我真係好鍾意同鼓勵呢d網友，係飛機度睇到有趣既野就同窮生分享。呢張圖係一位讀者係飛機睇雜誌果陣見到，佢覺得同我講既野相反，影黎send俾我問我有咩睇法。
我首先講呢個篇野既背景，佢係介紹緊日本社會觀察家三浦展係2006年出版既著作－《下流社會 新社會階級的出現》，如果大家知道M型社會係因此大前研一，咁下流社會就係三浦展發明的，咩叫下流社會就唔需要我多介紹。我一睇呢12項野，我中左一半，好明顯係下流人士啦係咪？如果咁就叫下流，咁其實下流又都唔係好可怕。其實當讀者俾我睇果陣我已經隱約嗅到一陣老土咋，一陣陣舊經濟思維，係一個係經濟起飛果陣受盡紅利既人講既說話。呢d野，而家中國內地都仲係好信。
點解咁講？當中講到好多項特點，其實都係講緊對生活既追求，特別係對消費既追求，去到直頭係對自我既輕視，係講求獨特性既今天完全唔可能想像既論調。要活出自己色彩會下流，期望做自己喜歡做既事會下流，生活樸實，不喜歡出眾都會下流。當中隱含發展就是硬道理既價值，係科網當道，世界大部分財富都被毒L控制既今天睇呢篇野，就好似睇返2012末日預言一樣咁搞笑，但你唔好理，就係有人buy。
我以前有講過，香港都係buy呢種價值。人對生活有追求，有慾望就會有動力搵錢再文流。呢個係事實，我呢度係理財blog，我唔會同你講錢係冇用，冇錯！錢的確係好重要，但係我同樣會講，如果你搵錢單純係想過好d，如果你材料有限，搵一千幾百萬都夠你玩一世，如果你有料少少，搵得千零萬你就會諗，其實係咪有其他野可以做，喜歡做，應該做？
2019年既今日我地明白，多數搵到錢既人，都係做緊自己擅長既野，喜歡既野，因為我先可以做得到。佢地唔係因此想住好d食好d先造事業，而正正就係因為唔想做，嫌麻煩先有好多巨企既創業故事。我地開始明白，如果你同好多人一樣，有個“成功人士樣“咁你最後可能就係上網，賣下人生改造課程，教你點樣開多d單既教練，咁到時咩叫下流，就真係見仁見智。
十年前有個高人同過我講，做人最忌就係冇自我，冇character，做親乜都唔會諗起你。
#我並唔係否定哂呢12項指標 #我只係提大家 #一天都係飛機 #一街都係電話 #做人update少少
