兩年前嘅今日，爸爸千里迢迢黎到法羅群島，親手將我交畀大地之子，並千叮萬囑大地之子要畀飽飯我食。
兩年後嘅今日，爸爸都去左一個好遙遠嘅地方，喺天上祝福住我地仲有佢緣慳一面嘅孫仔燒賣。
上年返左香港半年，陪住病重嘅爸爸，記得喺病床上嘅爸爸問我：「你自己一個返黎，個老公喺咁遠，你唔怕佢曳曳架？」即使卧病在床，爸爸記掛住嘅仍然係仔女。
爸爸，你放心啦，你女婿仍然係嗰個木獨不懂浪漫嘅老實人，佢有日日餵飽飯我食，好錫我同個孫仔。
記得大地之子喺婚禮嘅誓言上答應會幫我完成我嘅夢想。黎左法羅三年，好開心同左好多大地之友見面，識左好多新朋友，有時載下大家去玩，邀請下大家黎屋企食飯，幫大家計劃下行程，解答下旅程上嘅疑難。於是兩年前我就開始諗：「不如開間小小旅行社，做導遊帶大家去玩。」就喺一月嘅時候，有個台灣人聯絡我，希望我可以帶佢同兩個朋友玩三日，就係咁，造就左第一團法羅樂悠遊。大地之子幫我計劃好三日嘅行程、翻譯景點背後嘅故事，仲請左假幫我做司機。三日嘅行程好順利，亦都好開心識左呢三個台灣朋友。之後我就更加堅定，希望可以寓興趣於工作，做個陪大家遊山玩水嘅導遊。大地之子都好支持我，一路幫我查開公司嘅手續，處理paper work。。。
然後。。。
登登登櫈！喺度我同大地之友們正式宣布。SOE Travel 正式開業！SOE 其實係Son of Earth （大地之子）嘅縮寫。我想將我呢個夢想以我嘅另一半命名，因為真係無大地之子就無SOE Travel。而其實喺兩年前，我已經拜托本世紀最偉大嘅設計師朋友 @chanflyhaha 幫我設計SOE嘅logo 。當時我好不負責任咁畀左個好核突嘅draft 佢，同佢講：「我想個logo 有山有水有眼睛。」然後佢就化腐朽為神奇。
Logo設計好無耐，我就有左燒賣，於是計劃要暫時擱置。黎緊燒賣8月去托兒所，我都有返d時間，可以準備下😊睇黎今年大家都要乖乖留喺香港，我會喺今年努力plan唔同行程，溫習下法羅嘅歷史、文化💪🏻💪🏻💪🏻
大家放心～如果你地計劃自駕遊，或者自遊行，或者想報名參加其他旅行團，有疑問，我仍然好樂意解答😊至於唔識開車，又想有個中文導遊嘅大地之友，歡迎聯絡我😉
而家只希望疫症快快走，可以再次同大地之友見面～今年我會好好準備💪🏻希希下年有機會帶大家遊法羅！
#faroeislands #travel #法羅群島 #soetravel
soe縮寫 在 有些朋友看到咖啡店menu上有個選項是"SOE" - Facebook 的美食出口停車場
SOE 是SIngle Origin espresso的縮寫，意思是“單一產區的濃縮咖啡” 單一產區的咖啡豆， ... 但其實同樣可以使用義式咖啡機，萃取出咖啡濃縮飲用，就叫「SOE」。... ... <看更多>