上次被差人搜身，佢見到我個袋裡面有幾包藥，然後好似發現寶物咁款，問我嗰啲係乜藥。你查就查啦，但係做乜個語氣要咁興奮，以為搵到啲嘢可以叉輪住人哋咁。
我好順口咁答 paracetamol, loperamide, ibuprofen, acetazolamide，可能我好似唸經咁講晒出嚟，個差人嘅表情顯得好迷茫，但又唔好意思問落去。
呀～～～～～
呢啲其實只係居家旅行常見藥（注），我唔係專登講藥丸嘅英文名，但啲中文名真係好難記——对乙酰氨基酚、洛哌丁胺、布洛芬、乙酰唑胺。
呀～～～～～
注：最後嗰隻係高山藥 acetazolamide，有時會用牌子名，即 diamox 或海拔適之類，雖然屬於 P1S1S3，即係第一類毒藥附表三嘅藥物，但我嗰幾粒高山藥，本身係由香港衛生署開藥，而我亦有親自去過胡忠大廈嘅旅遊健康中心睇過，完全符合法例要求。
至於 ibuprofen，係屬於 P1 藥，去任何有藥劑師嘅藥房都可以買（即係有紅色十字標誌嗰啲藥房）。
同埋提醒各位，而家無差別濫捕時有發生，香港公安隨便話一句，懷疑你管有毒藥，都可以拉你。雖然最終未必告你，但會好阻時間，所以如果真係要帶藥出街，最好係連同原包裝。如果係散裝藥，最好連埋開藥個袋，有你個名，有藥名，有診所名字等等。對於 P1 類嘅藥物，你係可以完全合法地自己購買自己擁有，但因為 P stands for poison，有時啲公安真係會看圖識字咁去拉人，所以如果管有 P1 藥物，有收據嘅話，最好都保留收據。無收據嘅話，咁佢可以捉咗你番差館，但都無法落案嘅，阻時間囉。對於 P1S1S3 類別嘅藥物，例如啲血壓有關嘅藥，即使攞出街，都最好要帶有醫生紙（或副本）。
布洛芬香港藥房 在 東興大藥房- 有幾多人識一啲外國好好嘅藥撲熱息痛加布洛芬 的美食出口停車場
有幾多人識一啲外國好好嘅藥撲熱息痛加布洛芬，大廠出品係香港就無必必痛甘出名不過對藥物有一定知識嘅一定知道係好嘢3月4號下午到貨運輸都人手短缺. ... <看更多>