昨天一条post了一條片，介紹「中國台灣」東海大學，圖窮匕現讓一眾台灣朋友如夢初醒，發現所謂的清新，其實是統戰。
是的，現代社會誰要武力侵略了？用經濟用文化統戰才是王道，攻城為下攻心為上，不戰而屈人之機，係高手。
七月時寫了這篇文，上星期還是全個facebook都係唔同框嘅陳奕迅講英文。我恨大陸統戰、我恨偽文青矯情小賤人卻沒有文人的氣節與風骨，但我更恨我們媒體的不思進取得過且過，要是有認真做內容，人地點打得入你的銅牆鐵壁？我是恨鐵不成鋼。
未來的統戰會越走越清新，畢竟要包裹毒藥，還是需要好糖衣，「你積埋積埋覺得無古怪即時certified 」，未來呢場仗，點打？我一個萬世師婊也婊不到多少個呢啲維穩媒體啊...
#免費午餐總是最貴的
#係呀我真係不計成本想做好嘅內容俾你架
#係呀我真係唔計較名份想同你喺埋一齊架
#上左床自然會掀被
#一向都係呢招
#係大家一向咁傻相信
#佢同其他嘅唔同
#佢係真心對我好
#寡人笑L左
#我睇返以前啲文真係婊力四射
#下下都群嘲
#呢條友真係無總掣架
最近有一個專頁正在強勢掘起，「一条」這個來自上海的專頁你未必會聽過，但相信大家都有看過這個媒體的《一個女人與狼、七年傳奇故事》的紀錄片，當中那匹狼到底有否如此靈性，懂得在作為野生動物畫家的女主角扭傷腳後會去找匹馬回來？我可不知道。相較之下，似乎香港的狗大部份都屬於重度弱智，起碼我屋企那隻養了18年的死鬼老狗，在我扭傷腳後，只是會很體貼地咬著狗帶，提我就算跛了也得帶牠去散步。
話說，她有沒有想過自己可能是變種特攻的一員？當畫家當到可以教狼堵洞捕獵了，這可不是一般正常人可以掌握的技能吧？呃，抱歉，或許是我不夠包容，我對於「紀錄片」的定義還是有點執著的，起碼不能為了煽情而在主情節上添加天馬行空的創作。不過，我很認同片中結尾的一句話「或許人比狼高等，但狼比人高貴」，是的，狼不會說謊造假，但人會。
最Ｌ憎人呃我了。
說遠了，其實我不是想要寫文章婊一条的，我覺得這種正能量文青風的影片，其實很適合那些矯情的偽中產小賤人收看，現在網絡世界太多這些人，把它們關起來坐埋一枱，也著實是功德無量。
我想婊的，是那些看到一条的掘起，然後把它和本地媒體比較，並得出香港人唔deserve好內容、港豬普遍品味低劣這些結論的人。我認為比較是沒問題的，唔怕貨比貨，最怕唔識貨，大家比較過才知道誰強誰弱。
但問題是你左一句港豬、右一句垃圾，把香港媒體和香港讀者踩到一文不值，我對這些食著香港文化水，卻又打從心底討厭香港人的傢伙，非常看不過眼。首先，每個地方讀者都有不同的性格和取態，大家都知道台灣朋友俾like好爽手，但你旨意香港讀者俾like，喊破喉嚨都冇人聽到，對香港讀者要draw engagement係唔易架，家燕姐都有教「人若要創造成就要花點心機」，喺你話讀者唔肯俾like你的時候，你有冇反問自己每日花幾多心機，去回人地啲留言先？我做自己呢個page真係會睇晒，再盡量唔hea覆所有留言，因為我知道你地班hihi根本唔會輕易留言，你留得真係好俾面。我唔覆你，你下次唔留，再下次唔like，從此facebook就唔會再派我的更新俾你。讀者自己唔識得緊張你個page，咪自己幫佢緊張自己個page囉，幸福要行多步嘛，嘈咩姐？
其次係你話香港人無文化、唔鍾意睇文化野，媒體做文化內容實乞米。係，今次你岩。香港人隨時去泰國多過去香港藝術館，但文化呢啲野雅俗共賞架姐，香港人唔係唔鍾意睇文化野，而係唔鍾意睇矯揉造作的文化野。你好地地寫篇文唔得嘅，係要死拋書包故弄玄虛，個個中文字我都識，連在一起我就冇一句明，你叫人點like得落手？想寫呢啲野就去大學寫論文啦，facebook係社交媒體，冇人想同孔乙己做朋友架。
最後，你話香港人唔deserve好內容，我覺得兩睇啦，如果你話一条係好內容，那我倒真的認為你是品味低劣的港豬了。好，我唔再鞭屍那條「紀錄片」，早幾日7月6號又出左條新短片「別人家的孩子」，去到最尾先發現原來係7UP贊助的廣告，你望下經常被嘲諷品味低俗的100毛廣告，全部都會在開頭講到明係贊助。相較之下，淨係呢點已經是一個很嚴重的操守問題，本地土炮100毛會做柒事會偷圖，卻不會說謊；但你的一条會。水至清則無魚，每當我聽到「文化清泉」這四字，還是會留一點心眼。
#你估我唔知少人睇我講藝術的post咩
#我係要講呀你吹咩
#想睇我婊人你就預左每兩星期食一篇文化遊記
#我盡量寫得有趣架啦
#我唔信我介紹唔到一幅可以感動你的畫
#你同我鬥持久真係買棺材唔知訂埞
#群嘲技能全開
#擺明射你一臉
#不用搶
#人人有份保證雨露均霑
#我啪定一打蠔等你
#內地媒體始終有被統戰的機會
#今日唔統聽日都會統
#你信佢就真係豬
係大家一向咁傻相信 在 倫敦人妻先生手記- 昨天一条post了一條片，介紹「中國台灣」東海 ... 的美食出口停車場
用經濟用文化統戰才是王道，攻城為下攻心為上，不戰而屈人之機，係高手。... ... 係大家一向咁傻相信 · #佢同其他嘅唔同 · #佢係真心對我好 · #寡人笑L左 ... <看更多>