關於 只會話嫌貴唔會嫌唔好聲 ，我們在網路上蒐集到這些相關的討論、資訊與評價

《讀者投稿》長篇

由同居、結婚、生bb，一直惡化，有時我會懷疑佢係咪咁憎我？
但我自問我一直都對佢好好，我好聽佢話，我從來都係密密做唔會出聲。但慢慢 真係好難頂！🤦🏽‍♀️

利申：我老公幫我出左好多次聲，但99係雙面人，同埋最叻惡人先告狀，仲要勸幾多次都無用！因為講極都無用，又無咩地方發洩，所以揀左投稿！

1. 我一星期煮3-4次飯，佢嫌我用佢啲煤氣搞到煤氣費貴左$200（有俾家用）

2. 嚴重衛生問題
- 一條廚房布 抹地板、垃圾桶、枱、爐
- 將煙頭、垃圾塞落任何渠位，煙灰彈晒係洗手盤唔會洗
- 沖涼毛巾全家共用，我自己買過條用，佢私自攞左去用
- 洗碗唔用洗潔精，我用洗潔精會話我嘥野
- 啲碗未乾就放入櫃，一係就用晒一卷廚房紙黎抹乾

3. 會係朋友面前當面數我，話我淨係識煮飯唔識做家務。
而佢覺得我唔識做家務就係因為我洗碗會用洗潔精、我吸塵拖地唔係日日做、放工返去洗唔切衫

4. 講野語無倫次 成日失憶，結婚前教個仔第時點包二奶，結完婚叫我要俾心機養佢個仔。成日話我一定係貪佢個仔靚仔先嫁俾佢，但轉個頭又話唔明點解佢個仔咁窮我都會嫁

5. 成日話我地好多野所以要我地搬走，但我地兩公婆只係佔用我地自己間房，我成日直頭覺得我係住緊劏房！我話要租屋又唔俾，最後逼我地買樓，話資助我地但到買完又反口！當初我地話想齋註冊，佢話佢想我地擺酒，最多佢俾錢，到book晒野又反口！佢話佢負責過大禮，最後就到先反口叫我自己搞！佢話因為佢買左好多金器俾我，最後當然唔係啦！

6. 成日掉我啲野，我成日唔見左野，問佢佢一定答
- 你㗎咩？你做咩唔寫名？
- 發晒霉咪掉囉！（明明唔會發霉）
- 你買過個未得囉！唔掉都掉左！

7. 我有左bb後，開始要買定野執走佬袋，佢唔俾我買，原因係佢唔想我擺啲野係佢個廳。生完我返娘家坐月，無關心我都預左，每次視像都一定無句好聽。
- bb黃疸未退：嘩咁黑咁樣衰嘅，似晒你一個餅印（我成日曬所以不嬲都皮膚黑）
- 胎毒未清起左啲粒粒：嘩啲皮膚真係差，一定係個老母食垃圾搞到佢咁啦
- 經常攞我個bb同佢另一個孫比較
- 我bb好少扭計：你執到啦，個b咁乖 珍惜下啦你

8. 坐完月返去住，日日都有野煩
- bb訓覺又唔俾，係要整醒佢！話訓咁多夜晚唔使訓呀？痴線！初生bb係要狂訓教㗎囉！
- bb自己係床玩，我食飯。佢對住bb講：你阿媽咁衰唔要你呀？真係衰啦你阿媽！唔緊要 我知你想嫲嫲抱你㗎啦！我抱你啦！但到bb真係扭抱，佢又話你咁曳，我唔抱呀！
- 成日叫我唔准買野，要我儲多啲錢買樓同養佢個孫，佢教佢個仔唔使儲錢，仲叫我唔可以逼佢個仔儲錢！
- 我俾牙膠bb咬，佢又話都唔知我啲牙膠係咪好，我話有晒證書佢又話唔信
- 佢唔俾我用朋友俾嘅二手bb野，話買唔起咩？但由陀到生到幾個月後，佢一樣野都無買過俾bb
- 成日勁粗魯，大大力閂門開門執野講野，佢一係屋企，bb就訓唔到，仲成日嚇親，提左好多次都唔肯改，仲要答：咁細膽嘅？咁更加要嘈啲俾佢練下膽啦！
- 成日叫我唔好餵人奶，話我啲奶無益，又話我餵人奶盞餓死個女！但bb明明食人奶食到肥肥白白！
- 成日都好無禮貌，衝入我房睇我餵人奶，試過佢同人視像緊都想俾人睇我餵人奶，痴線㗎！有無問過我想唔想俾你地睇我餵奶呀？但我又唔想鎖門，驚有咩事叫救命都無人救我！

