《最佳位置》
♂：早晨
♀：早晨
♂：我想問，尋日你同邊個食飯？
♀：你唔識既人
♂：係唔係你處理緊既人？
♀：係
♂：明，我都係得個知字
♀：我性格唔會同人交代晒我所有野
♂：我知，所以我依家會直接問
♀：咁你知道個答案，然後呢？
♂：無乜然後，我地依家係朋友關係嘛，好奇問一句，然後我知道答案，就係咁簡單
♀：點解我覺得你發緊脾氣？
♂：感覺有少少唔好，不過我相信係人之常情黎，面對一個鍾意既人佢有自己生活，呢種感覺都幾難釋懷，但我睇透左一樣野
♀：咩野
♂：位置係好重要，所有問題都係基於係錯既位置做錯既野，我自問都係一個好灑脫既人，或者我將自己位置放錯左，搞到我做乜都錯晒咁
♀：所以你覺得正確位置係邊？
♂：朋友呢個位置係幾好，起碼我唔會怕，唔會猶豫去問下朋友去邊，同邊個一齊等等
♀：有時我都好困擾，我唔想你唔開心，但又唔想呃你，所以我選擇唔講
♂：你唔需要困擾，我覺得慢慢黎，如果你係覺得可以發展既咪再改，我諗左成晚發現，我地係發展得太快，或者一時之間既爆發同激情令我地做錯左
♀：慢慢黎，你覺得可以？
♂：總好過大家夾硬去就，搞到兩個人都好唔妥咁
♀：你係唔係發生咩事？
♂：真係無，乜一個成年人去睇呢件事，唔係應該做呢個決定咩？明顯我之前做既野好細路仔，好唔成熟，我睇返都覺得好討厭
♀：所以你要做返成年人要做既事？
♂：嗯，我知你有遷就我，我唔想你再遷就我
♀：我之前個個仲有搵我，佢想同我一齊，但我都係話做朋友就算
♂：你無須同我交代，但如果你想講佢既我都好願意聽
♀：好，我明你既邏輯了
♂：其實我真係想同你講我真實既感受，同埋唔想你難做，好似我地一開始咁講，我地坦白少少，最近我地好似好多心事唔講咁，都唔知為乜
♀：尋日我其實好想你係我身邊
♂：我都好擔心你，換左衫準備出門喇，最後我連你係邊都唔知
♀：當時佢都係度，如果你黎左咁就好似好尷尬
♂：明啊，大約都估到，我想講如果你想揀佢我都無問題，會為而高興
♀：認真咩，呢種事唔好講反話喇
♂：我想你係因為想同我一齊而一齊，你做咩選擇，只要係你想既，咁就得
♀：好
♂：晚安
♀：晚安
#長傾不見 #蔣薇 #小說 #故事 #好久不見
未睇過既重頭睇：
https://www.patreon.com/maydreaming/posts?filters[tag]=長傾不見&sort=published_at
做乜都錯 在 返工無論做咩都係錯- 工作板 的美食出口停車場
我係個外人，無論做咩都錯，隔離成日返工用公司電話打俾另一個同事有說有笑我冇出過聲，但我只係一次戴住耳機打俾frd就唔得。A佢食飯時間大大聲鬧爆屋 ... ... <看更多>