Search
農田水利會修法👍
宜瑾護弱勢 爭勞動權益！
農田水利會改制倡議多年，今日在委員會審查通過🎉
在2008年，勞基法以修法修法延長強制退休年齡為65歲，與公務員退休年齡同步，保障高齡勞工工作。
本次修法中，宜瑾發現農會、漁會與公家機關的工友、技工早已逐步納入適用勞基法範疇中。唯獨農田水利會技工、工友卻因為農田水利會的改制讓適用勞基法的日期一延再延！
最後，與農田水利會新任會長任期一致，反而使讓今年屆齡退休的技工、工友被迫強制退休而無法持續工作至65歲，戕害其工作權益。
宜瑾認為人數雖少，更應該保障權益，不能讓他們成為農田水利會改制的犧牲者。
在審議時，提出農田水利法第20條修正動議，獲得經濟委員會委員的支持，共同要求農委會正視此問題！
#護弱勢爭權益找林宜瑾
#保障勞動權益不能等
感謝：
登真-邱議瑩
邱志偉
賴瑞隆
#宜瑾質詢報告
【龔成問答信箱】（Q13281-Q13300）
Q13281：
你好龔Sir,又有野想請教你,我睇返2020創新高。睇2018年報(19年3月發佈)5年財務概覽。
每股基本盈利:2018年為1.5282,2014年為0.6812差2.243倍。
股東應佔溢利為:2018年為12.6m(千元),2015 4..02m(千元),差3.13倍。
計算估值
但我唔明點解股價由2014年的$11蚊 變左今日$66.7,差6倍
其實計一間公司合理估價,我係咪要用埋其他數據?
如果大約計下一間公司合理價,主要睇乜數據。
你的書有無教或,推介我睇邊本書,謝謝
龔成老師：
安踏體育（2020）是好優質的股，這股在我的《50股》書都有推介，是其中一隻優質股，我相信仍長遠的發展仍正面，有投資及長線持有的價值。
佢的盈利上升，就會帶動企業價值向上，這就能支持到股價向上。
至於你以盈利升多少倍，去推算股價升多少倍，當中涉及了一些估值的概念。你的方向正確，但並不是單純這樣推算，因為計算時不止考慮一年盈利，而是多年的。
同時，當中會因為大環境與企業本質而有所調整。另外，一間企業的價值由業務價值與資產價值組成，要分析好多野。
你可以睇《股票勝經》、《年報勝經》，有講少少估值，亦可以睇有關巴菲特的書。另外，我的股票班都有詳細教估值的。
-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\
Q13282：
老師，我有2個問題 望老師能解答
現時我正在閱讀老師的股票勝經到一半, 當中提及斬倉, 當然我明白股票有蝕的風險, 但卻不明個中道理。
據我理解, 即使股票大跌, 但只要該公司不是申請破產而我卻一直不賣出, 我所持有的量還是一樣, 所以我經常不明白人家說補倉和斬倉的原因, 謝謝
龔成老師：
當講述「斬倉」，就是涉及借貸投資。
例如你原本有$10萬打算買股票，你買入股票A（現價$10）10000股，這是你最多能買到的數。
如果利用孖展借貸投資，令你的資金放大一倍，你可以買入股票A，20000股。（市值$20萬）。
當股票A的股價，跌到去$5，現時你持有股票的市值，就由$20萬跌到$10萬。
由於你本身的本金只有$10萬，即是已經全部輸晒。
銀行或證券行為了減少風險，唔會在股價跌到$5先幫你賣出，而是在$6（舉例）。就已經同時強制斬倉，即是強行賣出，除非你投入新資金（補倉）。
孖展是高風險的投資，我對這類投資模式有保留。
-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\
Q13283：
老師，想問下我以下嘅投資組合有無問題
4手Soho 中國，平均買入價4.2
1手HSBC, 買入價58.2
1手比亞迪電子，買入價8.11
1手比亞迪，買入價38
另外由2018年4月開始月供股票，領展，盈富基金，每月各$2000
另外問銀行低息借了25 萬，分5年還，本金還4166.6, 手續費每月$375, 我用25 萬買了派息基金，每月平均收息1600-1700, 但係本金最近下跌了10%.