仲有好多..... 我有時真係會覺得好辛苦，但新屋方面又未搬得！真係好折磨！！！

＃我的極品四大長老

「健身響大多數人眼中根本就係潮流」

健身室由舊年到而家封左不下三次，每次都差唔多兩個月，每次都會聽到好多人講

「世界未日啦，封GYM我點操野呀!!」
「又無器械又無槓鈴啞鈴，我點練呀，當Deload啦!!」
「Bodyweight，阻力帶有X用咩，質量都唔同，嘥我時間!」
「無鐵唔夠重唔操啦，都進步唔到」

聽到好多唔同嘅聲音，好多唔同嘅訴求，健身室唔開返直頭好似無曬人生意義咁，照咁睇呢班人應該真係好中意操野/訓練/強身，事實真係咁咩，我真係唔覺喎....

唔好唔記得，限聚令唔係淨係封你健身室架喎，仲有其他產業呢，餐廳停夜市，你又識得去自己整野食叫外賣，K房PartyRoom酒吧停曬，你地又識去搵私竇、朋友屋企、聚會，戲院停左你地又識睇netflix，上網睇片搵娛樂，無野做又識約朋友行山遠足露營，其實你地好多計架喎，你地想做嘅野邊有野難到你地姐

但健身呢，單單封左健身室，你地就覺得世界末日無得操野，買器材返屋企你又嫌貴嫌無位擺，阻力帶又話唔夠用feel唔同，落街馬嬲架操又怕天寒地凍風涼水冷又曬又焗無冷氣(雖則鐵架都俾人封埋)，徒手健手又覺得強度唔夠(但你連動作都未做得好)，自製訓練工具又嫌麻煩，咁多難處，真係辛苦曬你地，其實通通都係藉口，咁多理由搞到你無健身室就唔操野，唔強身健體，諗真啲其實你地都唔係好中意操野姐，如果你地係中意嘅話你地點會無辦法姐

可能諗深一層，其實健身一直響大眾嘅眼中都只係一個潮流，嗰期見到個個都講健身，明星又做,youtuber又講,KOL又講，你啲朋友又玩，你唔玩又好似跟唔上潮流，個個健康生活，間接上健身室需求又大左，健身產業營利又高左，引致多左好多唔同嘅人入行做健身教練，一個朋友圈子入面分分鐘有兩三個係，不論係健身友定係業界同行都一樣，漸漸呢件事其實只係人做我做，講真呢，其實你係咪真係發自內心想做好呢件事或者改善自己嘅身體呢，定係你唔想追唔上潮流咋.......

可能你會話我地有器材嘅人響度講風涼話，呢個係我地嘅方法同樣地都要付出成本去維持有血有汗，但我可以話俾你地聽，就算我地無曬器材，我地一樣會搵方法練好自己嘅身體，因為我地真係想要去變強去做得更好

不論係買器材，徒手，阻力帶，DIY，公園，就算係屋企人你夠能力抬得起，你都可以用佢嚟做負重，其實而家咁好網上有咁多資訊，有咩變強嘅方法係你地搵唔到架，你地係咪無試過晒先

今日起你唔搵方法去應付現有困境嘅，繼續唔操野等Gym開響度自怨自艾，淨係識羨慕點解有啲人可以繼續操得到嘅，唔好同我講你有幾中意健身，你呃我無用，你呃唔到你自己

圖: Hugo 文:Burger

#Kofgym #meme #excuse #nogym #training #muscle #strength #hypertrophy #powerlifting #bodybuilding #calistenics #bodyweight #resistenceband #weighttraining
#香港健身 #肌肉 #訓練 #力量 #肌肥大 #阻力訓練 #健力 #健美 #阻力帶 #徒手健身 #藉口 #潮流 #trend

