢，每個月大約可以比我食多一兩餐好西，我轉食譚仔都可以afford到，但問題係，倉既朋友講左一句：「上年無書展你要存姐，今年書展你應該都可以賣到一批，倉租咪會少左囉。」
當時我滴住汗咁答：「係啦，書展會去咁d既。」
但我其實心裡面真係無數，錢事少，面子事大，所以我決定背水一戰喇，亦真係唔想再比倉租，今次書展賣唔去，我就銷毀絕大部份既書，只留返每本一百係度，送比相熟朋友。
我鄭重宣佈，今次書展，賣唔去既書，我完書展後直播送去垃圾站！
我知係好唔環保，所以，我都唔想再出實體書喇，以後一律出電子版算數！！！！
今次書展，我無經出版社出，但有幸得到洄水文化收留！！！
我要借個機會感謝 藍橘子，莎比亞，張晨，孔明，佢地真係照顧左我唔少，而且呢次我寄賣，佢地只係叫我Share返運費同人工，連場地錢都無計我……我知道，在心中！
希望大家有去書展，可以有機會去佢地攤位支持下呢幾位幫左我咁多既作者，講真，無佢地真係無今日既我！
洄水文化攤位位於：1A-E10
稍後我會上載地圖比大家知點行，但應該都唔難搵既。
今次書展，為左保障返之前預購既讀者，所以今次書展新書《老婆最後的十二個難題》，將會齊頭賣100蚊（之前預購係98蚊，其實係唔想職員找續太麻煩）
而《弊傢伙，我女朋友有咗》因為係上年既書，亦有大量存貨，我真係唔想再見到佢！所以折扣會大好多！！！
14／7－15／7－－－－－60蚊！！
16／7－17／7－－－－－50蚊！！
18／7－－－－－－－30蚊！！
19／7－－－－－－－10蚊！！
20／7－－－－－－－見到你就拎走啦，我唔想送去堆填區！！！
而《老婆最後的十二個難題》我都會簽名係度《弊傢伙》我會簽定一批，但後面個批我就唔簽喇，你見到我就叫我幫你簽啦！
想我即場簽既朋友，請先行pm預約，我應該會星期六、日，同平日晚上不定期出現。pm預約，我應該會星期六、日，同平日晚上不定期出現。
再重申，出書真係好開心，但見到存書真係好唔開心，希望各位珍惜呢幾本實體書，之後無乜特別都唔會有機會出新書（例如我發左達）
會展見！
我要借 錢 在 我要借錢分享社團 - Facebook 的美食出口停車場
賀❗ 網站在『借錢』關鍵字排名已到達第一頁 為了回饋與長期支持我們的放款業者決定【e7借錢網】仍不收費繼續免費註冊刊登因註冊有審核機制,目前每個地區釋出10個金主 ... ... <看更多>