#小編去開房 之 北角Hyatt Centric一泊兩buffet實測 I（勿相認thx）
琴日就介紹咗個flyagain限時獨家Hyatt Centric優惠，$882起就包兩餐buffet+住海景房！平就真係好平，但有冇伏呢？而家小編就身先士卒現場直撃！🤓
🎊優惠詳情🎊 https://flyagain.la/89701
🎊預訂網址🎊 https://flyagain.la/bp1z
📍位置及交通
Hyatt Centric位於北角碼頭旁，交通真係好方便，地鐵A1出口行前少少轉左就係酒店啦～不過小編搭巴士，再行出少少英皇道就大把巴士，電車都有！
🍱自助午餐
未有咁快check in，食完個lunch buffet就剛好啦！小編目測今日lunch buffet入座率都幾高，都應該有8成以上。唔想排隊攞嘢食，小編建議一開始去咗熱食區先，熱食區喺The Farmhouse的尾位corner位，都有幾多選擇，韓式粵式印度西式都有，詳情可見圖+caption～
食完熱食就去拎冷盤，魚生有4款揀：三文魚、吞拿魚、希靈魚及𩶘魚，佢都切得幾慷慨既，塊塊厚切，但味道就唔係好濃，只有淡淡魚香。另外仲有芝士、火腿、煙三文魚、沙律、少量海鮮、壽司、冷麵等。
而甜品方面選擇就多好多啦，有多款蛋糕、Gelato雪糕、、西班牙玉桂條、千層酥、砵仔糕、布甸、冬甩、糖果都有，款式多多，淨係食甜品應該都已經會飽😂 小編覺得甜品比起熱食略為遜色，不算突出，有幾款係好食既，詳情可見圖睇caption。
環境方面，The Farmhouse以農家做主題，都不乏農村裝飾，別有風味。坐得舒服，餐廳外就係對住海，但可惜因樓層較矮正對住東區走廊，海景唔太好睇🙁 餐廳設有戶外座位，帶住毛孩就一定要坐出面啦，另外食煙位都係出面。出面有度假村feel，幾chill，但今日太大風了，小編都係揀坐入面好啲😅
服務方面，職員都好有禮貌，好耐心解答小編（弱智的）提問🥰 但收碟同refill水的速度就較慢，有時要叫佢先會幫你。枱面都有消毒紙巾同口罩套提供，出去拎嘢食都有專人幫你噴手先，係貼心既🤩
未完待續…
the farmhouse好食 在 香港自助餐及放題集中討論區 - Facebook 的美食出口停車場
上年試過兩日食哂兩間grand hyatt嘅buffet. 發現兩間都好食嘅不過grand cafe多元化啲. 想問下大家最近有冇食過. 覺得質素有冇變差？ ... <看更多>