https://www.patreon.com/posts/boys-ren-zha-mei-56065884
前言：道貌岸然，卻做盡一切人渣壞事、內心卑鄙無恥，除左政府，仲有黃標KOL……燒山細良世七沈國屍陶君行廢老森4X就係現實版《The Seven》
因為要睇EVA劇場版所以訂咗Amazon Prime，立一立佢本身嘅陣容發覺同Netflix比真係相差幾遠，再加上本身個UI有啲難用，本來諗住睇完就Unsub咗佢算。
點估倒無意中Click入去睇一套叫《黑袍糾察隊》嘅劇集入去睇會有咁大驚喜。老實講，對於一堆Marvel撚不停吹捧英雄片點好點好、仲要少少批評都容不下經已非常厭倦，所以一睇《The Boys》簡直覺得係美劇清泉，響我心目中甚至可達神作Level。
《黑袍糾察隊》個故仔Setting其實好簡單，就係講一隊好似正義聯盟嘅嘢（有美國隊長、神奇女俠、水行俠、閃電俠……），入面班所謂超級英雄全部唔係有精神病就係人渣（或者兩者都係），而就有班平凡人因為各自唔同原因（例如女朋友比閃電俠殺咗、老婆比美國隊長姦咗、孫仔孫女比噴火俠燒死之類）而展開復仇計劃。
成套戲好睇嘅地方除咗因為諷刺超級英雄視財如命、拍廣告電影重要過救人，一堆企業掛住正義牌頭但其實係用超級英雄黎控制政府滿足權力欲……更重要卻係對抗佢地班凡人，響絕大多數時間都堅持係用凡人嘅能力（即係善用計謀、勒索、分化、盜竊……）而唔會落於俗套變成超能力大戰。
即係之前都曾經有人提過當年嘅《Unbreakable》、《Deadpool》之類其實都係反英雄作品，但佢地及唔上《The Boys》嘅原因，卻在於少咗後者一份對超級英雄恨之入骨嘅感情──睇住入面果位貌似Diego Costa嘅男主角咬牙切齒講到美國隊長幾撚仆街偽善，睇住班超級英雄虛偽殘忍猙獰到仆街，成件事真係勁爽。其實套劇都刻意塑造到無論平凡人定超人一樣都有心理同性格缺憾（即使係作為兩大主角，佢地都各自有極之令人討厭嘅部份）；然而因為平凡人無超人果種能夠改變一切嘅蠻力，佢地更加傾向以合作、妥協方式解決問題──Diego Costa成日提住隊友係Spice Girls，只要分散力量就一無事處，雖然老土但卻極之貼題。
不過美劇始終有一個大問題係，往往佢地之前講到好勁的目標／伏線，為咗令每一季都有更強爆點，於是就會大幅弱化。好似第一季講到搵CIA幫手係非常重要，第二季一開頭個副局長就爆頭死X咗；然後第二季一路舖排果個好鬼過癮嘅教派，去到季尾又係難逃一死；原先第一季一直無出樣，舖排到好X勁嘅幕後大佬Stan Edgar，點知出場之後無耐就變得平平無奇……
而家準備推出第三季，比我已係有種推進乏力嘅感覺，還望班創作人記番起，當初要比特技、要比故事曲折離奇，比《The Boys》優秀嘅大有人在，呢套劇嘅真正優點，始終都係在於對超級英雄呢個熱潮無可救藥嘅嘲諷，同埋無能力者對有能力者肆虐嘅復仇。
spice girls 在 快來回味英國紅極一時的辣妹合唱團Spice - Girls，感受一下Girl 的美食出口停車場
辣妹合唱團#Wannabe #GirlPower #愛黛兒#90年代需要一點調料spice up your Monday? 快來回味英國紅極一時的辣妹合唱團 Spice Girls ，感受一下Girl power吧！ ... <看更多>