情問我嘅投資組合情況理想嘛？有咩地方可改善，黎緊應該有咩步處？
龔成老師：
上述的股票都不是無質素，但風險度有少少高。
比亞迪（1211）及比亞迪電子（0285）都是潛力股，但都有少少風險，你要控制好注碼，同時不能太集中在同系的股票。
至於ＳＯＨＯ中國，都是正面的，但業務就有少少波動，股價亦有點波動，持有可以，但不能太大注。
月供股票，無問題，保持長期月供就得。
至於你所講的派息基金，要小心，因為我近年收到不少讀者反映，收息基金出現了賺息蝕價的情況，而有些基金本身不是好賺錢的，只是在本金抽取資金，製造「穩定派息」，因此要小心分析。
另外，這刻大市只處合理區，你最好同時留有現金，若大市下跌可以掃貨。
-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\
Q13284：
龔老師 你好
本人27歲 同男朋友大家都係散仔公務員 礙於各自屋企洗費 租屋等支出 現時每月最多只草到20k左右 現手持約200k現金 希望計劃1-2年後結婚
我地想盡快增加我地嘅積蓄 用作結婚同後備用途 但無奈對於投資理財0概念 早幾年衝動入市 導致損手爛腳
我地應該如何儲存比較穩妥適合？ 留意某啲股票(5.hsbc, 3. 煤氣, 1398 icbc)低價時先小注入市 收息 還是月供較為適合？
同之前手持大全部蝕錢 我地應該忍痛離場(約蝕70k) 定keep住先？
3 -1000股 @16.54
285 -100股 @24.95
1337 - 2000股 @4.44
1366 - 20000股 @0.73
1415 - 5000股 @3.84
1638 - 2000股 @6.32
1810 - 200股 @17.17
2858 - 500股 @7.78
3988 - 5000股 @3.67
6060 - 100股 @60.3
8285 - 5000股 @0.43
很抱歉 真的無所適從 因此希望成哥能幫幫忙 提供意見><感謝感謝
龔成老師：
由於你地打算在1、2年內結婚，因此要有一定的洗費，你要先計好相關的數目，餘下才能投資。
因為我地進行投資，一定是長期性的，中短期價格只基於當時的市況，就算優質資產，你中短期賣出都有可能不利。而無人知你到時的市況如何。
因此，一定要計算及餘留你結婚所需的現金，餘下才投資。
至於現時的持股，則要集中睇企業的質素、前景，唔好比買入價影響決定，這只是一個心理因素。
雷蛇（1337），高風險股，雖然有可能是潛力股，但現金流始終是負數，有保留，最多只可小注。
江南集團（1366）業務持續向下，要在有較大反彈時賣出。
易鑫集團（2858），高風險類，小注好了。
眾安（6060），風險同樣較高，但不是無質素，不過不建議大注。
森浩集團（8285），上市後業績與上市前好大分別，這是我不建議買新股半新股的原因。業績弱，前景一般，反彈後賣出較好。
至於其餘的股，問題不大。
-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\
Q13285：
老師，可能會有啲敏感但係您介唔介意向我透露下您既學歷或者依家既工作係咩 我想睇下可唔可以參考一下 如果唔想答就無需勉強。
如果唔方便 咁我想問下照複式概念 如果我一早出黎做野每個月定期投資 唔會比繼續讀書而減少左收入 仲要還學債好嗎？
龔成老師：
我往公屋，中學會考14分，升唔到大學，之後在IVE讀高級文憑，修「財務學」，其後做銀行，一邊做野一邊讀翻大學，都是修「財務學」。
學校雖然都可以學到野，但令我最大得著的，其實是不斷睇書，我由18歲開始，不斷去圖書館睇書，致富、投資、成功、名人、股票等，這是我累積知識最重要的來源。
其實我集中去學股票，18歲開始投資，其後集中學習「價值投資法」，投資就開始不斷賺錢，同時我養成一星期分析一間上市公司的習慣（會用6小時去睇年報等資料）。
至於銀行工，對我的影響不算大，只是提供穩定收入來源的部分。如果你想詳細知，可以睇《80後2百萬富翁》。
你早D出來做野，可以有更多的職場知識與經驗，同時現金增加，但你就「知識」可能無咁多。你要分析翻，如果讀書，當中的「知識」，長遠可以令你的財富提升多少？
-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\
Q13286：
老師，我是55歲人士，月入約七萬，現月供一萬元於基金JPM China，持有復星、建行、華潤水泥、金山股票。有現金港元四百萬，人民幣50萬，一層本地樓和吉隆坡近雙子塔的樓花樓。我的工作沒有退休年齡，只要我有價值就可以繼續做。
我初步想投資巴郡B股，比亞迪等。想問建議，並賜教如何增加60歲後被動收入$30000左右。謝謝回應！
龔成老師：
你可以利用「先增值，後現金流」，作方法。
你在55歲-60歲這段時期，做好「增值」部分，當然，由於你55歲，不能太過進取，因此只能集中「平穩增值類」的股票。
你現時持有的股票，可以繼續持有，至於巴郡B股，比亞迪（1211），可投資，但比亞迪不能太大注。
另外，你$400萬可以動用其中$200萬，分注投資優質、平穩的股票，例如盈富（2800）、金沙（1928）、長建（1038）、中銀（2388）、港鐵（0066）、恆基（0012）、港交所（0388）。
只外，香港樓現時有調整情況，如果樓價有明顯下跌，你可以考慮買多層收租（這步不用急，真的跌先考慮）。
到你60歲時，再慢慢將你的財富，分配到收息類的項目，集中現金流。
-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\
Q13287：
老師，本人42,有兩小孩年齡4&7。每月可儲20000。
有一層樓800萬買，現值1280萬，仲有350萬未供完
現金220萬，其中100萬剛做左一年定期，會有23萬 asiamiles為利息 .另外聽左你意見，買左120萬左右股票，加月供兩萬股票。大概有一年3萬幾股息被動收入。
工作開始不穩
我想有每月有40000被動收入。
if 4%股息，要有一千二百萬先得。如果報到呢個目標？應該用幾多年去達到才make sense?
