有日有位先生同個婆婆一齊嚟到診所。
婆婆篤住柺仗慢慢行去坐低，先生就行過嚟登記處～
先生：「我阿媽要填呢份表，仲話要照肺」
我：「好呀，麻煩你俾佢嘅身分證明文件我做登記啊」
先生擰轉頭嗌過去：「喂，身分證呀！」
婆婆慢慢摷身分證，先生唔耐煩行埋去：「搵張身分證都咁耐，你阻住人呀！」
我：「唔緊要呀，唔急呀，慢慢呀」
先生擰轉頭同我講：「係我急呀！」
好大嘅官威啊！我收聲～
先生拎到身分證之後，再行返埋嚟登記處，我啱啱先開始登記緊個中文名～
先生就急到瀨屎咁款問我：「要搞幾耐呀？」
我：「登記就好快嘅啫」
先生：「填呢份嘢呢？」
我：「呢個都要三四日啊～因為仲要等XRAY報告返～」
先生：「一份報告要等幾日？」
我：「係呀，因為要佢哋嗰邊嘅醫生出返份報告，再送返過嚟，你預三日就穩陣啲」
先生：「打幾隻字都咁耐？就咁話冇事咋喎唔係咩？」
我：「咁佢哋唔係淨係得一份報告要出㗎嘛」
婆婆開聲：「你急咩呀？我都就死㗎啦！等幾日你都等唔到啊？」
先生擰轉頭回應：「你死還死呀！唔好死喺屋企呀！你過到去先好死呀！」
…呢個係咩對話啊…
婆婆：「你就咁我驚死喺屋企呀？」
先生：「間屋仲要賣㗎！你死都死出去啦！」
婆婆抿抿嘴：「係囉係囉，屋呀？你老豆走嗰時你話會照顧我，佢先肯寫你名呀！」
先生：「我而家冇照顧你呀？我有俾飯你食有俾衫你著呀！我係叫你唔好死喺屋企，死出去啫！你死喺度個價會冧㗎！定係你要我賣埋個老婆去補你死喺屋企條數呀？幾廿歲人用吓個腦啦！」
婆婆唔出聲了。
阿先生老婆，你好似搵機會走好啲…
xray中文 在 Minecraft-(當個創世神)"You Thought I Used XRAY 你認為我用 ... 的美食出口停車場
... <看更多>