大片人人講，我冇嘢好講。
呢齣冇乜人講，我講兩句。
上映第一日（中秋翌日）就買飛睇——場次少到。
等到下星期？只會更難買飛。
可能假期，全場80%滿，但你會感受到場內觀眾那份不耐煩，有不少還發出㗩㗩聲。
或許因為大家都以為自己入場睇《賭神》。
《撲克神算師》（The Card Counter），Oscar Isaac，演一個坐過八年監的美軍，坐監原因：曾經在軍營虐待伊拉克人。
坐監期間冇嘢好做學識數牌，出獄後，便留守不同賭場，賭完，返Motel瞓，特別在，他會用白布將房的枱枱凳凳覆蓋，不是防疫不是美學追求，而是為了統一 / 減去顏色，監獄沒有顏色。
令我第一日就衝看的原因只有一個：Paul Schrader，就是當年《的士司機》（Taxi Driver）編劇。這一齣，他自編自導。
如果《的士司機》的Travis由始至終都想證明自己存在過，《撲克神算師》的William，就只想極力抹除自己存在過的污跡。
在《Dune》裡Oscar Isaac近乎無戲可演，在這齣低成本非話題電影，你反而可以如實看見他雙眼，雙眼照出這個正在努力贖罪的遊魂。
最後補句：全片個Tone係偏向悶嘅，不過我份人好抵得悶，睇《Solaris》一開場嗰條長時間在水蕩漾的草，我也看出趣味。
taxi電影 在 【歐美電影】終極殺陣1「Taxi」《電影預告》480P - YouTube 的美食出口停車場
上映日期：1998年6月27日相關資訊：http://app.atmovies.com.tw/movie/movie.cfm?action=filmdata&film_id=fTatm0874226】劇情簡介】 丹尼爾曾是被 ... ... <看更多>