龔成老師：
你現時的理財分配，其實不差的，基本上可以保持進行，不過工作不穩就會產生風險。
由於我地進行人生財富累積，最有效的方法是「先增值，後現金流」，所以你這刻42歲，其實最好仍是集中在增值的層面。
如果這刻不計物業部分，你擁有約$340萬，如果你能每月投入$2萬，滾存15年，加上你原有$340萬的滾存，預計15年能滾存到$1200萬。
當然，這未考慮你物業是否能有效運用。
另外，其實滾存到$1000萬，投資5%、6%收息股，已經能去到你要求的$4萬以上被動收入，因此計劃可以較早完成。
-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\
Q13288：
想問一下以往如果社會遇到宜家呢d甘動盪既情況，股市唔係應該會大跌？
但係點解今次呢件事好似對股市無咩大影響，係仲未反映到出黎定係有其他原因？
龔成老師：
股票就是企業，市場都明白這點，現時在香港上市的股票，不少都是中國企業，業務主要地在中國，因此影響有限。
而一些本地的零售股，本地相關股，就會較受香港的社會運動影響，所以你見這類股都有較大的受壓。
但我地分析時，一定要以長線的角度去分析，所有事情會有危有機的，所以，零售股這刻反而可以留意。但你要預佢中短期仍會較弱，一定要長線投資，先可以見到效果。
-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\
Q13289：
請問現在局勢，要不要把港幣轉美元，開離岸戶口？月供股票是否需要停？
本來月供
2800 $5000
1211$3000
66$2000
現在要停嗎？
龔成老師：
港幣有聯匯，我地過往經歷的金融風暴等都無問題，這次更加不用擔心，港幣不會貶值的。
同時，亦不用擔心港幣有資金管制等問題，因為今次社會運動的主要戰線，並不在資金上，因此政府不會對港幣做甚麼動作，港幣亦不會有問題。因此不用擔心。
至於月供方面，更加不用停，我地投資股票，就是長線投資企業，因此不用擔心。
相反，如果你算事情已完結後才投資，股價已上翻晒。
-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\
Q13290：
龔成 我見到網上有個page 專教人炒期油 而且有course 佢話自己日賺幾千
而且話唔洗日日都炒
初學者可以賺五百至二千
拉返勻成個月
請問你點睇呢？
龔成老師：
對於這些投機模式，我有相當的保留，當然，我未正式了解，不能必然性否定的。
但我過往做了10年銀行及證券行，見到輸最多的，就是這類炒炒賣賣的人，我以統計數據去講。
-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\
Q13291：
龔成 sir,你好, 拜讀了你數本著作, 以前完全不會投資,只懂將收入存在銀行, 之後明白到現金只會不斷貶值的道理¸但奈何起初沒有太多的投資知識及經驗, 所以決定以月供股票作開始, 二人大約由兩年半前起大約月供 $12,000盈富基金。
夫婦二人37歲, 有一5歲小朋友, 二人合共月入~10萬, 扣除各項開支後, 每月可儲~25,000, 資產如下:
-現金 ~170萬,
-盈富基金 ~12手
-強積金 ~180萬
-有一層自住樓, 現值約700萬, 欠按揭160萬, 每月還款約11,000
有感手頭上現金比例較多, 想轉成資產作增值, 希望為小朋友將來讀書及退休作準備, 現有以下打算:
-維持月供$12,000盈富基金, 餘下的儲起留作日後入市之用
-留起70萬現金作應急之用, 將100萬當中的60萬, 分二年, 月供以下股票
比亞迪 ($5000)
中生製藥 ($5000)
港鐵 ($5000)
領展 ($5000)
中銀 ($5000)
現想請問老師一下
1.這安排可行嗎?
2.以兩年將現金轉成股票, 時間長短合適嗎? 是否需要延長或縮短轉換時間?
3.這供股組合配置合適嗎? 有沒有其他建議? 股票的供款比例可以嗎?
龔成老師：
抱歉，FB將你這個訊息放在另一個檔案裡，我今日先見到。
1）可以，我地理財，最重要是攻守兼備，你持有的現金過多，的確要投資一些資產項助你財富合理增值，而你本身有物業，因此投資股票最好。
你利用月供的方法，去分注投資有質素的股票，是可行的方法，月供盈富（2800）基本上可以一直進行，唔好有時限，視為財富增值的項目。
如果你擔心資金不足以應付長期，就供$10000，但長期是最重要的。
2）都可以的。不建議縮短，只建議拉長，因為可以平均買入價。
3）這組合可以，適合你地的年齡的。
但都要留意，當你慢慢增加月票的比例後，不要用盡現金，要視為自己家庭的現金需要，以及大市平貴，去決定留多少現金。
-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\
Q13292：
Sir我係你舊生，最近分析緊醫藥股，之前分析過中生，石藥，今次就分析綠葉製藥（2186）依隻股我會將佢咁樣排第一係中生，第二係石藥，第三係綠葉。
我想問綠葉既負債係2018因為收購等問銀行借貸，但都反映到佢負債表好高，一年期既負債達到成50幾億，依到會唔會扣分？
而且綠葉既賺錢能力係行業內算高，但隨著政策改革同競爭，都令佢既毛利率下跌，令佢可能變成平穩增長股
第三想問下綠葉主要產品有腫瘤，心血管同消化藥，除左心血管外，其他兩種好似都冇乜持續性需求，會唔會令佢持續性經濟有啲困難。
龔成老師：
中生（1177）與石藥（1093）的質素都好高，兩者都好接近。而綠葉製藥（2186）可說是排第三。
綠葉的負債的確是扣分的地方，雖然在比率上仍不算有問題，但近年的負債增長好快，這一定會令企業的風險度提升，在估值上都會略減。
而市場改革同競爭，這會對佢有影響，但具體情況就仍要觀察。
至於藥物方面，佢的產品長期需求，並不是中生製，這一定會令佢在估值上有所減少，市起亦會考慮這個因素。但我相信佢不是無市場，但就會考慮增長力是否強的問題。
-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\
Q13293：
老師，本人39歲打工一族，有以下資產
股票 1500K
強積金 600K
基金 320K
現金360K
定期(11月到期可取) 140K
如每月儲15000，只做投資
10年後可否做到買一層細價樓(300-400尺)，同退休(每月支出15000)? 如可，實際可以點操作? 如不可，加大每月儲蓄20000是否足夠?
