關於 stellasheaa荃灣 ，我們在網路上蒐集到這些相關的討論、資訊與評價

🎏高山老街食の祭x宮川朝市週末市集🎏
上次去完佢地嘅「十分天燈夜市」之後，知道佢地今次再有以日本為題嘅「高山老街食の祭」當然要再去睇下有咩食啦！
今次個裝修佈置完全唔同！比上次做得更加細緻！入口位置有大大個日本城郭大手門，旁邊仲有個日式人力車，好多人輪上去打卡！行入去當然係一排長長嘅日式小商店啦～
⛩⛩⛩⛩⛩⛩⛩⛩⛩⛩
小食街入面大概有14個攤位，當中有飛驒和牛漢堡、焦糖厚燒玉子、章魚小丸子、銅鑼燒、麻薯曲奇、鯛魚燒雪糕、日式雞桶、關東煮、多款串燒同大福等等～
款款都好吸引～忍唔住掃咗幾款試吓！
最令人滿足嘅絕對係和牛漢堡！製作其間已經聞到好香嘅漢堡味，漢堡扒香嫩有肉汁，再配上芝士，太邪惡喇！
之後有大大粒嘅章魚燒～ 再配上松露沙律醬，絕對係飽肚之選！
燒雞皮餃子同鯛魚燒雪糕喺同一個攤位，店主好好人～等緊佢燒雞皮餃嘅時候聊咗吓，無得現場食對生意影響都大，希望佢維持得到啦！雞皮餃外邊係薄薄一塊雞皮，入面係肉餡，唔會有任何肥膩嘅感覺，好特別。而鯛魚燒雪糕比較唔方便嘅地方係，買完要即刻出商場食⋯
甜品方面，仲試咗伯爵茶味糯米糍～糯米糍好軟綿綿，帶淡淡伯爵茶香。
另外仲試咗杯櫻花鮮奶咖啡，加入咗粉紅色嘅櫻花糖漿，咖啡好香滑～又靚又好飲！
🍔🍘🥟🐙🍹 🍔🍘🥟🐙🍹
部分攤位喺以下時段仲有套餐優惠添~
午市(12:00-14:00) 、 晚市(17:00-19:00)
-捷榮居 / 捷榮茶作
午市:金箔日式芝心牛肉漢堡飯團 + 單點雞翼一款 + 特飲x1 $48 (原價$84)
晚市:金箔日式芝心牛肉漢堡飯團ｘ２＋７式雞桶＋啡/茶/罐裝飲品(100PLUS 或TW POP 咸檸梳打) X2 $120 (原價$180)
-犇道
所有套餐/漢堡包類均送果汁飲品1罐
任何消費滿$200 即送松露玉子燒/燒年糕一串
Follow Ig同Fb，即減$5蚊
-素晴らしいナッツ
買滿＄50 送多1件
🥳🥳🥳🥳🥳🥳🥳🥳🥳🥳
「宮川朝市週末市集」(週末限定）
由3月27日至5月16日，去完食街之後仲可以行埋市集～ 以「 日本三大早市」之一的宮川朝市為主，模仿日本「宮川朝市週末市集」，用白色帆布搭建出小帳篷攤檔～
市集入面有好多不同類型嘅產品，最可愛同搶眼嘅係一系列嘅招財貓～另外有檔手工製嘅袋都好靚～其他檔攤仲有保鮮花、醬料、食品、咖啡、酒類、小盆栽等等⋯今個星期未諗到活動嘅就可以去行下喇～
📍📍📍📍📍📍📍📍
D‧PARK愉景新城
@dparkhk
香港荃灣青山公路荃灣段398號　
📍📍📍📍📍📍📍📍
👉🏻想睇更多吃喝玩樂資訊？Follow我啦！
FB：stellasheafoodiary
Ig： stellasheaa
Blog：Stella's hea食玩部屋
YouTube : https://www.youtube.com/channel/UCXPATomyWsZumEe4cT4OBEw

