*嚴禁劇透*
*粗口自行過濾*
*可瘋狂話戲屎但免人身攻擊*
[1230隔夜超短劇評][無綫][翻生武林 EP02]
[讚] 湯洛雯做豆腐西施好放喎，好似是非精上身咁。有時唔使刻意安排啲搞笑位，演員做得生鬼都已經好好睇。
幾時先有Ben哥同埋簡慕華嘅戲份睇呀？我想睇簡慕華呀…會唔會cut咗好多呢？
[彈] 承上，演員做得好，其實啲笑位唔需要太專登。不過演員做唔到，或者劇情推唔到，就只好靠設計。之不過點解啲設計唔進化吓？到今時今日都係見到靚女流瀑布口水、畀人打到變熊貓呢類用咗20幾30年嘅招數。同埋講咗好多次，橫笛直蕭呀…你要食吹蕭玩語帶相關，就打返直嚟吹啦。
Wikipeida話呢套劇由25集cut到20集，睇就睇得出佢中間cut咗啲，好多場都偷得就偷，搞到有啲接唔到氣。有個位就唔知佢係cut到搞成咁定係本身都有問題，就係無啦啦仇在心爆仇不群話佢冇當佢係嗰女嗰吓，真係令人好費解。因為一直仇在心都順佢義父嘅意，中間連一個表情都冇交代過佢覺得義父成日迫佢…… 加多少少，觀眾就明佢受委屈，到之後仇在心知道仇不群不育時，就會好啲。其實個次序都有啲亂，應該係 仇不群迫佢結婚要女婿入贅 > 仇在心反抗 > 仇在心知不育秘密，了解點解想佢結婚生仔 > 同閔大人相睇，咁好似順暢啲。
[演員表]
蕭正楠 飾 玉雲龍 / 陳凱琳 飾 仇在心 / 黃智賢 飾 仇不群 / 姜大衛 飾 任我飛 / 簡慕華 飾 玉嬌鳳 / 湯洛雯 飾 艾冰冰 / 歐瑞偉 飾 史八公 / 冼灝英 飾 夢雄方丈 / 陳榮峻 飾 張五行 / 張國強 飾 真漢子 / 雪妮 飾 小龍珠 / 王俊棠 飾 魯公公 / 趙永洪 飾 田青華 / 翟威廉 飾 閔大人
#1230隔夜超短劇評 #無綫 #TVB #翻生武林 #蕭正楠 #陳凱琳 #黃智賢 #姜大衛 #簡慕華 #歐瑞偉 #冼灝英 #陳榮峻 #張國強 #雪妮 #王俊棠 #趙永洪 #湯洛雯 #翟威廉
姜大衛女婿 在 姜大衛女婿秘密入院內幕曝光，結婚14年妻子露真面 - YouTube 的美食出口停車場
商務郵箱：[email protected]與李嘉誠相伴27年不結婚，如今分走千億財產，周凱旋真實面目瞞不住 ... ... <看更多>