龔成老師：
你10年內買樓一定可以。
香港的樓市將進入中短期的下行週期，而長遠由於價供不足，仍會偏向上，我相信你可以留意一下樓價，如果你持有股票$150萬，其實有需要可賣出作首期，只要樓價有多少少的回落，你都可以考慮。
就算250呎的樓都可考慮，買入後，長遠樓價向上，佢都會向上，你之後能憑這樓，去追之後的物業。
首先，你這刻加大儲蓄，盡力儲多少少錢。同時，留意樓市，在適當時機就可以考慮。
最好的情況，就是用較高的按揭成數，等你買完樓後，仍有股票及現金在手。
之後就是利用股票保持增持。股樓並行，你財富的增長會更快。
-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\
Q13294：
老師你好，如果月供盈富$10,000，持續40年，滾存到5,300萬是否合理？
這也證明累積財富其實不太難，只要持之以恆，耐心持有就可財務自由。
龔成老師：
如果每月投資$1萬，即是一年投資$12萬，如果回報率為10%（假設收息後再投資），就是有$5300萬，當然，我地無人知長遠的恆指回報有無這個數，但估計8%-10%都有。
所以，長遠要累積財富，真的不難，早開始，有恆心就得。
-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\
Q13295：
老師~我岩岩畢業 23歲 月入萬5 想問如何可以在30前儲到100萬 因為公司包飯 現時每月可儲$8500-$10000 手頭現金有大約10萬同有7萬股票
股票依家持有 788 10,000股 @$2.15
939 10,000股 @$6.33 請問以上股票可以KEEP住定點好
龔成老師：
首先，逼自己每月儲$10000，你後生，加大力度儲錢對你將來好有用，盡力做。
如果你能每月儲到$10000，你30歲，單計本金都有$84萬，再加上投資的合理增值，應該能滾存到$100萬-$130萬。
所以，你第一步要「本金」。
你這個年齡，是財富增值的黃金時期，要好好把握，盡你一切的力量去儲蓄、投資、學投資知識。
你可以投資「平穩增值股」+「潛力股」，不過，由於潛力股要求你有一定的投資知識，因此這刻不用急著投資，你可以集中在平穩增值股先。
做月供股票，每月$5000。
你可以考慮盈富（2800）$2000。
另外再加1、2隻（每隻$1500）：銀娛（0027）、恆基（0012）、中銀（2388）、港鐵（0066）、煤氣（0003）、粵海（0270）、領展（0823）、港交所（0388）等，你可以了解下這些股票，然後從中選股。
如果你不懂股，就集中供盈富$5000。
至於手頭現金，7成可以持現金，小部分投資盈富。中國鐵塔（0788），可持有，建行（0939）都是可持有（但不要增持，因為這只是收息股，未必最適合你）。
現時大市處合理區，可以一邊投資一邊留現金，而餘下現金的運用，就是等大跌市時出手，如果你能在這段時間學好選股等技巧，到大跌市時就能把握機會，財富增值會更明顯。
-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\
Q13296：
龔成老師你好,一直有留意你的fb page,想請教下你,希望你可以比D投資建議我
我28歲月薪33000,無家庭經濟負擔,無物業,個人總身家包括股票約1M, 發覺人工跑輸大市,所以想投資賺多些零用錢平時買下野, 但全部分股票都蝕緊....想問下現時投資方向是否正確
1). 現時我手持股票佔我個人總身家15%,但整體股票蝕緊12%, 眼見而家d優質股幾平,應該再注資嗎?投資在股票應該佔個人總身家幾多%才好?
2). 我2017年首次股資,唔識野….超高價$86買左1手6060,蝕左近$7000 都未放, 我係咪應該一早放左佢?同樣, 超高價$6.6買左3手1398, 而家得返$5.23應唔應該放左佢?定係留佢收息?
3). 2019年我以$32.55買左1手2388,而家$25.8,蝕左20%, 但聽你分析佢應該係優質股,我應唔應該買多1手? 定係放左佢真係蝕左先,再趁低吸納返?
4).近2個月我買左1 手0005, 0066, 0388, 都蝕左少少, 但認為長遠應該會升返, 我應唔應該買多1手?
5). 近2個月我買左2手1299, 都蝕左少少, 但認為長遠應該會升返,同認為佢係中國會有發展, 我應唔應該買多幾手?還是月供股票好?
6)我以$10.77買左2手778,到而家都未放,應該止蝕離場嗎?
7 ) .你認為通常股價下跌至幾多%應該止蝕?
SORRY我既問題有d多, 希望老師可以抽空指點下我,THANKS!!
龔成老師：
1）我地繼續持有一隻股票與否，與你的買入價無關，這只是一個心理因素。重點是分析企業的質素、前景。
因此，你首先要以「企業質素」的角度，去分析翻持有是否繼續持有。
另外，你現時股票比例較少，其實可以增加翻比例，如果無需要買樓等資金運用，其實可以分段，分1年時間，由現時的15%加至60%。
（當然，如果你自己投資知識不強，就可以調低比例）
2）眾安（6060）這類股，好難玩的，因為多年都在燒銀紙，就算近年好翻少少，都仍未能確定情況，這類股要估值好難。因此，股價一定好波動，所以，只能小注。
如果只是一手，以你現時的情況，不如持有住先，反正這股不是全無質素，可以等佢業務好翻多少後，有較大的反彈（不是到你買入價），就賣出。
至於工行（1398），可持有。
3）中銀香港（2388）有投資價值的，你原有貨可持有，另外加多一注無問題。但你要預佢中短期都會弱。
4）這些都是優質股，可以持有，如果再跌可以加少少，但我見你投資心態有不足的地方，完能掌握投資企業的概念，建議你多增加知識，之後先增加持股數目。
5）我會建議你月供盈富（2800）、友邦保險（1299），以及其他優質股。
6）置富產業（0778）有質素的，但香港的情況一定會令佢租金不利，股價會波動，但如果用長線分析。無問題，可持有。
7）止蝕不是睇股價，而是睇企業的質素。如果企業由優質股變成非優質股，就是賣出。
-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\
Q13297：
有跟開你的post. 我見你說會增持港樓。剛剛同哥哥傾過呢個問題所以想問你意見
我差不多50歲: 有一個物業係大角咀三百幾萬入, 現在應該8m至1千萬，一個元朗區100萬頭買，而家可以3.8m至$4m. 另外一個我和家人合資係紅磡，四百幾萬買應該現在大約8m.