🤴🏼小王子x 新燒肉餐🤴🏼
食過返尋味！今次見到炑八有新燒肉套餐推出～仲要係同小王子聯乘～行到門口已經見到好大個小王子打卡位～另外，叫野飲嘅時候，餐牌都好特別，第一頁打開係有個立體小王子！做得好有心思！
🤴🏼🤴🏼🤴🏼🤴🏼🤴🏼🤴🏼🤴🏼🤴🏼
同上次一樣，一坐低就會送上多款前幾，同幫我地準備好爐邊蛋同芝士粟米～必須要提多次，依兩樣都係任食㗎！另外仲有好多前菜都一樣可以無限添加～
🧀🧀🧀🧀🧀🧀🧀🧀
分別有2款套餐，而我就揀咗以下依款：
FriendTastic．燒肉套餐 $698
韓牛西冷
蔥蒜牛五花
大蔥牛舌
韓牛前胸肉
醬油霜降牛小排
厚切！黑毛和牛
辣炒年糕
🥩🥩🥩🥩🥩🥩🥩🥩
單點飲品:
B612玫瑰梳打 $38
無花果梳打 $38
🍹🍹🍹🍹🍹🍹🍹🍹
FriendTastic．燒肉套餐 屬於3-4人套餐～分別有6款肉類，再加一份辣炒年糕。喜歡牛嘅一定會好鐘意呢款套餐，因為唔單止全部都係，仲要連擺放牛嘅盤子都係牛牛造型！好可愛！
🐮🐮🐮🐮🐮🐮🐮🐮
韓牛西冷大大件~牛五花肥瘦適中，加咗蔥蒜好惹味～大蔥牛舌薄薄一片，又口爽脆香嫩～睇到醬油霜降牛小排上面嘅雪花，就已經流晒口水！最重要嘅，當然係厚切！黑毛和牛！底面輕輕燒過，唔需要加任何調味就已經夠晒好食！
套餐仲有碟辣炒年糕，再加埋可以任食芝士同爐邊蛋，所以完全唔怕唔多飽！
🥩🥩🥩🥩🥩🥩🥩🥩
飲品方面，仲試埋2款新野，B612玫瑰梳打同無花果梳打～兩款都好解渴，而我就當然比較鍾意玫瑰梳打啦，飲落有淡淡玫瑰香，真係又靚又好飲！無花果特飲比較少見，飲落真係有無花果味㗎～仲有幾塊無花果食添！有驚喜！
🍹🍹🍹🍹🍹🍹🍹🍹
（鍾意小王子嘅記得留意）
其他相關聯乘活動:
1) 隨餐加$98可換購限定珍藏版小王子發光座檯無線充電器
2) 每售出一個燒肉套餐，炑八韓烤即捐出HKD$10作購買「小王子」書本用途，並將書本捐給「香港樂童行」機構
3) 16間分店由餐廳裝飾到食物擺設都可以近距離接觸充滿聖誕元素的小王子
📍📍📍📍📍📍📍📍
炑八韓烤 (荃灣)
荃灣楊屋道1號荃新天地二期1樓125號舖
📍📍📍📍📍📍📍📍
👉🏻想睇更多吃喝玩樂資訊？Follow我啦！
FB：stellasheafoodiary
Ig： stellasheaa
Blog：Stella's hea食玩部屋
YouTube : https://www.youtube.com/channel/UCXPATomyWsZumEe4cT4OBEw

#stellasheaa荃灣
#hkFoodie #food #hongkong #HK #hkfood #foodie #instafood #foodoftheday #手機食先 #相機食先 #香港 #吃貨 #炑八 #炑八韓烤 #Meokbangbbq

🍮🥯十分天燈夜市🥯🍮
已經年幾無去過旅行喇！以前就算幾忙，都都近近地去吓台灣、泰國⋯無得坐飛機去玩，唯有搵啲野望梅止渴！
✈️✈️✈️✈️✈️✈️✈️✈️
D‧PARK 依加就有個「十分天燈夜市」！就算依加無得飛去台灣食野，都可以過去感受吓氣氛！市集入口已經有個十分車站打卡位～再行入去就會見到十幾間台灣小食攤位，頭頂就掛滿晒天燈～
🏮🏮🏮🏮🏮🏮🏮🏮
小食方面真係好多選擇！
每間都各有特色～而我就試咗以下依幾款：
-大腸包小腸 $40（喜悅味道）
-紫薯手抓餅 $40 （SUN 100）
-腩肉刈包 $38 （刈Bao）
-焦糖布甸吐司 $38 （Try my bread）
-黑糖珍珠厚奶 $30 （吉龍糖黑糖茶飲）
-芋頭酥 $75/4件 （大頭芋）
-三色仙草芋圓 $37 （九份茶舍）
🥡🥢🥡🥢🥡🥢🥡🥢
-最鍾意佢地個大腸包小腸！真係好耐都無食過喇！糯米腸係佢地自家製，下面仲有啲蒜泥添！好惹味！
-腩肉刈包雖然好邪惡，但又真係好好食～腩肉整得夠腍，入口即溶！又香又嫩滑！
-焦糖布甸真係幾驚喜～大大個布甸放喺多士面，布甸非常香滑～厚多士又好夠鬆脆！
-紫薯手抓餅食落真係有淡淡嘅紫薯香，仲有芝士、粟米同火腿喺入面，好豐富～
-三色仙草芋圓就大大份！雖然係甜品，但都好飽肚！
-黑糖珍珠厚奶一直係我最愛，食完咁多野，飲返杯夠下喝～黑糖珍珠煮得夠入味，甜度仲有得揀添！
-臨走前仲可以去買返啲芋頭酥帶返屋企～彩色嘅酥皮面真係好靚好可愛！
📍📍📍📍📍📍📍📍
D‧PARK愉景新城
香港荃灣青山公路荃灣段398號　
📍📍📍📍📍📍📍📍
👉🏻想睇更多吃喝玩樂資訊？Follow我啦！
FB：stellasheafoodiary
Ig： stellasheaa
Blog：Stella's hea食玩部屋
YouTube : https://www.youtube.com/channel/UCXPATomyWsZumEe4cT4OBEw

#stellasheaa荃灣
#相機食先 #香港 #吃貨 #荃灣 #DPARK #愉景新城 #暢遊大世界 #感受旅遊的溫度 #古早滋味 #文青景點