關於 反轉會議 ，我們在網路上蒐集到這些相關的討論、資訊與評價

多謝 HER Fund 婦女動力基金 撥款資助
我哋終於完成晒兩年嘅跨代跨界別合作大project
當然唔少得多謝我哋3個合作伙伴 #天水圍社區發展網絡 #聚賢社 #女障

#點解一個同志組織要教啲婦女用手機
呢個問題係一位PrideLab實現員嘅伴侶問驚叔叔
會好奇怪點解我哋唔係搞活動比性小眾咖呢
無論你見到HKPride每年更幾多人去 無論幾多明星出櫃支持
我哋身邊 #依然有同志係唔敢同屋企人出櫃
甚至曾經有1個實現員話過佢媽媽接受咖，但叫佢唔好咁高調
因為唔想有太多閒言閒語 . 個刻就諗如果我哋可以 #走進社區 做啲改變就好

#到底師奶係咪真係咁諸事八卦要講人是非
基緣巧合，數返2017年5月我哋去咗一個婦女會議 #拉闊性別反轉會議
有個活動叫「#社運急症室」天水圍嘅阿靚就係果場發言
佢話唔知點同後生溝通 ,擔心青黃不接, 聽咗好耐最記得就係一句
「#我都唔識用instagram」然後就自告奮勇諗不如我哋教佢啦
教得就唔好浪費機會 一次過開班教多幾個
過程中當然要滲透講下自己其實係乜水 #出櫃 嚇下班師奶啦
無錯, 其實就係啲工聯會社區活動套路嚟嘅 #教班為名交情為實
合作咗3次 見過超過40位社區參加者 . 個個都好正面支持我哋
甚至有啲做人阿媽嘅同我哋講 , 其實唔會想自己仔女收埋得咁辛苦添
#帶返個頭盔先 唔係鼓勵大家衝出自己個櫃
只係走入社區先發現 ... 阿媽個輩啲frd無我哋想象中守舊
發現 #只不過佢哋都無機會討論咋
好似我哋個陣介紹上映嘅 #翠絲 參加者落堂組團去睇
你話你會唔會約你阿媽去戲院睇先？

#呢兩年無乜拍YouTube到底PrideLab做咗乜呀
簡單講計畫本身分成三個階段
首先1️⃣我地PrideLab培訓自己嘅實現員成為課程助教
跟住2️⃣雙向教學活動，PrideLab為每個合作夥伴度身訂做新媒體課程，教下手機拍片，點用IG、FB咁；而合作夥伴就都揀一樣活動或者教學俾我哋嘅性小眾朋友
最後3️⃣PrideLab會幫每一個合作夥伴拍攝製造一條專題影片

過程當中我哋各個唔同組織都 #衝出同溫層
而我地亦透過連接唔同組織學習咗唔同議題
嚟緊我哋就會陸續上載呢3條關婦女事之餘 同志又應該有啲共鳴位嘅影片

#睇到呢度都未走嘅你
仲有時間可以去睇埋因為呢個計劃做過嘅少少訪問

《水溝油變乳液，邊緣社群連結共享》
https://www.herfund.org.hk/tc/resources/blog/detail/25882370640970046

【無性別者．下】教同志拍片、跟街坊講平權：穿梭現實與虛擬作戰 (香港01)
http://bit.ly/2ADp1Kt

[Her Fund 婦女動力基金] 一群女俠的故事 (下) 師奶與同志一起成長
https://bit.ly/3bMElob

[師奶x同志] 好似好陌生嘅兩個社群
透過知識交換，我哋互相學習，有機會坐低認識交流

我哋同阿靚相識於一個性別平權會議 (反轉會議＠香港2017)，傾咗呢個諗法出嚟。PrideLab 就向 @HER Fund 婦女動力基金 申請撥款 - 「連結性/別」學習平台計劃 ，好感激阿靚同 天水圍社區發展網絡 願意率先同我哋合作。

過程中，無論係我哋走進天水圍教影相拍片用IG 定係佢哋出城教我哋整環保手作，參與者都係投入同開心，氣氛熱鬧！
唯有面對面相處嘅時候，我們先可以更加了解認識對方，尊重唔同嘅朋友。

好開心走進社區
成班 #LGBT 走入 #天水圍
同 天水圍社區發展網絡 嘅朋友仔上兩堂新媒體工作坊
學下手機影相拍片再upload埋IG

我哋估唔到原來講咗一陣佢哋都明明地乜係 #hashtag
佢哋個個都有一門手藝，希望好好推廣
啱啦，遲d hkigshop 又會多d新店

更加估唔到一心諗住佢哋剩係想知點影相
講到LGBT+ 居然個個變成好奇寶寶

「其實依家社會都開放咗。」
「應該比小朋友自己決定，家長無得幫佢話事。」
「你哋都好nice呀，幾時再開下一班？」
一次過見咁多性小眾都無嚇親佢哋已經係呢個項目成功嘅第一步

搞咁多次活動計劃，今次真係好緊張
醞釀多時，要講可以係講返 2017年 #拉闊性別 #反轉會議
喺個場會議我哋認識咗好多不同階層背景嘅婦女運動參與者

喺運動急症室一而再聽到前輩話唔識同後生嘅溝通
抓住一下衝動，「我哋教識你用instagram」
於是就開始寫個計劃書
衷心 #多謝HerFund HER Fund 婦女動力基金 陪我哋嘗試
其實成個項目都係一腔熱血

上年我哋拋咗兩次線球話要連結
今年我哋互相交換知識，開始社群對話

喂!!! 支持PrideLab嘅朋友仔注意‼️
師奶會喺5月26日教返我哋手作班
好多朋友仔話過d阿爸阿媽好介意周圍d人講是非
咁我哋咪同佢身邊d人講，認識下 #LGBT 就會明白我哋唔係想象中需要恐懼

5月係國際不再恐同日，又有母親節
真係一個充滿愛嘅月份 #係愛呀哈利

[師奶x同志] 好似好陌生嘅兩個社群
透過知識交換，我哋互相學習，有機會坐低認識交流

我哋同阿靚相識於一個性別平權會議 (反轉會議＠香港2017)，傾咗呢個諗法出嚟。PrideLab 就向HER Fund申請撥款 - 「連結性/別」學習平台計劃 ，好感激阿靚同天水圍社區發展網絡願意率先同我哋合作。

過程中，無論係我哋走進天水圍教影相拍片用IG 定係佢哋出城教我哋整環保手作，參與者都係投入同開心，氣氛熱鬧！
唯有面對面相處嘅時候，我們先可以更加了解認識對方，尊重唔同嘅朋友。

■□■□■□■關於PrideLab□■□■□■
以創作藝術推動香港性別平等
希望用幽默有模式講解性別議題
促進社會尊重及接受不同人士
■□■□■□■□■□■□■□■□■□■□■□■

＞ 鍾意睇不妨訂閱頻道，記得click埋嗰鐺提醒新影片＜

◆Facebook
➡︎https://fb.com/PrideLab.HK

◆Instagram
➡︎https://www.instagram.com/pridelab/