我現在很困擾不知道應該低放還是維持現狀。兩個出租，一個紅磡自住會比番一半低市價的租金給家人。
因為現在市場很亂，個個話撤資離開香港，我又沒有呢個打算，現金又不多，工作量亦差不多去到零，想問你如何是好
我自己唔打算放樓因為放咗唔係太識投資股票，好多時都會輸。但係好多人又話個樓市會冧。
有啲港股但係都係輸嘅，沒有藍籌股。你似冇興趣美股
多謝你，有時間先覆吧
龔成老師：
我相信你沒有必要賣出物業，香港樓只是中短期調整，需要我唔知會調整多少，但以長遠來說，香港樓仍是供應不足的，因此，長遠仍是偏向上。
所謂的市場亂，撤資離開香港，大部分都是中短期，除非香港的社會運動持續多年，同時有更多不利經濟的情況出現，這就會有核心性影響。但這刻分析，仍只是中短期問題。
另外，若果你賣出物業後，無人之日後能否買得翻（記住，無人可能正確預測樓市）。加上你如果日後再買，又要比貴稅，根本不值得。
所以，你保持現時情況是最好的。
利用物業去收租，盡力創造現金流，這是最好的方法。
如果你現金不多，就不要心急買股票，反而增加翻多少少現金作防守先。
-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\
Q13298：
Hello,龔成老師，想向你請教一事：
我見坊間有證劵商會提供分期月供股票計劃，只要準備3成首期，劵商則借出7成，再每月連息帶本還款，有點像供樓。因我在想匯豐每年派息大概5~6%，而劵商借貸的年利率大概2,88%~4%之間，所以有息差。
故想請教老師這計劃的利與弊。如利大於弊，那應該何時入市？一筆過還是分注入市？如弊大於利，可否說明原因。
麻煩哂你老師
龔成老師：
首先，你要問清楚證券行，當中的條款，有無被斬倉的可能。如果股價大跌，會否有斬倉風險，這都要問清楚先。
另外，雖然計落有息差賺到，但如果該股股價下跌，你就會出現賺息蝕價的問題，這是你其中一個風險。
因此，上述的游做法有利有弊。
如果同自行不借錢月供股，月供的好處就是節省了利息成本，同時有平均成本法。但如果在某些較平的位置，運用上述借貸方法，就能把握到機會買較多貨。
-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\
Q13299：
龔Sir，你好，請教一下，1628禹洲地產如何？可以長期持有嗎？感謝
龔成老師：
禹洲地產（1628）主要於中國廈門、上海、福州及合肥從事物業開發、物業投資、物業管理以及酒店業務。
其實佢近年的業務增長不錯，但負債問題比較令人擔心，如果中國樓市逆轉，對佢打擊唔少，股息亦會明顯減少。
基本上都有投資價值的，但就不建議太過大注。
-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\
Q13300：
龔城先生你好，希望你賜教。
我 44 歲，老公 46 歳，家庭收入 $80000 左右，因為小朋友讀國際學校所以儲唔到錢。好彩我哋之前買咗層樓，而家估價有 550 萬左右，七除八扣，如果轉按可以套現 220 萬左右。
不過我哋打算移民，大約需要 150 - $170萬左右，最後可能會有 50-70 萬現金揸手。
1. 我哋應該點樣可以將50-70萬現金增值？
2. 如果而家開始每月儲 $4000-$5000 可以點供股？怎樣分配為理想組合？
謝謝你
龔成老師：
轉按的確是其中一個方法，但你都要明白，之後的供款金額會增加左，同時你的負債、風險度都會增加左。
1）由於你打算移民，因此就算這筆資金可以投資，都不能太進取。建議投資平穩增值類股票，例如盈富（2800）、金沙（1928）、長建（1038）、中銀（2388）、港鐵（0066）、恆基（0012）、港交所（0388）。
2）要睇你打算供款的年期長唔長，如果年期不算長的話，就不要月供，因為未必發揮到作用。如果較長的話，可以集中供一些ETF，例如盈富（2800）、領航標普五百（3140）。
-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\
多謝各位提問，若然你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網的，當然，會將發問者的身份，以及有關個人的部分刪去。
另外，由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。
【龔成問答信箱】（Q12341-Q12360）
Q12341：
龔Sir,自從5月份上了你的股票班後，無論在人生的規劃及股票知識上都有了很大的啟發，感謝你！
我的父母也有投資股票的，但已我所知他們一直都用了錯誤的方式投資，所以都是蝕多於賺，我很想把我學到的股票知識灌輸給他們，希望幫他們把不好的股票換成優質股
如下幾隻股票是否都不值得持有呢？可以分析一下嗎？謝謝你
232 中國航空工業國際
434 博雅互動
1033 中石化油服
1119 創夢天地
1729 匯聚科
龔成老師：
你要慢慢將正確的知識教他們，例如重組他們的股票組合，開始叫他們用供股票等，我相信他們投資優質的平穩增值股、收息股，都是適合的。
中國航空工業國際（0232）業務波動，過往出現虧損，投資價值不高，長遠要賣，但現價由於唔貴，因此如注碼不多，唔需要立刻賣，但就要找時機賣。
博雅互動（0434）雖然都有少少質素，但卻是風險較高的類別，業務存有較大的不確定性，這股只能小注投資，如太多就要賣出。
中石化油服（1033），同樣質素不高，長遠都要賣出，但就不用急放。
