推薦皮薄彈牙鮮蝦紅油抄
-
今日天氣好凍，夜晚媽咪又去咗朋友屋企幫忙搬家，所以我同家姐就自己落街買野食。係附近行行下就比呢間紅到好有聖誕feel嘅中式餐館吸引咗眼睛👀，反正都未諗到食咩，就一於買佢黎做我地嘅晚餐。
-
✨麻辣雲耳青瓜 $32：
少麻少辣嘅青瓜，好爽脆。加埋細細粒好得意嘅小雲兒，作為前菜非常開胃。
-
✨鮮蝦紅油抄 $45 8粒：
啲皮好薄好薄，啲蝦好彈好彈，一啖一粒啱啱好，d紅油又唔會好辣，我同家姐都好中意。
-
✨自家製XO醬蝦球撈麵$68：
咬落索索聲嘅撈麵，柔韌有致，蝦球雖然冰鮮，但係好彈牙，而且自家製XO醬超惹味，撈乜都唔會輸。
-
✨隨你喜歡三餸一麵$56：
可以自己揀材料，而我哋就揀咗鮮蝦菠菜餃、粟米香菇豬肉餃，同埋自家製豬軟骨，三款裡面我最中意鮮蝦菠菜餃，皮薄得黎，蝦同菜比例啱啱好。湯底有七款選擇，喺店員嘅推介底下我哋就揀咗美顏骨膠鮮魚湯，整體幾鮮美，唔錯。
