關於 sorryfor199 ，我們在網路上蒐集到這些相關的討論、資訊與評價

我每日都要過瀏海，但划船太攰喇，所以都係搭番洗頭艇算～～

#sorryfor199

( /*0*)/ 圖片來源：秒拍 //

各位，相信大家呢排update咗隻app，都會發現有好大嘅轉變，，，冇錯，今日係想同大家宣佈，Pokeguide app已經走出地鐵嘅框框，從今日起會提供埋小巴/巴士/電車/纜車/船/輕鐵...所有其他交通嘅建議！呢個咁重大嘅轉變都係為咗將來想拓展更加多鐵路冇完全覆蓋嘅城市(近嘅例如澳門京都呢d地方..)，當然我地依然會以地鐵為主，繼續提供唔同國家地鐵車卡車門資料，所以大家會見到左邊第一個tab已經係大家最常用嘅「地鐵」選項～ 而事實上我地仲不斷改善緊背後嘅運算系統，暫時嘅時間同建議路線可能仲有少少偏差，所以大家遇到有咩路線答案我地係錯得好離譜嘅，希望大家幫手inbox我地知，我地有命仲未死嘅一日都一定會盡量幫大家跟進嘅 lol

以前去親旅行都係用Google map搵路嘅，睇吓點樣搭車點樣轉乘，用得多就發現其實D答案好唔齊好唔準。。。去日本就會發現當地有好多好用嘅交通導航app，而香港點解又唔可以擁有一個屬於香港人嘅導航app？所以我地決定放手一試，希望大家都可以一齊集氣，每次搭車試用吓我地呢個更新版，有問題就cap圖同我地講，我地會一直改善，直到可以為大家做到一隻屬於自己香港人，，而感到自豪嘅導航app 🙏🏻

#SorryFor199
#祝大家新年快樂
#thankyouunwire

呢度update：
https://www.pokeguide.com/download

讓大家9等了，冇見一排沉降咗咁耐，終於可以同大家宣佈：複雜到母親都唔認得嘅日本東京版終於計劃喺未來幾個月推出喇！！！

繼今年年頭我地推出咗AR導航功能，今年年底會有更革命性嘅update (其實都係俾可惡嘅日本東京版迫出嚟嘅。。) 點解日本東京版搞咗咁耐？你都知啦有好多野你都估唔到架，例如天氣啦甚至精神都不似預期。。。。真正原因係因為東京地鐵系統實在太複雜，複雜到連當地人都話好複雜，所以大家到時update隻app就會體會到我地花咗幾多心血喇 🧛🏻‍

出東京版之前，咁啱我地都唔小心加入埋香港嘅機場快綫，可能有人心諗：“吓？機場快綫？唔係一早有架咩？” 喇，唔好咁快玻璃心住，就係因為機場快綫太易做，所以我地都花咗雞子咁小嘅心力，訪問咗好多成日喺維園、中環、重慶大廈出出入入嘅外國人收集吓意見咁～ 機場快綫嘅界面會同平時有少少唔同，唔係單純揀出口，你地只要打任何航班編號or目的地城市都可以搵到check-in counter對應最近嘅地鐵車門，有時都明大家可能急到瀨屎咁，咁呢個功能就會好幫到你 (當然都要喺度奉勸大家一句，唔好last minute先衝去機場，無謂令到地勤職員難做啦。。) 同埋我地睇見今年世界各地都出現多咗勁嘅颱風，所以都幫大家set哂所有航空公司電話，當遇上航班cancel/delay大家可以打去問吓睇吓咩環境啦～

最後，為咗配合將來我地更現他叻唇奴嘅版圖，我地仲支援咗法文&日文(其實都係用自己僅餘嘅N5級日文+google translate+一班豬朋狗友譯出嚟)，所以語法上有咩問題即管inbox我地，未忙死的話我地都會盡量一一回覆嘅。。。。

最後最後，天佑日本，希望沖繩、關西以至關東嘅居民可以順利渡過今次嘅難關 🙏🏻

#SorryFor199
#返鄉下要down定Pokeguide
#好野梗係日日用啦
#豁出去漫遊
#不通知親友

呢度update：
https://www.pokeguide.com/download