創夢天地（1119）是較高風險類別，股價十分波動，雖鰳都有質素與潛力，但這類股不能大注。
匯聚科技（1729）算是不過不失，如不大注可持有。
整體來說，太多是質素不高的股價，但又未算劣質，不過持有的價值就唔算高。同時，唔少都是高風險類別，根本唔適合較大年齡的人投資！
------------------------------------------------
Q12342：
龔成老師你好，我在7元買入天能動力(00819)，企業一直在增長，又是龍頭股，為甚麼股價不漲？
請問目標價多少？
止蝕位多少？謝謝！
龔成老師：
天能動力（0819）有質素的，同時業務仍在增長中，不過，增長力由過往的高增長，轉為平穩增長，因此市場對佢的「增長力」下調，而減少了佢的估值，令股價上升動力減弱。
佢現時的市盈率不高，仍有投資的值博率，股價長遠仍然正面的，不過我不向都不預測目標價的。
如果這企業的質素改變，變成了劣質股，就要止蝕。
------------------------------------------------
Q12343：
我之前買左點股票 20合一之後就沒哂，我係銀行賣出去就可以嗎？
龔成老師：
佢合股唔會令你的股票無左，只不過模式改變左，例如你持有20000股，變成了1000股。
你持有餘下的股，仍可以經過銀行或證券行賣出的，如果現時不是完整手數，就以碎股價賣出就得。
------------------------------------------------
Q12344：
成哥，我想問香港有無乜美古反向etf？
如果美股再升我會埋d
龔成老師：
在港交所上市的ETF中，有隻叫ＸＩ未來標普（7322），的投資目標為追蹤標普500指數每日反向表現（-1X）的投資業績。
即是美股跌，理論上你會賺錢。
不過，我不太建議投資這些反向ETF，因為股市長期是向上的，你要捉到某些機會先得，唔容易，你要確認到時進入「狂熱期」，但狂熱期可以升到無人信的，之後先會大跌。
------------------------------------------------
Q12345：
你好老師，請問交易所和地鐵現在可入嗎？
現價合理嗎？
龔成老師：
港交所（0388）是好優質的股票，但現價略貴，不過，要算佢大跌不易，建議你用月供的模式投資，長線持有。
至於港鐵（0066），現價在合理區較上部，分注投資可以。這股同樣都適合長線投資的。
------------------------------------------------
Q12346：
老師。想問以現時階段同價位，港鐵同領展是否已完成或接近完成市場化？它們是在合理價格區嗎？現時分階段買入，會否沒有之前回報那麼高？
因為股票勝經曾提及，要在市場化的過程中投資，才會取得巨大利潤
龔成老師：
兩隻都已完成市場化，這刻的業務，以及股價已反映了這一點，往後的股價，就只有睇佢之後的業務情況。
但我相信這兩股始終有佢的獨特性，因此長遠仍正面，但這刻投資，唔會有高回報，只會有「合理」的回報。
------------------------------------------------
Q12347：
老師 你好 我係幫個朋友問
25歲 無儲蓄 人工18k
佢打算用$6000月供 1171 386同2778
想問呢3隻股票質素如何？
另外 睇完老師既財務自由行 獲益良多 得到好多啟發 再次感謝老師你
龔成老師：
兗州煤業股份（1171）、中國石油化工股份（0386）都是資源相關的企業，這會出現同類的情況，同時供這2股會有少少集中風險，加上這兩股都不是最高質的類別，雖然都有質素。相信你朋有是貪佢的股息。
至於冠君產業信託（2778），可月供，長線投資，是不錯的股票。
《財務自由行》講左財富系統的真相，以及真正做到財務自由的方法，好多人都唔知的。
------------------------------------------------
Q12348：
煤氣現價入可以嗎？會唔會四叔交比個仔之後業積及派息無咁好？
龔成老師：
煤氣（0003）已經是好企業化管理的公司，所以，就算四叔退下來，影響都唔算好大，我相信佢長遠的質素仍在。
這股有質素、有增長力，但現價就略貴，你可以分注投資或月供，相信佢長遠的業績，以及股息，仍然能保持過往般理想。
------------------------------------------------
Q12349：
龔老師你好，剛獲派公務員宿舍，預計可以住三十年。我有一層自住樓，聯名的，現帳面約賺二百萬。
請問我應否止賺呢？還是出租，出租幾萬四蚊，月供按揭一萬蚊。尚欠廿八年按揭期
龔成老師：
由於公務員宿舍始終不是你自有的資產，你最好持有一層自己的物業，這樣會較好，因此，我會建議你將這物業出租，作長線的資產。
如果日後有需要，可以加按，再將資金投資股票。因為我地建立一個股樓平衝的組合，會比較好。
------------------------------------------------
Q12350：
剛報左阿Sir既堂, 期待中!!
同時有個問題有, 如果阿sir你有時間解答就好~
依家31歲, 每月28,000人工，大約有12萬儲蓄，以前係月光族, 上年開始突然醒覺要理財。
有月供儲蓄每月$2500，月供股票每月$7000，供有2800, 1288同3988, 之前有供埋地鐵, 後來見佢升到高位賣左，依家好似除左2800兩隻都係內銀有D問題。
想加其他如12, 66, 1038, 3 或823, 但唔夠資金供晒咁多, 想請求意見!
