[Gap down，Gap down，and move it all around] 早排寫過「犯我中華者雖遠必誅」（http://bit.ly/2WsS4gZ），加拿大鵝固然反晒肚，港女恩物A&F亦都大插。其實就唔係個別事件，亦唔止關中國事。另外一隻傷亡慘重嘅就係（扮晒）潮嘅GAP。信報嘅高天佑（寫得很好的說，我日日睇，仲叫啲小朋友一定要睇。又，高生其實係我FB朋友）都有寫（http://bit.ly/2WoCpzb 美國時裝股大災難）
GAP之前又係出業績後股價大插，今次賴嘅又係「天氣的錯」，業績解畫講咗廿次weather。喔，又會只係影響你一間公司？
呼應返高生本書「中產必須死」（我冇買，因為平時啲文我已經日日睇），其實呢啲中檔服裝品牌都係必死。我甚至覺得好多行業都係中檔必死，兩極化。
呢篇文我在飛機上寫，正式係飛機文。唔止一次寫過，我係國泰菠蘿會綠菠蘿（以前係銀菠籮，真係同行女件見到都唔同反應，time files，it’s all about seconds）。我寫過「三岔口」（http://bit.ly/2Wt90E2），閘口三條隊。最多人當然係窮撚經濟艙，但其實商務頭等或者鑽石金銀菠籮嗰條隊都唔少人（再講一次，香港人好撚有錢）．最少人就係我呢啲綠菠籮premium economy（其實係兩樣嘢，可以全無關係，但今次咁啱同樣在我身上）呢條。個艙亦都得一半滿。目測商務都七八成滿，經濟更加係塞沙甸魚。大前研一話頭，M型社會，中產消失- 多數都覺下流。
又推而廣之，餐廳都好似係咁。你見最得最好嘅都係大家樂大快活，一係就米芝蓮乜乜（雖然好多都蝕錢，但至少有得燒）。中檔嘅唔知點，Jamie都收埋皮。
甚至，可能商場都係咁。香港當然冇呢個問題，丁屎咁細。但你睇其他地方啲商場，或舖，可能都係得返兩種。一係領匯，公屋樓下嘅場，冇得輸。一係太古廣場，高檔嘢。中檔嘅，漸漸（都漸咗好耐）被網購打死了
大前研一m型社會 在 皆因大前研一式的M型社會？我拍YouTube 所獲得的收入 的美食出口停車場
時下年輕人重享受多於努力工作，皆因 大前研一 式的 M型社會 ？我拍YouTube 所獲得的收入. 26,877 views26K views. Oct 12, 2018. ... <看更多>