《玩轉南越好味道》
.
平時比較少食越南野，今日經朋友介紹去試下旺角有間創意南越菜。餐廳客人比較多，好彩提早book 位就唔駛等。餐廳裝修主調係綠色同木色，好Nature的感覺。
.
🔹南越蛋咖啡、荔枝雲朵咖啡🔹
越南既咖啡咁出名，一黎即刻試左先啦！南越蛋咖啡既面有一層焦糖，近近地聞下，除左有甜味，仲有一陣陣蛋香味。店員叫我地唔好攪拌直接入口，係香濃既咖啡同埋焦糖布丁既味道。兩者搭配起非常完美，令咖啡不再單調。荔枝雲朵咖啡亦玩味十足，泡泡、咖啡同荔枝梳打型成三層唔同既顏色，唔攪拌飲落好有層次感，荔枝梳打既甜味中和左咖啡既苦澀。
.
🔹扎肉心內美米紙卷🔹
米紙卷餡料有扎肉及青瓜生菜等，食落去會好fresh, 蘸少少有碎花生粒既醬汁，十分開胃。
.
🔹脆米紙薄餅🔹
烤好既薄脆米紙配沙律醬同越南腸仔，再搭啲醃製過既酸蘿蔔絲青瓜絲，食落去又香脆又開胃。
.
🔹五香腩伴鍋巴🔹
香脆既鍋巴、滷得入味既五花腩、開胃既酸菜，完美展現出脆軟合一既味道，非常惹味。
.
🔹辣嫲嫲招牌金邊粉🔹
金邊粉每條都索晒牛肉濃湯，每一啖麵都吸收左湯既精華，牛面珠肉同牛尾肉非常嫩滑，牛肉味濃，牛丸彈牙，仲有牛筋、肥牛片同油條，六款配料非常豐富！
.
整體黎講，餐廳環境同食物品質都十分出色，每樣都好有創意。
.
📍南越南咖啡廳 (旺角)
旺角彌敦道726號1樓
.
#food #foodporn #hkblogger #foodphotography #foodie #foodstagram #hkfoodieblogger #hkfoodpic #hkfoodlover #hkfoodie #hkfoodblog #foodshare #hkfood #香港美食 #欣欣的成波之路 #旺角 #旺角美食 #mongkokfood #mongkok #foodlover #likeforlikes #likeforfollow #like4like #越南菜 #食好西
嫩滑牛肉 在 醃牛肉最有效的方法令牛肉變得嫩滑軟綿富有彈性！ - YouTube 的美食出口停車場
... 牛肉 會硬崩崩口感差, 適量小蘇打粉會令 牛肉 變得 嫩滑 軟綿富有彈性！ 材料: 牛肉 500克醃料: 小蘇打粉2克生抽1茶匙生粉10克薑汁1湯匙砂糖1/2茶匙蠔油1/2 ... ... <看更多>