龔成老師：
以你的年齡，財富仍有一定的增長能力，我地應該運用「先增值，後現金流」作方法，而農行（1288）、中行（3988）的增長力不足，未必最適合你。
另外，你唔應該貪「賺差價」而賣出港鐵（0066），因為優質股應該長線持有，唔應該急賣的。
而家你報左我的班，你不如暫時先供盈富（2800）$2500，餘下唔好做任何野，等你上完堂先有動作，咁會比較好，你到時會有更好的方向。
------------------------------------------------
Q12351：
Hi龔成老師，有少少問題想請教你
我今年22歲，而家創業自己一個做，扣哂成本月入7萬多，自知自己都係比較大洗類，所以有強制自己儲蓄所以買左幾份保險，有儲蓄有危疾，月供8千多，除左供保險之外自己就冇再儲蓄我真係比較大洗。
但係依家計劃想4年內上車，所以想將自己每個月收入分配得好d，如果我希望4年後就可以拎晒d錢出來俾首期，你建唔建議我月供股票？
因為我留意左好耐見到大家話月供股票鼓勵係長放，另外如果我咁的情況月供股票你有冇建議買邊隻好？
龔成老師：
你本身大洗，利用一些每月供款類是好方法，你過往供這些儲蓄保險，雖然都是方向，但我地在理財配置中，唔需要放大多在這類工具。
因此，你應該將較多資金，去做月供股票，就可以針對你大洗的情況，同時可以令你有財富增值，因為你22歲，是財富增值的好時機。
至於你4年買樓，這會有少少影響月供，但都可以進行，因為最基本的建議月供時間是3年，因此你都可以進行，但該不建議投資潛力股，集中在平穩增值股就得，同時，一定要留有現金。
你可以將部分資金，供盈富（2800）、恆基（0012）、港鐵（0066）、銀娛（0027），這幾年保持進行，到差不多要買樓的一年，就開始留意價位，分析是否要賣出。
------------------------------------------------
Q12352：
你好，我是你的長期支持者，見到你書《大富翁致富藍圖》，好耐之前已有提到1137，見到香港電視服務越來越多人用。
數據也顯示增長算高速，最近股價表現也算不錯，留意到全球網購股表現都不差，你覺得這股可取嗎？
龔成老師：
香港電視（1137）的網購業務，經過了多年燒銀紙後，開始進入了初步有現金流的階段，相信往後會正面。
這股仍然有潛力，不過股價都升了唔少，你要平衡投資值博率，以這刻的股價來說，小注好了，但就值得長線投資。
------------------------------------------------
Q12353：
你好 我係一個投資新手 而家20歲 學生 月入夏天可以去到25000 冬天就10000左右
岩岩畢業出黎唔係好識理財 跟人去賭輸左幾萬 最近見到老師既影片知道投資可以令財富增值 所以去書展買左（財務自由行）、股票勝經同年報 希望可以增值自己 我有幾個問題想問老師
1.因為我的年齡屬於進取型 咁如果我想月供股票可以咁配置嗎 2800 2000 中生2500 比亞迪 2500
2.我冬天搵唔多 咁配置變為 2800 1000 中生2000 比亞迪2000
3.我想5年內有100萬會唔會好難 考慮到 我的股票有兩隻係潛力股
4.我想問下老師 金沙定銀娛會適合我多D
感謝老師
龔成老師：
1）比較好的做法，是盈富（2800）$4000、比亞迪（1211）$1500、中生製（1177）$1500。
2）你可以根據我上述月供的基礎，每隻減少少金額。
不過，你要在月供的同時，留有一定的現金在手，這是等機會投資之用。
3）你最好每月留有一定的現金，如果你以一年計，月供的總金額去到$60000，而現金儲到$40000，只要好好運用餘下的現金，你仍可以在5年內滾存到$100萬，不過你就要提升投資實力，在選股、投資時機上把握得更好。
4）銀娛（0027）可以是其中一個選擇，你要開始學習設計一個適合你的組合，平衝風險之餘，爭取一定的回報。
------------------------------------------------
Q12354：
龔成老師，小弟昨天入了20萬股2662 價位1.3，現在停牌了，請問你點睇，謝謝
龔成老師：
承興國際控股（2662），因為佢有資產管理公司，入稟香港高等法院，向主席羅靜及佢旗下持有承興上市股份的私人公司，追討約41億元人民債務。
其實之前股價暴跌，都知一定會仲有事，這類股風險好高，因為無人知最後會發展成點。呢間公司本身好細，每年盈利約$1億，更出現負現金流的情況，而停牌前市值只有$12億。
暫時只有等住先，就算復牌，其實都幾煩，這類股賣出較好，但就未知到時價位。
------------------------------------------------
Q12355：
龔成老師您好。由你第一本書開始拜讀至fb專頁，可惜吸收了卻沒法持續實踐。
多年來事願願違，太多意外事件支出/生意失敗及轉工轉行讓資產倒退至負債40萬，想很久仍想不通，敬請給予意見?
46歲，新工作月入15,000(間中OT及其他收入，平均多1至2千元)，與年老父母同住，但應該只可多住1至2年。
物業已沒有了，股票只淨下幾手貿易通。每月必要支出後只能盡儲2,000元，但未來幾年又有迫切需要與女友旅行結婚。
請教明年/後年搬離原址，如何以股票方式抵銷昂貴租金(亦因曾多年前破產未能申請居屋，估計銀行不批按揭)?
