【寓工作於娛樂：香港免費Spa】
早前去咗一個完全諗都冇諗過去嘅地方影相，估唔到咁正。重點係唔影得相嘅Spa Pool，呆浸一粒鐘，放空冥想乜都好，舒服到不得了。
初頭一嘢接咗幾個關於香港本土旅遊嘅Job，諗落覺得好無聊，係就係為舊錢而做，自以為成日周圍走嚟走去，香港仲有咩地方冇去過丫？但係，我冇諗過因為呢堆Job，帶我去咗好多住喺香港咁多年都冇諗過，甚至聽都冇聽過嘅地方，更加唔講唔知自己喺香港，好似去咗外國咁。
近年將一個地方冠以「隱世」，可能真係會俾人圍攻，亦都覺得俾人濫用咗，但無可否認真心去搵，原來香港有好多地方可以俾到一種去旅行嘅感覺，講緊可能搭一個鐘頭車就到。
記得以前做旅遊記者時，去到外國同啲PR吹水，佢哋會好驚訝點解你班友可以搵到咁多自己冇聽過嘅地方，原來易地而處自己喺香港，都有好多新奇地方等緊你去發掘。或者，無端白事你唔會諗到去，去完又覺得幾正嘅。有機會，稍後陸續同大家分享。
講咗咁耐，呢度係屯門嘅T Park，一個利用污泥廠做再生燃料嘅園地，就算你對背後理念完全冇興趣，走嚟行吓個公園、浸吓個Pool、食吓佢間無敵海景餐廳（難得唔算貴），都可以俾你放空到半日。喺V City有免費穿梭巴士直入，但事先要去佢個網度book。
如果真係book唔到架車，你可以行一個鐘去龍鼓灘或者下白泥，下次我想試吓行下下白泥，又或者試吓喺度睇日落，分分鐘個view仲正過下白泥。
【優惠延長唔好錯過📖‼】
新春優惠反應熱烈，再次加推：goo.gl/frbBmf！
🔔台灣書局兼網上平台亦已經上架，可去文中連結購買：goo.gl/xzCymP
【IG請follow】www.instagram.com/travelerwithmovie
#Tpark #有故事的旅人 #香港遊
