#孕媽日記 #懷孕媽媽分享 #交流
#同期懷孕媽媽加油
呢一胎真係好快就過❤️ 11月就生啦，仲有3個幾月，我都記錄吓呢胎做過乜先，知道自己有咗之後，可以喺柚寶寶呢啲國產app計吓自己幾週，唔洗太早去照超聲波，好似我咁5週太早照唔到都係嘥錢🤣 因為我遲咗排卵，所以週數同LMP計岀黎係遲一週，之後等到7,8週就去私家再照超聲波，私家醫生會寫張懷孕證明俾你方便排健康院、交俾公司等等⋯⋯記得copy 1-2張旁下身。
我一有咗就去咗排健康院，記得拎自己身分證、老公身分證副本、住址證明同懷孕證明，佢俾咗兩個期我，一個係12週去公立醫院做唐氏檢查，另一個係15週去健康院做第一次檢查。
不過其實因為我排卵期遲左一週，我去到做唐氏bb大概係11週左右，姑娘話佢size岩岩好，所以都check 到頸皮，然後係抽血，就走得,醫院話有問題先會打電話，無即係BB正常。
咁喺做完唐氏過幾日我就去私家（婦健）做$4400 nifty pro，我一早book左，都幾多人等，去到照超聲波加抽血，報告5至7日就有，都係check 染色體嗰啲，亦都會知男定女。
無幾耐就收到報告，原來係弟弟黎嘅，報告email過黎都一切正常。
喺健康院檢查前一星期我都有去私家做產檢，大概係每個月一次。到咗15週去健康院檢查，check 體重、血壓、高度，要自備尿液check 血糖嗰啲，同埋第一次檢查要抽血 要記得食早餐。關於抽血，我有同姑娘講本身我係有隱性地中海貧血，所以姑娘都要求老公搵日去抽血驗，結果老公係正常，因為如果兩公婆有地貧基因生嘅小朋友會有機會有嚴重地貧，所以一定要做檢查，我哋婚前都做過檢查，所以一早就知老公無呢個問題，只係太耐搵唔返報告所以姑娘要求要抽多次做record .
平均都係一個月一次私家檢查加健康院檢查無乜特別，去到我21週做結構，醫生話確定係男仔，認真照各器官同埋身體結構pass咗，醫生點照，bb都係遮住個樣🤣仲未睇到弟弟個樣呀！
好快接住就係飲糖水，驗妊娠糖尿，姑娘就安排咗我24週4飲，過程要3小時，前一晚12點後禁食，水只可以飲好少好少，不過就唔洗留小便，喺飲糖水前抽一次血，然後飲糖水，我好快就飲完覺得都唔係特別難飲嘅，朋友教路飲完糖水不停行下可以有助降低血糖指數，然後兩小時後再抽血，結果無特別唔會打俾你，報告會喺下次產檢姑娘會俾你睇嘅！我係pass咗嘅！
然後就係9月1日打百日咳針，再續⋯⋯
PS:終於見到佢側面啦，宜家好大力踢我😂
#baby #maternity #motherhood #momlife #pregnancy #newborn # #hkkol #hkblogger #生產 #親子blogger #孕媽媽 #懷孕 #孕婦 #pregnant #mom #parenting #newmom #母乳媽媽 #love #babyshower #mother #breastfeeding #孕照
懷孕媽媽分享 在 懷孕初期症狀大不同？！孕媽咪懷孕初期好物推薦～媽媽們必看 ... 的美食出口停車場
宓宓花園開張囉！每週二和週五晚上20:00撥出，請大家訂閱頻道並開啟小鈴鐺，才不會錯過最新訊息喔❤️我的最新EP有三首新歌，請大家多多 分享 新娘 ... ... <看更多>