負債每月攤還，有望幾年內還清。但暫時不敢奢望到退休年齡時財務自由，希望努力建立少少資產，讓日後可以正常生活。
當局者迷，請教如何入手、逐樣解決目前財務危機?請提供意見，感謝
龔成老師：
由於你股票不多，要利用股票所得去抵銷昂貴租金，並不容易，亦不建議你因為這原因，而強行投資高風險的類別。
這刻要從基礎開始，儲錢，慢慢還錢，累積資產。坦白講，你這情況不能過急去解決，而你這刻財富不多，可以錢滾錢的力量有限，這刻只能從基本的儲蓄開始，同時你應投資平穩增值類股，不能過急。
另外，你要想方法增加收入，兼職又好，小生意又好，你要總結過往做生意的經驗，這次唔好投資太多資金，只要你成功擊中市場，其實小資金都可以爆得好勁！
------------------------------------------------
Q12356：
我是你股票班的學生，本身我是股票投資初哥一名，經過課堂之後，了解到月供股票的好處 ，現在有此計劃，希望問問你實寶貴意見 ：）
* 我兩夫妻 男46. 女41. 無小朋友
* 有2個未供滿的物業收租
* 自住地方是租的
* 2人每月可儲 28-30K 左右
現計劃月供 領展，煤氣，長和，中電，每隻每月4K，共16K , 其餘儲現金
以3年計算 ，本金大概100K . 希望透過月供股票達到平穩增值 。希望3年可以本金＋增值有130K .. 請問這是否好行 ？
另外 ： 領展，煤氣是確定會月供的
長和001，中電，港燈，電能 ，HSBC
要5選2的話，應該如何選擇 ？
先謝謝你的解答 ：）
P.S 年報勝經是我一直期待的書 。謝謝你的用心
龔成老師：
你每月供$16000，上述都是平穩增值類的股票，要3年的本金有$57萬，以合理增值計算，這部分大約會滾存到$70萬-$85萬。
你可以供領展（0823）、煤氣（0003）、長和（0001）、中電（0002）。
月供是長期計劃，你只要唔理中短期的價格，保持進行長期月供就得。
另外，現時大市處合理區，可以一邊投資一邊留現金，而餘下現金的運用，就是等大跌市時出手，如果你這段時間把握到買入時機，會令你的財富有更明顯的增值。
------------------------------------------------
Q12357：
龔成老師，你好！本人42歲是一名家庭主婦有兩位小朋友剛剛升中學。
本人有儲蓄20萬
現時每月可以有儲2萬
我是甚麼都不懂，想請教老師，我怎樣可以增加財富，能夠日後供兩位孩子讀書或買樓，請問供股是甚麼？供多少時間？我從哪裡去設戶口呢？
不好意思！太多提問
麻煩老師辛苦哂！thx!
龔成老師：
暫時建議你留低$20萬現金，唔需要心急動用，這部分的資金等跌市先用，同時，你要在這段時間好好學理財、投資，等你有基礎知識，先動用這筆現金。
至於$2萬每月的儲蓄，建議你做月供股票。
簡單來說，月供股票就是你每月將現金，買入某一隻或多隻股票，慢慢咁樣儲貨。坊間不少銀行都有提供月供股票服務，你先開證券戶口，然後登記做月供股票。
形式就是每月投入相同的金額，買入同一隻或多隻股票，並持續進行。
例如，每月以相同金額$10,000 買入盈富基金（2800），假設第一個月股價為$25，就能買入400股；第二個月升至$35，就能買入286 股；第三個月跌回$30，就能買入333股。
總結這三個月，投入了的資金為$30,000，累積股票為1019股，平均買入價為$29.4。
由於月供股票每月投入的金額相同，因此當股價上升時，買入的股數自然減少，而當股價下跌時，就自然會買入較多股數，如同自行調節一樣。
要注意的是，由於每月持續投入資金，因此一定要選優質股，長線投資，同時要以儲股票的概念進行，最少持續供3 年以上，之後持有5年以上。
你可以去了解銀行及證券行，去開一個證券戶口，並準備做月供股票。匯豐、南洋商業都得。
然後，你將每月的$1萬，去做月供股票，供盈富（2800）。對初階投資者來說，月供股票是一個很好的累積財富方法，因為可避免你一次過在高位買入的風險。
原理如同儲錢，不過就不是儲現金，而是儲股票。計劃要長期進行。
另外，盈富是一個組合，適合絕大部分人投資，風險不高，長期儲貨可助你財富平穩增值，記住要長線持有。
同時，你可以睇下書，例如《股票勝經》、《80後百萬富翁》，以及上我的課程亦可。
------------------------------------------------
Q12358：
老師，709現價值得買入作長線投資嗎？
龔成老師：
佐丹奴國際（0709）是不錯的收息股，但進攻方面則較弱。
你睇翻佢的財務數據，可以見到佢近幾年的生意幾乎無增長，雖然盈利有上升，但不多，只是一些基本的增值。同埋，佢的派息比率好高，作為收息當然不錯，但你可以見到，管理層將大部分所賺到的盈利，都用作派息，保留盈餘好少。
即是管理層都無乜心想發展，只想守住原有的地盤就算。所以，這股的進攻力有限。所以如果只是收息，佢可以的。
近期香港零售市道較弱，相信會對佢造成中短期股價影響，但長遠仍是不錯的收息股。
------------------------------------------------
Q12359：
想問939買得過嗎？
龔成老師：
建行（0939）有長線投資的價值，但佢的企業規模已經十分大，增長變得有限，若投資這股，焦點應放在股息，不要對股價有太大的期望。
現時股息率5%，算是合理價，可分注投資，長線投資。
------------------------------------------------
Q12360：
龔sir想問 我一路月供開66 同823
依加覺得現價偏貴
你會覺得 我應該停供 供另一類優質股
定繼續供落去？
另外建議好唔好放左佢 入另一隻？
龔成老師：
領展（0823）現價有少少貴，港鐵（0066）現處合理區上部。
雖然這刻都唔算平，但這兩股都是好優質的股，同時我地進行月供股票，應該長線投資，唔需要理會中短期股價，就算中間有時股價略貴，都可以供，因為只要長線，買入價就能平均。
同時，這類優質股，股價好難大跌，所以你停左有可能之後都是買唔到。
如果這兩股佔你月供與組合金額好大，你就可以減少少金額，否則繼續。
----------------------------------------------
多謝各位提問，若然你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網的，當然，會將發問者的身份，以及有關個人的部分刪去。
另外，由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。
