【香港的悲哀】
國學大師住宅地段，比國學大師的生平更矜貴。
以為得《蘋果》報道咁goodest？其實《信報》的視野也一樣傲視同儕：
///饒宗頤晚年居於跑馬地雲地利道雲暉大廈，有傳媒曾報道指2016年，饒宗頤家族再於跑馬地雲暉大廈入市，當時土地註冊處資料顯示，跑馬地雲暉大廈C座高層1室，面積1335方呎，以3850萬元售出，呎價28838元，新買家姓名饒清綺及饒清芬，與饒宗頤兩名女兒中英文名相同。//
http://www1.hkej.com/.../%E6%9B%B8%E9%A6%99%E4%B8%96%E4...
#饒教授RIP #雖然公關仔無咩墨水但細個都有拜讀過大師嘅作品
拿，唔好成日話我收肥佬黎錢啦，蘋果寫得唔好，我都會鬧。
呢篇係暫時2018年我見過最無禮的報導。
國學大師饒宗頤是文化界的泰斗級人物，任誰拎住枝筆寫呢位大師的訃報，理應都感到嚴肅沉重，我地姑且欣賞一下蘋果日報呢位記者朋友的鴻文。
「女兒發現父親在雲地利道寓所暈倒，昏迷不醒，報警求助」我想問呢堆字係咩意思？暈倒就梗係昏迷不醒啦，你搵一個暈倒但唔昏迷嘅人黎俾我睇下？另外，句報警求助係咩事？邊個報警求助？
下一句，「救護員到場（後）將饒宗頤送律敦治醫院」送墨寶俾醫院我見得多，今次連國寶級人物都送埋過去，真係令人大開眼界，所以話一百歲唔死都有新聞就係咁解，駛唔駛叫院長出黎簽收？家陣販賣人口呀？送往律敦治醫院呀天才！不過咁講，其實我都好開心見到蘋果日報展現多元共融的一面，畢竟請個文盲黎做記者真係唔容易，陣間記得將呢個同事送奧比斯啦！
第一段最尾嗰句，我想問下八月過生日，都過左半年，點「剛過」？你由邊個次元穿梭過黎架？算，依家興穿越，我唔怪你。但介唔介意解釋一下佢上年八月過生日同佢昏迷送院有咩關係？如果無關係，你寫黎托呀？依家小學生作文唔夠100字，死要佔字數嗎？
至於第二段，竟然係講樓價，真係完全反高潮！喂，大佬呀，關樓價咩事呀？點解唔係講佢有咩著作、對人類有咩貢獻，而係講間屋值幾錢呀？以後係咪香港的墓誌銘全部寫生前住邊尺價幾多？堂堂一個國學大師，死後被媒體報導的竟然唔係佢嘅學術著作，而係佢住嘅樓值幾錢，簡直係一個侮辱。
最後，蘋果的記者朋友，人妻先生想要投稿爆相爆片！
標題：［大愛共融］末期語癌文盲追夢成功當記者
相呢，我cap左下面呢張！好爆，真係眼火都爆，你敢唔敢登？至於稿費，你叫會計部唔駛出俾我架啦，直接入落奧比斯啦下～
#知唔知個醜字點寫
#國學大師的訃報你出到鬼五馬六
#對住全港幾百萬人你寫啲咁嘅垃圾出黎
#你之前做U字頭定新字頭
#啲編輯去晒邊
#去晒殉葬呀唔對稿就俾佢出街
#仲好意思寫更新都唔執過篇文
——————————————
（以下係好odd 的廣告時間）
今個星期五，香港時間晚上7:30，人妻先生專頁三萬like感謝活動，開live約定大家一齊煮煙三文魚意粉！
請大家自行準備以下材料：（2人份量）
意粉180g
橄欖油少許
初榨橄欖油少許
鹽、糖及黑椒碎少許
蕃茄兩個
茄膏2茶匙
蒜頭一瓣
意大利什香草少許
雞精1/2粒
紅酒半杯
洋蔥一個
甘荀一條
真·牛油一片
車打芝士（少許）
熱水一公升
煙三文魚200g
檸檬半個
預計時間：20-30分鐘
中英文茶學術語 在 [新聞] 救救菜英文專家籲：以聲音學英文先「Re - 看板Gossiping 的美食出口停車場