天上有座城（上）
　　
「五個學位啊，今年天空大學足足招五個學生，你個仔考唔考到？」

「佢邊有咁叻？不過考到都冇用啦，學費咁貴。」

「說話唔係咁講，可以做天空之城嘅人喎，幾貴都抵……」

呢排，下城所有居民都討論緊同一個話題。
　　

2050年，出現咗一種新技術，可以令成塊土地懸浮喺半空中。

後來，人類喺半空中興建咗一個新城市，被稱為「天空之城」。

呢個「高人一等」嘅城市令有錢人趨之若鶩，天空之城漸漸變成權貴專屬嘅地方。

跟住就有埋居民註冊、嚴密嘅保安，平民連上去嘅機會都冇，只可以喺下城辛苦工作，再將最好嘅產品送上天空之城。
　　

窮人同富人，唔再生活喺同一塊土地上。

所有資源都向天空之城傾斜，聽講，天空之城連空氣都特別清新。

近年來，天空之城擴建咗幾次，每次都令下城居民期望有「晉升機會」。

但結果，只係富豪嘅豪宅變得更加大，起多咗幾個高爾夫球場，下城居民依然冇機會移民去天空之城。
　　

下城居民日以繼夜咁工作，生活環境依然係咁差，連子子孫孫都見唔到希望。

下城對天空之城愈嚟愈不滿，開始出現小型嘅騷亂。

有見及此，天空之城推出招生政策，天空大學每年會舉行考試，從下城招募一定數量嘅學生。

只要順利從天空大學畢業，就可以成為天空之城嘅合法居民。
　　

今年，我哋呢區有五個名額，意味住會有五個學生，飛上枝頭變鳳凰。

所有人都知道，呢個只係天空之城嘅維穩手段。

但冇幾多個家庭，可以抗拒呢種誘惑。

哪怕你屋企冇適齡嘅學生，哪怕你想叫朋友一齊反抗，朋友都會話你知，唔好阻住佢，佢幫個仔補緊習。
　　

我有一個仔，佢叫小東，今年十七歲，已經通過咗招生考試。

不過，要攞到天空大學嘅名額，唔止要有好成績，仲要交一筆鉅額嘅學費。

嗰筆錢，我畀唔起。

但我發誓，一定要幫小東爭取到一個名額。
　　

呢一刻，我同老婆坐喺醫院，準備賣器官。

我哋計過數，一人賣一個腎，就可以湊夠小東嘅學費。

順帶一提，幾年前，器官買賣已經合法化，但只限下城賣畀天空之城，美其名為「為下城居民增加收入來源」。
　　

小東唔知從邊度收到消息，趕嚟醫院：「你哋要賣腎？咁我寧願留番喺下城讀書。」

「你聽我講，重點唔係喺邊度讀書，係可以成為天空之城嘅居民啊。」
我望向窗外，空中隱約見到一座璀璨嘅城市：「去咗天空之城，你就前途無限……」

小東打斷我嘅說話：「我努力，都係為咗令屋企人有好嘅生活，但你哋連健康都冇埋，我有前途有咩用啊？」

我答：「只要你生活得好，我哋點樣都唔緊要啊，最緊要你有前途。」
　　

爭持嘅時候，老婆已經叫咗醫院保安嚟，將小東拉走。

我哋入手術室，賣腎，拎到錢，交學費。

小東嬲咗一輪，最後都接受現實，乖乖成為天空大學嘅學生。

望住小東登上直升機嘅背影，我捉住老婆隻手，內心充滿喜悅。

我個仔，要成為人上人啦！
　　

喜悅過後，小東變得有啲奇怪。

佢好努力讀書，喺天空大學嘅成績都好優異。

只不過，佢落嚟探我哋嘅時間愈嚟愈少，初時話一個月一次，後來就變成半年一次……
　　

小東學業繁重，少啲落嚟探我哋，我都可以理解。

但問題係，我哋一家三口團聚嗰陣，小東愈嚟愈冷淡。

小東依然會聽我話，但感覺就好似交功課咁，只想盡快完成任務。

佢望住我，眼神空洞，我感受唔到佢對我嘅親情。
　　

呢區仲有幾個家庭，仔女讀緊天空大學，都有類似嘅情況。

一個家長憂心忡忡咁講：「會唔會係天空之城太繁華，佢哋嫌棄我哋呢啲鄉下人又窮又老土？」

我斬釘截鐵咁講：「其他人我唔知，小東唔會咁諗！」

我諗起，當日小東聲嘶力竭，叫我哋唔好賣器官，佢絕對係一個孝順、唔貪慕虛榮嘅好兒子。
　　
下集：https://bit.ly/35UiBph
　　
將專頁設定為「搶先看」/ "See first"，最新故仔馬上睇！
　　
我嘅職業係：代人瞓覺：https://goo.gl/wnRKgh
喪屍地球：http://bit.do/fhkTS
　　
#短故 #短篇 #小說 #陳美濤 #廣東話 #粵語 #tomatochan #天上有座城

試聽兩張超正黑膠：
The Electric Recording Co.（ERC）Kogan Mozart Violin Concerto no. 3，Medelssohn Violin Concerto
Analogue Priductions （AP）Nils Lofgren Acoustic Live 45 rpm 4 LPs

只會話嫌貴，唔會嫌唔好聲

另設Facebook群組Hi Fi 發燒圈，歡迎加入：
https://www.facebook.com/groups/454356881290493/

#黑膠 #發燒圈 #Lee388 #粵語youtuber #發燒碟 #廣東話 #只會話嫌貴唔會嫌唔好聲